سفتى جير اصلى للبيع

[tamertamer]

for sale
سفتى جير كامل اصلى
اولا خوزة agv بالكرتونة فيها خدوش بسيطة جدا الاسكرينة الشمسية بتعتها هى بتاعت صديق لية لو حب يخدها هكلموة يشوف عايز كام
ثانيا جونتى مركت tiche طبعا خامة محترمة جدا جدا جدا
ثالثا جاكت مركت shoie اصلى بس هو صيفى ممكن تلبسة فى الشتاء بس تلبس تحتية حاجة طبعا مركة عالمية وكلنا عرفين لو جبتة جديد هيكون بكام فية واقى للدهر وواقى للكوع والرصغ وواقى للكتف (هو متكحت نتيجة وق...عة )
رابعا واقى الركب بالاصبة نوع komino اصلى بردو بيقى من فوق الركبة حتى قبل القدم تتيح ليك متلبسش بوت وممكن تلبس شرت كمان انا جيبة مخصوص عشان كدة استخدمتة قليل كنت بلبسة فى السفريات
خامسا لوك اللرم قفل الطنبورة ومعاة قفل تانى بردو ذى بتاع العجلة بس جى من برة
انا جيبهم فى شهر 8 /2011 جيبهم معاية من برة وعلى فكرة كلها حجات حلبات وبتستحمل اقصى الحوادث
انا ببيع السفتى عشان اعتزلت ركوب الدرحات النارية
طبعا اسعار الحجات دية لو جديدة بتكلم فى الفات انا هعرضهم بما يردى اللة
الخوزة 650 جديدة 1150
الجاكت 1000 جديد اظن يعدى 3000
الجونتى 600 جديد 1200
واقى الركب 800 جديد 1900
2 قفل اللرم 120 جديد 250

منعا للاحراج ارجو عدم الفصال انا منزل فى الحاجة اكتر من نص ثمنها ومحدش يقلى اصلك جيهم من برة ارخص انا لية بما يوجد فى مصر

[DarKLegenD]

طب ممكن لو سمحت يا ا\تامر اعرف الخوذة والجاكيت مقاس اية

[karembob]

تامر ممكن تقولي الخوزة مقاس كام لونها اي

[tamertamer]

الخوزة مقاس large
الجاكت xl بس تلبيس صغير
لون الخوزة اسود

[tamertamer]

الصور دى توضح السفتى كلة

[zoom2zoom]

200 جنيه في الليله دي وخلص

[tamertamer]

على اساس انى جايب خوزة mrc مثلا

[Shady_mas2000]

ياراجل دى ال mrc بقت ب280 تقريبا
هشام بيحب يستفزك بس :))

[zoom2zoom]

على اساس انى جايب خوزة mrc مثلا

لا انتا فهمتني غلط انا مش بتكلم عن الخوذه بس انا بتكلم علي السيفتي كله وهدفعلك 300 جنيه اظن كده ابقي عملت واجب

[Shady_mas2000]

لا كده كتيييير اووى هههههههههههه

[tamertamer]

هو كتير بعقل دة كتير بستهبال

[zoom2zoom]

لا كده كتيييير اووى هههههههههههه

صاحبي بقي ولازم اكرموا ياشادي
هتخلص ياض ولا اروح اجيب ال K3 معمول عليها sale وسعرها جامد

[SaberMan]

يعنى السيفتى عندى و عمالين تبيعوا و تشتروا خلاص هابيعها لحبيبك مولوتوف يا h كملو فصال بقى براحتكو (:

[zoom2zoom]

يعنى السيفتى عندى و عمالين تبيعوا و تشتروا خلاص هابيعها لحبيبك مولوتوف يا h كملو فصال بقى براحتكو (:

انا رايي تحسره وتدي السيفتي لمولوتوف عشان ياخد الجاكت يقلبوا حريمي والخوذه يقلبها بناتي والجوانتي يحولوا لبس منتقبات

[SaberMan]

انا رايي تحسره وتدي السيفتي لمولوتوف عشان ياخد الجاكت يقلبوا حريمي والخوذه يقلبها بناتي والجوانتي يحولوا لبس منتقبات

السيفتى بيفن فيهم ... فى لحظة تجلى هيعمل أول بيكينى سيفتى فى مصر