سؤال للخبراء بخصوص تعديل الموتوسيكلات

[vbnmnm]

السلام عليكم ورحمة الله وبركاتة
معايا موتوسيكل دايون 7 صينى شبه الهارلى عايز اعدل الجادون بتاعة يعنى تبقى العجلة الامامية على واسع اوى كما بالصور
اعمل ايه ؟؟؟



الصورة الاولى الموتوسيكل بتاعى عايز اخلى العجلة الامامية على واسع كده زى الصورة الثانية

[yascro]

لازم تعدل ف الشاسيه نفسه عشان تاخد زاويه الميل دى

[vbnmnm]

لازم تعدل ف الشاسيه نفسه عشان تاخد زاويه الميل دى

والتعديل ده مين بيعملة يا باشا اى ميكانيكى يعنى ؟؟؟
وهل التعديل ده صعب ولا سهل ؟

[tmedhat]

الاول قولنا رايك فى الموتوسيكل بتاعك و اية مشاكلة و اطول مسافة قطعتها بية كانت قد اية و معدل السرعة كان كاام؟

[karembob]

انا كان معايا دايون 7 وكنت معدل فيها كدة زي ما انتا عاوز وعلبة شكمان والشغل دا بص
انتا تروح لحد بتاع موتوسكلات نضيف تقلو انا عاوز ارفع المسعدين اللي قدام شوية هو هيقلك اشتري حاجة بيسموها كوبيتين بيطول المسعدين شوية لقدام بس مش زي اللي في الصورة عشان دا شاسي بس بيبقي شكله حلو

[vbnmnm]

انا كان معايا دايون 7 وكنت معدل فيها كدة زي ما انتا عاوز وعلبة شكمان والشغل دا بص
انتا تروح لحد بتاع موتوسكلات نضيف تقلو انا عاوز ارفع المسعدين اللي قدام شوية هو هيقلك اشتري حاجة بيسموها كوبيتين بيطول المسعدين شوية لقدام بس مش زي اللي في الصورة عشان دا شاسي بس بيبقي شكله حلو

انا فعلا لو طولت المساعدين اللى قدام هيبقى شكلة حلو بس انا نفسى فى زاوية الميل دى
هل سهل انى اعدل فى الشاسية بحيث انى اجيب الميل الجامد ده ولا صعب ؟ والكلام ده الميكانيكى اللى بيعملة ولا حد تانى ؟

[karembob]

انا شايف ان الموضوع صعب شوية عشان انتا كدة هتلعب في الشاسي جامد يعني هتشيل وتلحهم وتعمل الزوية دي بس اعمل حسابك ان الشاسي الصيني مش زي الشاسي اليباني خالص واكيد الكل عارف بي كدة غير 80 % من التعديلات دي بتتعمل في الخارج مش في مصر واكيد انتا عارف دماغ الخواجة نصيحة بلاش وخليك في تطويل المسعدين فقط ولك الاختيار

[vbnmnm]

انا شايف ان الموضوع صعب شوية عشان انتا كدة هتلعب في الشاسي جامد يعني هتشيل وتلحهم وتعمل الزوية دي بس اعمل حسابك ان الشاسي الصيني مش زي الشاسي اليباني خالص واكيد الكل عارف بي كدة غير 80 % من التعديلات دي بتتعمل في الخارج مش في مصر واكيد انتا عارف دماغ الخواجة نصيحة بلاش وخليك في تطويل المسعدين فقط ولك الاختيار

ماشاء الله على المكنة يا باشا
بس كنت عايز اعرف الشكمان التعديل اللى فى الصورة حضرتك عملته فين واتكلف كام ؟؟

[karembob]

الشكمان دا انا عمله في ٢٠٠٩ كان عند واحد في حته اسمها صفت اللبن عند واحد اسمه جمعة كنت عمله بي ١٣٠ جنة دلوقتي ممكن يتعمل بي ٢٠٠

[vbnmnm]

الشكمان دا انا عمله في ٢٠٠٩ كان عند واحد في حته اسمها صفت اللبن عند واحد اسمه جمعة كنت عمله بي ١٣٠ جنة دلوقتي ممكن يتعمل بي ٢٠٠

فين فى صفط اللبن بالتحديد ؟
ولك جزيل الشكر

[karembob]

والله يابشا بالتحديد مش فاكر عشان انا بقلك من 2009 بس هو في شارع اسمه الشربجي
يعني تنزل وتسال علي جمعة بتاع الشكمانات دا هو مشهور اوي هناك انتا ساكن فين ممكن تيجي ونرحلو سوه

[vbnmnm]

والله يابشا بالتحديد مش فاكر عشان انا بقلك من 2009 بس هو في شارع اسمه الشربجي
يعني تنزل وتسال علي جمعة بتاع الشكمانات دا هو مشهور اوي هناك انتا ساكن فين ممكن تيجي ونرحلو سوه

ربنا يكرمك يارب ومتحرمش منك يا غالى

[karembob]

لا شكر علي واجب احنا تحت امرك وان شاء الله بالتوفيق ولو في اي وقفت قدامة احنا في الخدمة كل سنة انتا طيب