عاوز نصيحة و مساعدة

[mdfd5]

هي مش أول مشاركة ليا بس أول مشاركة فعلية
اولا اسمي محمد فريد الجوهري
في ثالثة هندسة مدني و كان المفروض اني بكالوريوس "قدر الله ما شاء فعل" بسبب نظام التعليم في بلدنا الحبيبة و لأن مليش في قسم مدني أصلاً و ساكن في القاهرة الجديدة و كليتي هندسة المطرية التابعة لجامعة حلوان
أنا بقالي فترة متابع قسم الموتوسيكلات عشان طالعة في دماغي و دلوقتي بفكر اني اجيب هوندا شادو 400 أو ستيد مع العلم اني سوقت بس موتوسيكلات CVT و لغاية دلوقتي مسوقتش موتوسيكلات manual و مطلعتش رخصة موتوسيكلات و مع اني بسوق عربيات من زمان قوي
مع العلم اني دماغي عالية في العربيات و الميكانيكا بتاعتها و الكهرباء و الالكترونيات عامة
و قلت استنى لغاية اجازة نص السنة و دلوقتي عايز اجيب هوندا شادو 400 أو ستيد ابدأ بيها و اطلع رخصة موتوسيكلات و اتعود على على الموتوسيكل اللي هجيبه قبل ما الاجازة تخلص و مع العلم ان الريس شايفه احسن بس لقيت ان مشاكله اكتر من الكاستم و ده غير ان شوارع البلد حلوة قوي و ده غير اني متهور و مجنون قوي
و حالياً انا دلوقتي قدامي هوندا شادو موديل 2001 و صاحبها بيتكلم في 20 الف و في عند بليد في الشيراتون ستيد موديل 1995 بـ19 الف و هوندا شادو 400 موديل 1999 و 2001 بـ27 الف و ده غالي عليا حبتين وده كله كان على التلفون
فكنت عايز نصيحة بإني اعمل ايه و مساعدة في ان حد يبقى معايا يجيب معايا موتوسيكل لقطة و نضيف إنشاء الله
و معلش لو كترت عليكم

[alfath8]

الاول اهلا بيك يا محمد
وان شاء الله ربنا يكرمك بحاجة كويسة فى اخ فاضل معانا فى النايل عارض هوندا استيد 400 وشادو 400 ممكن تكلمه وتشوف اسعارهم ايه استاذ صفوت فى قسم البيع والشراء وبعدين اهم حلجة وانتا بتشترى يكون معاك حد فاهم جدا فى البايك ولازم ميكانيكى ودى حاجة ضرورية جدا

[mdfd5]

ربنا يعلم قد ايه انا عارف و متأكد ان حضرتك اول واحد هيرد عليا و عارف انك خدوم جداً
و من حيث ان يكون معايا حد حد فاهم و ميكانيكي كويس فأنا طمعان في مساعدتكوا في الموضوع ده عشان معرفش غير ميكانيكية عربيات و للأسف معرفش حد بيفهم في البايك

[karembob]

زي ماقلك محمد مصطفي في حتي حلوة مع صفوت 400 شادو بس لو اللي انتا بتقول عليها اللي بي20 دي سعرها دلوقتي لقطة بس اهم حاجة حالة الموتوسكل اي والمتور ميكنش حالل مسمار فيه وتشوف ان كان راشش حاجة ام لا والشاسية كويس واله في حاجة
تحياتي

[parachute]

اهلن بيك يا محمد
احب اعرفك بنفسي اسمي محمود تالتة مدني بردوه بس هندسة القاهرة وبجد عاوز اقلك ان مدني قسم كويس جدا ولو محتاج ايه حاجة فيه انا ممكن اساعدك لاني بحب القسم ده جدا انا عن نفسي في مواد فيه بحبها وفي بكرها اوي بس خرسانات steel structure تمام تديني بئا مواد مية مش بطيقها وان شاء الله ربنا يوفقك ويوفقني .
وبالتوفيق في موضوع البايك ديه وتلاقي حاجة كويسة

[alfath8]

ربنا يعلم قد ايه انا عارف و متأكد ان حضرتك اول واحد هيرد عليا و عارف انك خدوم جداً
و من حيث ان يكون معايا حد حد فاهم و ميكانيكي كويس فأنا طمعان في مساعدتكوا في الموضوع ده عشان معرفش غير ميكانيكية عربيات و للأسف معرفش حد بيفهم في البايك

والله لو اقدر انزل واجى معاك مش هتأخر بس الطرق عندنا مقطوعة الايام دى واضرابات ومظاهرات ربنا يسترها علينا ان شاء رجالة المنتدى مش هيتأخروا عنك

[Melego323]

اهلن بيك يا محمد
احب اعرفك بنفسي اسمي محمود تالتة مدني بردوه بس هندسة القاهرة وبجد عاوز اقلك ان مدني قسم كويس جدا ولو محتاج ايه حاجة فيه انا ممكن اساعدك لاني بحب القسم ده جدا انا عن نفسي في مواد فيه بحبها وفي بكرها اوي بس خرسانات steel structure تمام تديني بئا مواد مية مش بطيقها وان شاء الله ربنا يوفقك ويوفقني .
وبالتوفيق في موضوع البايك ديه وتلاقي حاجة كويسة

ظبط بأه الباشمهندس محمد يا حودة و شوفو لو ينفع ييجى معانا بكرة ان شاء الله لو خرجنا

[mdfd5]

والله لو اقدر انزل واجى معاك مش هتأخر بس الطرق عندنا مقطوعة الايام دى واضرابات ومظاهرات ربنا يسترها علينا ان شاء رجالة المنتدى مش هيتأخروا عنك

و الله عارف انك خدوم جداً و مبتتأخرش على اي حد و يا بخت أهل بورسعيد بيك و متقلقش إنشاء الله هكلمك على اول نزولة لبورسعيد

[mdfd5]

ظبط بأه الباشمهندس محمد يا حودة و شوفو لو ينفع ييجى معانا بكرة ان شاء الله لو خرجنا

و الله كت في بالي مليجي باشا و كنت ناوي اتصل بيك بس لقيت الوقت اتأخر
يا ريت لو رايحين تشوفوا حاجة تقولولي عشان الواحد مستني حاجة تحركه من البيت
و عامة انا معايا عربية فاللي هيساعدني في الحوار ده مش هيتعب إنشاء الله

[alfath8]

يا محمد مش هانقولك مبروك بقى على البايك