carburetor cleaner تنظيف الكاربيراتير

[bassoom007]

السلام عليكم ....كنت عاوز أسال ياجماعة عن منظف الكاربراتير اللى بيتباع فى البنزينة ..ازازة صغيرة ماركة STP سعرها 23 جنية هل دى تنفع فى الموتسيكلات ولا لأ...وهل هى فعلا بتجيب نتيجة ...يعنى حد جربها وهل هى ليها خطورة....تانى حاجة اجيب فلتر بنزين منين للهوندا cbr 250 ولا بتاع العربيات بيركب عادى عليه وشكرا مقدما ليكم ...

[tamertamer]

بص اولا انا جربتة فى ال919 عندى مفرقش خالص بس خالى بالك متحطوش كلة كل تفويلة ربع الزجاجة متزوتش بس بصراحة معملش اى حاجة وانا سمعت انة بيعمل على تأكل الكوتش بتاع الكربرتير بس مش متاكد كلة كلام الصح فين لا احد يعلم
الفلتر هاتة من العفريت فى شارع مصر والسودان هو رخيص ومكانة جنب الكورسى على فكرة متفرقش اوى يكون مخصوص للمكن لان فيدتة هو تنقية البنزين بس ميكونش نوع سىء عشان ميتسدش بسرعة ويعملك مشاكل بس انت مدام التنك مش مصدى والفلتر جديد والبنزين 92 هيعد معاك كتير بس انا بغيرة كل 10 الف كيلو للضمان وبغير الكلبسات بالمرة وبشوف حالة الخرطيم لانها سعات بتنشف

[Hobgoblin]

بص يا باشا

أشهر سائل تنظيف للكاربيراتير في USA هنا إسمه SeaFoam ودة الموقع بتاعه.

Sea Foam | Motor Treatment | General Content - Motor Treatment

بتحط 1 oz (أوقية) لكل جالون (3.7 لتر) وكمان مفيد قبل غيار الزيت...بيتداف على الزيت قبل التغيير مباشرةً...يعني لم تكون بتدفي الزيت عشان ينزل.
بياخد معه الرواسب والرايش.

كل المعلومات مكتوبة في الموقع وعلى العبوة نفسها...سعره هنا حوالي 8.5 لحد 10 دولار.

مش متأكد ليه موزع في مصر ولا لأ.

المنافس ليه stp و-gum-out.

هنا بيستخدموه كتير (وأنا كمان بستخدمه) عشان البنزين بقى إجباري عليه 10% ethanol ودة بيلم رطوبة من الجو وبيعمل أوساخ وتآكل في الكربيراتير.

يا رب أكون أفدتك.



سلام

[karembob]

هو كويس لو هتستعمله مرة وحدة فقط لكن لو كل ٦ شهور زي ما الناس بتقول فا منصحكش عشان بيعمل تأكل في كوتشات الكربرتير انا استعملته مرة بس حسيت بفرق حفيف اوي بعد كدة ما جبتوش تاني عمتنا هو احسن من فك الكربرتير

[Hobgoblin]

بصوا يا جماعة

أنا هقول اللي عملته في البايك بتاعي...أنا معايا Honda Rebel 250 موديل 2000 وعامل 2750 ميل يعني أقل من 5000 كيلو.

صاحبه الاولاني كان راجل كبير وراكنه في جراج عشان كدة الكاربيراتير كان مش نضيف والبايك مش بيدور سيلانسه غير بال-choke

شوفت في منتدى أجنبي الطريقة دي ونفذتها

هتقفل ال-petcock اللي هو من التنك للكاربيرتير وتفتح مسمار فايظ العوامة وتنزل كل البنزين اللي في حجرة العوامة. وتقفل المسمار تاني

وبعدين تحل الافيز الخرطوم إلي من ال-petcock للكاربيرتير وبإستخدام سيرنجه تملى غرفة العوامة SEaFoam وتبيت البايك يوم أو ٢

بعد كدة تسفي ال-SeaFoam من العوامة بنفس الطريقة وتوصل الخرطوم وتفتح petcock وتتكل على الله

يا ريت تكون منضف التنك كمان بالمرة وحطت بنزين ٩٠ نضيف وتكون مزود عليه SeaFoam بالنسبة اللي قولته سابقاً ١ oz لكل جالون


الطريقة دي متجربة هنا كتير جداً وأنا نفسي عملتها...وممكن تعيدها كذا مرة لحد الكاربيرتير ما ينضف

[karembob]

علي فكرة ناس كتير بتعمل الموضوع دا في السيارات

[Hobgoblin]

علي فكرة ناس كتير بتعمل الموضوع دا في السيارات

كريم بك

كلامك مظبوط 100%