مقعد ال سوزوكي هايبوزا 2003

[Elaven]

السلام عليكم يا رجالة

كنت عاوز اعرف بكام الكرسي بتاع السوزوكي هايبوزا 2003
وجزاكم الله الف شكر
وياريت لو العمدة موجود يقولنا ال هايبوزا 2003 قاطع 10 الاف كيلو وطبعا 1300 سي سي
في مصر بكام
وشكرا لأي رد من الاعضاء

[yascro]

هسال وارد عليك

[Elaven]

تسلم يا كبير علشان الكبير كبير بردو

في سؤال يا دياب

الكرسي الجلد بتاعة مقطع بموس والسافنج باين
الله يخربيت الهبل بتاع صاحبه عمل كدة لية الله اعلم
السؤال بقي هل ممكن اغير الجلد بس او اشد علية جلد اسود بردو كأني هغلفة مثلا ولو ينفع اذاي افك الكرسي

[tito29]

تسلم يا كبير علشان الكبير كبير بردو

في سؤال يا دياب

الكرسي الجلد بتاعة مقطع بموس والسافنج باين
الله يخربيت الهبل بتاع صاحبه عمل كدة لية الله اعلم
السؤال بقي هل ممكن اغير الجلد بس او اشد علية جلد اسود بردو كأني هغلفة مثلا ولو ينفع اذاي افك الكرسي

عادي جدا
حتي لو الأسفنج نفسه مش موجود مش مشكلة

لو أنا مكانك أشوف أي واحد بتاع معرض موتوسيكلات حتلاقيه بيتعامل مع سروجي متخصص للشغل ده علشان كتير من الموتوسيكلات الأستيراد الكرسي بتاعها بيتقطع أثناء النقل و التحميل لذلك عادة بيكون صاحب المعرض عارف سروجي ممتاز
و السروجي الممتاز بيكون عنده جلد مستورد و خامته نفس خامة الجلد الأصلي (و يمكن أفضل )
و يفصل الجلد الجديد علي نفس خياطة الجلد القديم و بأستعمال نفس لون الخيط و الصنايعي يكون نضيف
أكيد حاتكون النتيجة رائعة
خد بالك الموضوع ده ممكن يتكلف فوق ال200 جنيه

[zoom2zoom]

الموديل ده للاسف نازل فيها مشكله في وش السلندر وده اللي مخليها مش منتشره في مصر ومش مطلوبه واسعارها بتتراوح في الاربعينات عموما وطبعا لاتقارن بال 2009
رغم انها عامله زي العربيه ال28 اي تعديل فيها بيظهرها جااااااااااامد