عايز انكل الشكمانات و ارش الفايبر

[torky103]

صباح الخير على كل بايكرز نايل موتورز ................


عايز مساعدتكم ضرورى عايز انكل الشكمانات عندى هوندا ستيد ومش عارف اروح عند مين ياريت اى حد عندة خلفية عن الموضوع دة يقولى اروح فين بس يكون اصلى مش اى كلام عشان دى تانى مرة انكل فيها اول مرة الشكمانات لونها اصفر من كتر السخونية

وفى حاجة كمان انا هرش البايك عند واحد حبيبى بتاع دوكو سيارات دة صح ولا لازم ارشة عند بتاع فبر ولا مش فارقة

[Melego323]

خد بالك تنكيل الشكمان هيكلفك كتير .. لو مش مستاهل أوى ممكن تديلو فرشة تلميع أحسن

[torky103]

كتير ازاى يعنى بكام مثلا دة اللى انا عايز اعرفة

[Melego323]

ممكن يعدى 600 جندى

[Melego323]

بانسبة للرش و الله أعلم لو صاحبك دا صنايعى كويس مش هتفرق و هيطلع كويس ان شاء الله.. هو بتاع الفيبر بيفرق لو الفيبر محتاج لحام او مرمة او صب .. و لو هترش التنك بالمرة و هو برةإغسله بتنر او مزيل صدأ عشان لو فى صدى من جوة

[karembob]

في واحد عند قاعة سيد درويش اللي في الطلبية هرم اسمه الشيخ اراجل دا اسمع عنه انه كويس ورخيص
ولما انتا نكلت الاول دا كان مكنش نيكل كروم عشان كدة اصفر من السخونة

[torky103]

ممكن يعدى 600 جندى

مفتكرش يا مان ان ممكن يعدى المبلغ دة ولا يجيبة طب مانا اجيبة جديد احسن اكيد اقل من كدة بس شكرا على اهتمامك وردك

[torky103]

بانسبة للرش و الله أعلم لو صاحبك دا صنايعى كويس مش هتفرق و هيطلع كويس ان شاء الله.. هو بتاع الفيبر بيفرق لو الفيبر محتاج لحام او مرمة او صب .. و لو هترش التنك بالمرة و هو برةإغسله بتنر او مزيل صدأ عشان لو فى صدى من جوة

مانا هودى القيبر يتعمل عند شويبس وبعد كدة هودية يترش عند صحبى والتنك هغسلة فعلا زى مانت قولت شكرا جد يا ميليجووو :D

في واحد عند قاعة سيد درويش اللي في الطلبية هرم اسمه الشيخ اراجل دا اسمع عنه انه كويس ورخيص
ولما انتا نكلت الاول دا كان مكنش نيكل كروم عشان كدة اصفر من السخونة

دة بتاع نيكل ولا فيبر ؟ لو بتاع نيكل ياريت رقمة او عنوانة وشكرا يا كيمو:

[karembob]

انا معيش رقمه بس لو انتا لو رحت عند قاعة سيد درويش وقلت عاوز الشيخ اللي بينكل ناس كتير هدلك عليه واحد صحبي بيقولي ان منكل وش سلندر بي ٨٠ جنية علي حد قوله

[torky103]

انا معيش رقمه بس لو انتا لو رحت عند قاعة سيد درويش وقلت عاوز الشيخ اللي بينكل ناس كتير هدلك عليه واحد صحبي بيقولي ان منكل وش سلندر بي ٨٠ جنية علي حد قوله

شكرا يا كيمو انا ان شاء الله هروحلة قريب شكرا لاهتمامك يا كبير