إستفسار بخصوص زيت الكرونة

[Boshy911]

أخوه الأعضاءالكرام ، عملين إية ؟؟ ليا سؤال مهم جدا بخصوص تغير زيت الكرونة للبايك ،،، علشان أنا من فتره كده حسيت إن في صوت عامل ذي ( الونة ) جاي من الكرونة فسألت كذا واحد قالولي ممكن يكون الزيت ناقص ، والأحسن إني أغيره وأحط زيت كورونه أتقل شويه علشان يمنع صوت الونة ،،، فأنا عايزكم تنصحوني أحط زيت إيه و إسمة إيه و نوعة إية و ألقيه في أنهي بنزينة بالضبط ،،،، وشكرا لسعة صدركم و أرجو سرعة الرد علشان عايز أغيره النهاردة بالليل إن شاء الله .... ولكم جزيل الشكر

[Boshy911]

محدش عندة فكرة

[tito29]

أخوه الأعضاءالكرام ، عملين إية ؟؟ ليا سؤال مهم جدا بخصوص تغير زيت الكرونة للبايك ،،، علشان أنا من فتره كده حسيت إن في صوت عامل ذي ( الونة ) جاي من الكرونة فسألت كذا واحد قالولي ممكن يكون الزيت ناقص ، والأحسن إني أغيره وأحط زيت كورونه أتقل شويه علشان يمنع صوت الونة ،،، فأنا عايزكم تنصحوني أحط زيت إيه و إسمة إيه و نوعة إية و ألقيه في أنهي بنزينة بالضبط ،،،، وشكرا لسعة صدركم و أرجو سرعة الرد علشان عايز أغيره النهاردة بالليل إن شاء الله .... ولكم جزيل الشكر

زيت الكرونة يباع في البنزينة بأسم زيت فالفالين وهو نفسه الزيت المستخدم في الفتيس المانيوال و حتلاقي منه كذا كثافة بدءا من ال90 المتعدد الدرجات و حتي ال140
أفضل حاجة أنك تستعمل نفس مواصفات الزيت ألموصي به من المصنع و ده تعرفه من الورك شوب مانيوال
بس نظرا لأن الكرونة في الموتوسيكلات بتأخذ زيت قليل جدا يعني بالكتير قوي 1 كيلو و أن مافيش خطورة تذكر (علي المدي القصير) من أستعمال زيت كرونة مخالف للمواصفات لذا لو أنا مكانك حاستعمل زيت 90 الأول و أجرب لمدة يومين لو الصوت راح يبقي تمام لو ماراحش جرب زيت 140
عموما أنا بأستعمل زيوت كاسترول بس زيت الكرونة (و الفتيس) متوافر في أي بنزينة و سعره رخيص يعني تقريبا كده 20 جنيه الكيلو علي ما أتذكر
خد بالك لو مستوي الزيت ناقص حاول أنك تزوده بسرعة قبل ما الأجزاء الداخلية للكرونة تتأكل و علي رأي الصنايعية تلسع

[Boshy911]

الله ينور يا تيتو يا جامد ,,, والله مش عارف أشكرك إذاي
وفعلاً أنا جبت زيت موبيل 90 وتم تغييرة بالفعل وبكرة إن شاء الله حاخد مشوار كدة وأشوف إية الكلام
ولك جزيل الشكر علي ردك المستفيض يا برنس البرانيس
وشكراً جزيلاً لك

[tito29]

الله ينور يا تيتو يا جامد ,,, والله مش عارف أشكرك إذاي
وفعلاً أنا جبت زيت موبيل 90 وتم تغييرة بالفعل وبكرة إن شاء الله حاخد مشوار كدة وأشوف إية الكلام
ولك جزيل الشكر علي ردك المستفيض يا برنس البرانيس
وشكراً جزيلاً لك

أي خدمة يا باشا

و علي فكرة لو عملت صوت ونة تاني فيه حلول أخري بس أنا بأعتبرها عك زي مثلا كبس الكرونة بالتبن
عموما لو لاقدر ألله عملت صوت الأفضل أنها تتفك و يتم الكشف علي البلي و التروس و تغيير ما يلزم
خد بالك برضه أن أحتمال الكرونة ده بعيد شوية علشان الكرونة عمرها طويل و نادرة الأعطال جدا حتي لو من غير زيت و ممكن الكاوتش الخلفي يكون فيه بالونة في الجنب هي أللي عاملة كل المشاكل و تديك نفس صوت الكرونة
يعني لازم تتأكد مليون الميه قبل ما تفك الكرونة أو حتي تيجي جنبها

