Honda-Fury >>> ليه ما حدش بيجيب سيرته؟؟؟؟؟؟

[nooox85]

الصراحه انا ما عنديش اي خبره في الدراجات و ما ركبتش قبل كدا و ما اظنش اني هاركب في حياتي علي الرغم من رغبتي الشديده بس ظروف العمل ما تسمحش بكدا و لا في الوقت لكدا للاسف
بس الصراحه بحب اتابع و اعرف الانواع اللي موجوده و خصوصا الكاستم
و لاحظت ان معظم الكلام علي الاستيد و الشادو بمختلف انواعهم و ال سي سي بتاعهم
لكن عمري ما شفت حد جاب سيره الهوندا فيوري مع انه شكله من افضل الموديلات اللي شفتها
خصوصا انه بيجمع بين الكاستم و الشوبر
و لا هل دا يرجع لان اكيييييييد سعره غالي جدا لانه السي سي بتاعه عالي"؟؟؟؟؟؟؟؟؟؟؟؟؟؟؟؟؟؟؟

[alfath8]

غالى اوى علشان كده مش هتلاقى الكلام كتير عليه لانه فئة غير منتشرة نسبيا

[Hesham94]

فعلا كلامك تمام ودا برجع للاسباب التالية

- عايز طرق مفتوحة فقط

- غير عملى بالمرة داخل المدينة وهذا ليس من قلة الجودة لكن بالعكس بسبب موتورة الغبى على وزنه الخفيف

- فى بايكرز ركبوة قالوا مش مريح زى الشادو وامثاله

- قطع غيار غالية ونادرة الوجود واعادة بيع مقرفة وسعره غالى

- حرييييييييييييييييييييقة بنزين

- سعره غالى وخارج المنافسة بالمرة فهناك موديلات افضل 10000 مرة منه بنفس الفئة السعرية

اتمنى ان اكون افدتك

[nooox85]

الف شكر يا رجاله و فعلا انا لما دورت عالسعر لاقيته معدي ال 100000 !!!!
و طبعا لل 1300 سي سي يعني وحش بنزين
بس حتي الان صعبان عليا التصميم الجامد دا مش موجود في بايك اكتر عمليه شويه
يالا خيرها في غيرها و منكم نستفيد دايما يا رجاله

[karembob]

انا كنت عند واحد مكانيكي النهاردة وكان عنده واحد بيعمل لي صيانة وانا ركبت عليه ودورته هو موتوسكل ملوش حل
المشكلتين اللي في المتوسكل دا ان اول حاجة قطاع غياره غاليا جدا جدا وهو اصلا غالي جدا جدا
والمشكلة التانية ودي اغلب الناس اللي بتفكر تشتري الموتوسكل دا بالتحديد بتتراجع عن شرائه وهو انه واطي جدا جدا علي الارض

[karembob]

والصين عملت موتوسكل بنفس التصميم اتحاد اوروبي ما نزلش مصر لسة بس انا في اعتقادي ان لو نزل مصر هيعمل دضجة جدمدة اوي

[nooox85]

والصين عملت موتوسكل بنفس التصميم اتحاد اوروبي ما نزلش مصر لسة بس انا في اعتقادي ان لو نزل مصر هيعمل دضجة جدمدة اوي

بس للاسف الصيني هايفضل صيني
حتي لو التصميم كويس
اكيد الجوده هابقي في الارض

[nooox85]

انا بس بستغرب ليه الموديل دا بالذات مش موجةد منه الا سعه لتريه واحده
يعني الشادو في منه كذا سعه لتريه 400 و 750 و 1000 و برده الاستيد
ليه بقي التصميم دا بالذات اللي سعه لتريه واحده و 1300 كمان
اعتقد ان لو نزل منه سعه اقل من كدا سعر افضل هايبقي له سوق اكبر
دا مجرد وجهه نظر يعني