أفيدوني يا أهل الخبرة

[hazem7]

كنت عاوز أسأل على أسعار الريس ال مستعمل في حدود المعقول , يعني ف حدود 12 ألف على الأكثر, هل ده يجيب حاجه نضيفة و تعد معايا كام سنه تستحمل فيها الشغل ولا لأ؟ و ما هو أفضل نوع ؟
انا لسه جديد خالص في العالم ده فكنت عاوز أفهم فيه شوية بطريقه عملية... ازاي؟
افيدوني...........

[loai-omar]

اولا نتختار الماركه؟

هوندا - كوازاكي -- ياماها سوزوكي

احسنهم في مصر الهوندا

ال 12 يجيبوا cbr250 زي الفل

و نضيف ..

يعد معاك كام سنه دي على حسب

بص انا اول ماجبته اعدت سنتين ماعملش غير:

زيت... بوجيهات...تيل فرامل... طبعا يد فرامل على لحام دواسه اتكسرت من وقعه كده يعني :)
و غيرت مره طلمبة البنزين..

انت عارف انك لما تمشي بيه بالراحه بيسخن :)

الموتوسيكلات دي عايزه الجري

بص انت ساكن فين؟

انا معايا لسه الريس و ممكن ابقا اقابلك اوريك الدنيا عامله ازاي

انا في المنيل

[Xpert]

انا ماليش في المكن .. بس ايام ما كنت في بورسعيد كان فيه مكن بالهبل .. انصحك تنزل هناك تاخد لفه كده في بنك الاسكان و الحرفيين و اسال هناك .. شوف فيه ايه و عامل كام الاول قبل ما تشتري حاجه ..

[freez]

بص يا باشا
اولا انت بتقول انك جديد يبقى خليك فى الهوندا 250 دى هتبقى تمام اوى
ابعد عن الياماها والسوزوكى مش لانهم وحشين لا بس علشان قطع الغيار ومش هتلاقى حد يشتغل فيهم
بالنسبه لاماكن البيع انا كنت عامل موضوع لاماكن البيع بتاعة الريس
قولى انت منين وانا اقولك اقرب مكان ليك
تمام وخلى بالك ان لو الريس حل موتور ده بيعيبه وينزل من سعره فى السوق
واحسن حاجه بتتباع وسوقها كويس هى الهوندا
دور على حد يكون عنده ريس وزهق منه
ومتهيألى انك لو نزلت بورسعيد هتعمل صفقه حلوه

[Xpert]

http://www.nilemotors.net/Nile/showthread.php?t=26675

[freez]

ياباشا ده عامل زى الهارلى مش ريس خالص :d

[Xpert]

احلي من الريس .. كله بيجري ورا الريس .. مين بيجيب هارلي ؟ :d

[freez]

انا لو نزلت جريت شويه اجيبه
ولا انت شايف ايه

[freez]

ده لو بتتكلم على الجرى :d
اما لو بتتكلم عن بيع وشرا فمصر كلها قربت يكون معاها هارلى صينى يعنى شكله اتحفظ خلاص

[CBR]

ده الاعلان بتاعي ههههههههههههههههههههههههههه

هو شكله قريب من ده

بس زود الشنط

ححاول احط صوره بكره انشالله

وكمان شكله جامد

وممكن تطلع من الريس بيه

غير كده والاهم انه مريح في السفر

والمشي الطويل

مش متعب نهائي

[CBR]

لو انت عايز ريس

في واحد جامد

400cc
honda
fire
model 1990

نضيف جدا والمكنه فابريكه

ب 12000

صاحبه زهق منه وعايز يجيب سياره

ديه نمرته

0120020303

قوله من طرف DJ

[freez]

متهيألى 12 على مكنه 400 هوندا فاير فابريقه
قليل !!!!!

[CBR]

مش عارف كام بالظبط

بس الرقم موجود

والي عايز يسئل صاحب الريس

سلام

[hazem7]

كل الكلام ده تمام....بس أنا لازم أستنى لحد ماخلص امتحانات و أدور براحتي على القصة دي..

إن شاء الله هاخلص على آخر شهر ستة

بس هوا ايه الفرق بين هندا 250 ده أو هوندا 500 (مثلا)....دي أرقام للموتور مثلا؟؟

شكرا يا شباب ... بجد المنتدى جامد جدا.......

[hetlar4u]

لا ده سعه الماتور على حد علمي
250 سي سي
400 سي سي
وفى 1000 سي سي
وحاجات كده :)