ابوس ايديكم حد يساعدنى cbr 250 عادة

[timeout]

واضح ان المشكلة بتاعتى عايزة حد عنده خبرة جامدة اوى فى ميكانيكا الموتوسيكلات اليابانى بس انا هحكى و خلاص لعل حد يكون عنده كلمة يفيدنى بيها . انا اشتريت موتوسيكل هوندا 250 عادة cbr من حوالى شهرين من شخص فى القاهرة و كنت راجع بيه من القاهرة الى المحافظة بتاعتى بعد ما اشتريتة و انا مش مصدق ان حلمى اتحقق بعد خمس سنين من الاحلام و انا بحوش مليم على مليم .كنت طاير من الفرحة . و كان الموتوسيكل معايا طول الطريق ببطلة و ادورة تانى عادى خالص و كنت ممكن اسيبة ساعة او ساعتين و ادوره تانى يدور . لحد ماجيت فى نهاية اليوم روحت ركنته فى الجراج و صبحت تانى يوم علشان الاقى المفاجأة .الموتوسيكل مش عايز يدور مارش ابدا . غيرت لة بوجيهات و نظفت الكربراتير و البكات و مازال العيب موجود . الموتوسيكل و هو سخن بيدور عادى لكن لما يبرد ما يدورش ابدا غير زق و بصعوبة جدا.طبعا المحافظة بتاعتى مفهاش حد متخصص فى الموتوسيكلات اليابانى . فبدأت اتصل بميكانيكيه فى القاهرة جبت ارقامهم من على النت ووصفت لهم الحالة . بعضهم قالى لازم تحل موتور و تغير اجزاء جوه الموتور و هتكلف 2000 جنية . و بعضهم قال هتحل وش سلندر و يتظبط و يركب تانى و هتكلف 500 جنية و بعضهم قال مش هتحل موتور دى عايز تتظبط بس . وانا محتار اروح لمين . انا مازلت بسدد فى ثمن الموتوسيكل . و اى تصليح هعملة هيكون بالسلف . و خايف اروح لح ياخد منى فلوس و فى الاخ ماتتصلحش . الموتوسيكل مرمى فى الجراج بقالة شهرين لانى مبعرفش ادورة زق و نفسيتى فى الحضيض . ارجوكم حد يساعدنى.

[Hesham94]

ماتقلقش الحكاية دى مش صعبة

ان شاء الله خير وحد من البايكرز اللى بيفهموا فى الميكانيكة يرد عليك :))))

[yascro]

اللى انت بتقوله ده على حد وصفك ملوش علاقه بالموتور
ده ليه علاقه بحجتين
يا اما البطاريه
يا اما اللاكتوفير

[bassoom007]

يا باشا خير ان شاء الله ...انا بطمنك ان دى كدة مشكلة بطارية ودى تعرفها لو بتيجى تدور والمارش صوتة يقل ....لو مش بيقل وصوتة ثابت يبقى عيب فى الاكتوفاير ودى شريحة صغيرة بتركب عند التييل ورا تحت الكرسى ودى تمنها لا يتعدى 100 جنية ونصيحة متكلمش ميكانيكية فى التليفون علشان دول بيسودو الحياة
انا مرة الموتسيكل لاقيتة بينقط بنزين ..روحت مكلمهم اللى يقولى دا الكربراتير باظ واللى يقولى مش عارف اية وطلع فى الاخر خرطوم بنزيييين .....عموما لو فى حاجة كلمنى 01002550562

[DXT]

متقلقش باذن الله خير ..
انا برجح كلام العمدة وبقول عيب بطارية

[karembob]

دا مين المكانيكية االـ... اللي ما بيفهموش دول الموضوع دا حواد ملوش اي لزمة وبحصل كتير اوي لا تحل متور ولا حاجة واوعي تفكر تفك المتور عشان هتتعب اكتر الموضوع دا بطارية لو البطارية شغالة تمام يبقي كربترتير عاوز ضبط لو مش الكرتبرتير يبقي البوجيهات وانا برجح البوجيهات ليه بقي عشان كل البوجيهات اللي في السوق مضروبة واللي يقلك يباني اصلي يبقي بتحك عليك ودي عن تجربة

[karembob]

وراجع علي اللي قلك عليه العمدة دياب اكتر واحد خبرة فينا

[alfath8]

المشكلة لا تخرج عن 3 اشياء ان شاء الله
1 الكرابراتير
2 البوجيهات
3 مشاكل متعلقة بالبطارية والجزء المتعلق باعادة الشحن

[Elturkey]

.