[yascro]

ممنوع منعا باتا فك الكرونا عشان مش هترج زى الاول وهتعملك مزيكا حسب الله ههههههههههههه
والله ينور عليك يا تيتو انا قلتله نفس الكلام ف الموبايل

[tito29]

ممنوع منعا باتا فك الكرونا عشان مش هترج زى الاول وهتعملك مزيكا حسب الله ههههههههههههه
والله ينور عليك يا تيتو انا قلتله نفس الكلام ف الموبايل

طبعا فك الكرونة و أعادة تركيبها عملية صعبة جدا ده غير أن غسيل المكونات الداخلية يؤدي ألي أزالة جميع الأوساخ و الرايش مما يؤدي ألي زيادة نسبة الخلوص (البوش) في التروس و بالتالي تسمع أحلي أصوات و مزيكا
ألأفضل تغيير الكرونة بالكامل بواحدة أخري بس ده بعد لما تيأس تماما و تتأكد مليون الميه أن العيب داخل الكرونة و ما فيش أي حل أخر
للأمانة برضه ده عيب نادر جدا و الكرونة علشان تلسع و تطلع أصوات يبقي الموتوسيكل ده كان ماشي من غير زيت و لمدة طويلة جدا جدا و مع أستعمال قاسي يعني تعريض و أمركاني و خلافه

[ztx]

هو ايه الكرونة؟

[Boshy911]

ألف شكر ليكم يا تيتو أنت و ديبو ,,, والله ما قصرتم
والله مش عارف أشكركم إذاي

[tito29]

هو ايه الكرونة؟

نقل الحركة من الموتور (و الفتيس) للعجلة الخلفية يكون عن طريق أحد ثلاث خيارات:
1. ترس أمامي و جنزير و ترس خلفي و ده أللي موجود في معظم الموتوسيكلات
2. عمود كردان و كرونة خلفية و ده في معظم الكروزرز التقيلة يعني من 750 سي سي و أنت طالع. و ده منقول من عالم السيارات و مميزاته أنه طويل العمر و قليل الصيانة بس لا يناسب القيادة الرياضية السريعة لذا غير متوافر في الريس بايك
3. سير جرمطاطي علي 2 طنبورة و ده موجود عادة في الكروزرز الأمريكي و ميزته أنه ناعم في السير جدا و لا يحتاج شد كل فترة زي الجنزير العادي

يارب أكون قد أفدتك

[Melego323]

نقل الحركة من الموتور (و الفتيس) للعجلة الخلفية يكون عن طريق أحد ثلاث خيارات:
1. ترس أمامي و جنزير و ترس خلفي و ده أللي موجود في معظم الموتوسيكلات
2. عمود كردان و كرونة خلفية و ده في معظم الكروزرز التقيلة يعني من 750 سي سي و أنت طالع. و ده منقول من عالم السيارات و مميزاته أنه طويل العمر و قليل الصيانة بس لا يناسب القيادة الرياضية السريعة لذا غير متوافر في الريس بايك
3. سير جرمطاطي علي 2 طنبورة و ده موجود عادة في الكروزرز الأمريكي و ميزته أنه ناعم في السير جدا و لا يحتاج شد كل فترة زي الجنزير العادي

يارب أكون قد أفدتك

بيعجبنى فى حضرتك جدا شرحك المستفيض فى كل رد على إستفسار الأعضاء .. بارك الله فيك

[ztx]

نقل الحركة من الموتور (و الفتيس) للعجلة الخلفية يكون عن طريق أحد ثلاث خيارات:
1. ترس أمامي و جنزير و ترس خلفي و ده أللي موجود في معظم الموتوسيكلات
2. عمود كردان و كرونة خلفية و ده في معظم الكروزرز التقيلة يعني من 750 سي سي و أنت طالع. و ده منقول من عالم السيارات و مميزاته أنه طويل العمر و قليل الصيانة بس لا يناسب القيادة الرياضية السريعة لذا غير متوافر في الريس بايك
3. سير جرمطاطي علي 2 طنبورة و ده موجود عادة في الكروزرز الأمريكي و ميزته أنه ناعم في السير جدا و لا يحتاج شد كل فترة زي الجنزير العادي

يارب أكون قد أفدتك

متشكر ليك علي الشرح يا باشا

كفيت ووفيت