Tweet
Suzuki
تعالو نسمع قصت سوزوكي المؤثرة
تعالو نسمع قصت سوزوكي المؤثرة
شركة سوزوكي للمحركات هي شركة يابانية الاصل ولها مصانع وفروع كتير حول العالم تقوم بتصنيع السيارات والدرجات النارية و المحركات
وهي واخدة المرتبة ال 12 علي مستوي العالم كاكبر مصنع محركات في العالم
وعندها يا جدعان 45 الف عامل
وعندها 35 موقع إنتاج في 23 دولة
الناس دي مبتهزرش
و 133 موزع في 192 دولة.
وبالصلاه علي النبي كدا سوزوكي يا جدعان تحتل المرتبة الاولي في العالم في تصنيع المحركات الصغيرة
وبما اننا في قسم ادرجات النارية يبقي ملناش دعوة بالعربيات ونركز علي الدرجات النارية ولا اية؟
طاب اول حاجة نعرفها اية ؟
نعرف اسم سوزوكي معناه اية وتاريخ الشركة
كان فيه زمان واحد اسمة
ميشيو سوزوكىMichio Suzuki
سنة 1909
الحج ميشيو سوزوكي
كون شركة سوزوكي الشركة دي كانت للمنوال
(البتاع دا بتاع النسيج اللي بيعملو بيه القماش)
الشركة دي كانت في قرية صغيرة اسمها هاماتسيو
والامور كانت ماشية تمام وكبر المشروع جامد قوي لما شركة سوزوكي صنعت المنوال للناس الكبيرة قوي في صناعة الحرير في اليابان
سنة 1929
سوزوكي اخترع نوع جديد من الات النول وصدرها للخارج وسجل 120 براءة اختراع منها ولمدة 30 سنة كانت الشركة دي مبتعملش حاجة غير انها بتصنع وتطور المنوال دا
الاخ سوزوكي قرر انه يصنع سيارة صغيرة كدا لانة كان في نظرة هو دا المشروع التمام اللي هيمش بعد كدا وسنة 1937 بدا المشروع
وبعديها بسنتين خلص شوية تصميمات للسيارات وكان اية بقي مستخدم احسن الانواع والخامات ساعتها اوعا وشك بقي كانت عبارة عن موتور اربعة سيلندر و كان فيه رادياتير (كان اختراع جديد ساعتها ):D
اوباااااااا وكلاكس كمان بيب بيب
800 سي سي بس كان 13 حصان بس (الحلو مبكملش)
والحرب العالمية بدات بقي والحكومة اعلنت ان سيارات الركوب المدنية سلع غير ضرورية
اتقهر يا عيني ورجع تاني لصناعة المنوال
بس للاسف انهار سوق القطن بعديها وقعد سوزوكي بلا شغلة ولا مشغلة بينقي الرز وبيجمع الجرير
فكر في تصنيع العربيات تاني واستغل ان اليابان بعد الحرب كانت محتاجة وسيلة مواصلات بسرعة و تكون باسعار مقبولة شوية وتكون موثوق فيها (لا ذكي )
طبعا هتقولولي امال فين الموتسيكلات :D
1952
نزل سوزوكي دراجة بمحرك بخارية وكانت اية بقي في وقتها مقولكش
وكانت اول سنة ينزل فيها دراجة نارية
من الخمسينيات الي الستينيات الشركة بقت تصنع الدرجات النارية بس مش زي الاول عجلة وعليها موتور لا كان موتوسيكل بجد وكان محرك ذات مخنقين فقط
Two-stroke engine
وكان 3 سليندر
وكان عامل النجاح للموتوسيكل دا ان كان فيه مسابقة في فئة ال 50 سي سي كسبها الدراجة النارية دي في المنيا
سنة 1962
سوزوكي بقي اول مصنع ياباني يكسب بطولة موتوكروس العالمية لما (جويل روبورت )(متسابق تبع سوزوكي) كسب السباق في فئة ال 250 سي سي
وتوالت الاحداث والنصر في سباقات موتو جي بي
Moto GP
من 2006
الفريق بتاع شركة سوزوكي جاله راعي رسمي اسمة
ريزلاRizla
والفريق بقي معروف باسم
ريزلا سوزوكي
واخر الاحداث
18 نوفمبر 2011 اعلنت سوزوكي ان سباقات ال جي بي وقفت موقتا نتيجة للكوارث الطبيعية وهترجع تاني 2014
كدا احنا عرفنا تاريخ الشركة دي
نيجي بقي للانواع اللي في كتير مننا منعرفش منهم غير نوع ولا اتنين
Comment