حضرتك انا لسة المشكلة دى كانت معايا واتركن برضة شهور و نفس احساس بالاحباط بس متقلقش ربنا بيحلها من عندة هقول لحضرتك حاجات تعملها بدل ماتروح لميكانيكى
1- هتفك الكرسى وبعض كدة هتلاقى مسمار بتاع التنك اللى تحت الكرسى ومسمار تانى قدام تحت الهاندل بار

2- هتلاقى حنفبة البنزين هتفك الخرطوم بتاعها وهتدور المكنة لو الخرطوم بيطلع بنزين كويس وداخل على الكربرتير يبقى الحنفية او طلمبة البنزين سليمة لو مش شغالة يبقى دة العيب ولازم تتغير ودى سعرها الصينى ب300 جنية واليابانى ب1000 ومستعملة

3- ممكن يكون السلانسية مش مظبوط ودة هيحتاج ميكانيكى يكشف على الكربرتير وينضفة ويظبطلك المكنة ودة حضرتك هتعرفة وانت سايق لما بتزء وتدور صوت المكنة عالية وتحس انها بتنهج وتنتش ودة هتبقى تكلفتة فى حدود 100 جنية

4- ممكن يكون حاجة اسمها حساس نابض ودة بيبقى موجود فى الوش اللى على شمال البايك (وش النابض) ودة مسئول عن الشرز و الكهرباء ودة بيبقى فى حدود 150 جنية ودة الاحتمال الاكبر

دى نمرة تليفونى 0127245638 حضرتك تتصل فى اى وقت وانا اساعدك وباذن اللة متقلقش هيتصلح وهتفتكر الايام السودة دى وتضحك

[madakomodo]

السلام عليکم :
اولا متحاولش تدور المکنه کتير من غير فايده علشان متبوظش المارش وتبقي عندک مشکلتين مش واحده
ثانيا انت قلت في وسط کلامک ان المکنه لما بتکون سخنه بتدور علي طوول ولما بتبرد مبتدرش تفضل المارش يدور ولکن المکنه مش عايزه تنتظم في الدواره مش کده?
انا حفترض انک قلت ايوه
بص انا المشکله دي قابلتني کتير بس العيب هو البيکات وبک السلانسيه بالتحديد لو تعرف حد يغيره او يشوف العيب فيه ايه بالضبط يبقي اوفر وفضي التنک من البنزين وحط فيه بنزين ٩٥ علشان لو هو مسدود من ترسبات الرصاص ولا حاچه ينضف ولو متحلتش المشکله يبقي قول علشان فيمشاکل تانيه بس مکلفه شويه?
متابع باهتمام !!!!!!!!!!!!!!!!

[madakomodo]

اسف بس نسيت اقول حاچه مهمه ان العيب بنسبه ٨٠ % مش حيخرچ عن الکربراتير
ومازلت متابع باهتمام

[attiaahmed]

المشكلة دى يوم ما تبقى كبيرة قوى هتبقى صبابات ودى مش هتحتاج غير حل وش السلندر وميكانيكى عندة دين
(متقلقش)

[timeout]

ربنا يجازيكم خير

اولا يا جماعة انا بشكر جدا كل الناس الى اهتمت وردت علي كلامى و ان شاء الله ربنا جازيكم خير عنى
اولا العيب مش عيب بطارية لأنى و انا بدور الموتوسيكل بيكون المارش قوى جدا و كمان النور و كل الكهربة ثم انا جربت انى اخد وصلة من بطارية ثانية و بردة ما جبتش نتيجة .
الوضع كالأتى : الموتوسيكل طالما بارد يعنى مر علية من 8 الى 10 ساعات واقف يبقى مستحيل يدور مارش .ما يدورش غير زق و بصعوبة يعنى مش انا الى بدورة بجيب واحد ميكانيكى يزقة هو و اتنين معاه لحد مايدور . وانا حاولت قبل كده ادورة زق ما عرفتش حتى انى جبت واحد سحبنى بعربية ربع نقل و برده ما درش معايا بقة يعمل صوت واطى زى السرنسية كدة لكن ما درش . المهم بعد ما الميكانيكى يدورة يفضل الموتوسيكل ماشى معاك طبيعى جدا طول ما الموتور سخن او حتى دافئ يعنى بالكتير تبطله ساعه او ساعتين و تيجى تدورة يدور معاك مارش عادى بلمسة مارش. طبعا يوم ما بيدور بفضل محافظ علية سخن اطول فطرة ممكنة يعنى ممكن انام جنبة و كل شوية اقوم ادوره . فاضل حاجة الموتوسيكل لما بيكون بارد واحاول ادورة مارش و اركز عينى و انا بدورة على عداد ال rpm تلاقى المؤشر بيطلع سنة و ينزل تانى يطلع سنة و ينزل تانى زى ما يكون الموتور عايز يقوم لكن مبيعرفش . دى كل المعلومات الى عندى و الموتوسيكل على فكرة ما حلش ماتور قبل كدة.

[timeout]

نسيت بردة اقول لكم ان الموتوسيكل فى احواله العادية مفيهوش مشكلة يعنى ما بيقطعش و مبينتش و سحبة كويس .و مرة تانية يا جماعة انا متشكر جدا على اهتمامكم . و فى انتظار ردودكم.

[waelkawasaki]

دا عيب كربراتير
روح للميكانيكي اللي بتتعامل معاه
وركب واحد تاني علي سبيل التجربه
وهاتشوف بعينك