استفسار للمتخصصين

[ahmednabeeh]

المشكله فى متوسكل هوندا 400 عادى.. سى بى ار
لما يجى يدور بيشتغل بى 3 بوجيه وصوت المكنه مش بيكون مظبوط بس بعد شويه البوجيه الرابع بيشتغل وصوت المكنه بيتظبط تاانى .. يعنى بياخد وقت خمس دقايق ...مع العلم تغير كل البوجيهات وجديده
هو دا الطبيعى كدا ولا كدا فى مشكله وتكون المشكله ايه ....؟
شكرا

[attiaahmed]

بص ياباشا
دور الموتوسيكل وهو بارد وبعدين حسس على الاربع مخارج بتوع العادم ( الشكمان ) وشوف .
اللى بارد فيهم اعرفة, وغير البوجية بتاعة .
اتمنى اكون افدتك .

[ztx]

برضو يا باشا راجع سلوك البوجية
انا حصلت معي مرة وكان سلك البوجيه فالت

[karembob]

المشكلة دي بقت شائعة اليومين دول وكتير من صحابي بتخصل معاهم الموضوع دا
الموضوع دا بختصار ان كل البوجيهات اللي في البلد ضربة تشتغل شوية وتفصل شوية

[ahmednabeeh]

اه انا عملت كدا فعلا... شفت اى واحد فيهم الى بارد وغيرت البوجيه بتاعه ... وقلت الى يخلينى اغير واحد غيرت ال 4 بس لسه المشكله قائهمه ...... والله انا غلبت

[ahmednabeeh]

طيب على العموم انا هغيره تانى... بواحد قديم من الى كانو شغالين ويارب يشتغل على طول
انا سألت ميكانيكى قالى هو اصلا المكنه اول لما تشتغل بتجمع 2 بوجيه والتلت والرابع بيشغلو ورى بعض على طول يكاد يكون مش بتلاحظها ... بس بدل الرابع بيتأخر اوى كدا يبقى فى مشكله
ياريت لو حد عنده خلفيه يفيدنى
شكرا

[karembob]

في واحد صحبي كان بيحصل معا الموضوع دا هخلي يخش لما يفتح عندي الفيس واخلي هو يفهمك الموضوع دا

[tito29]

طيب على العموم انا هغيره تانى... بواحد قديم من الى كانو شغالين ويارب يشتغل على طول
انا سألت ميكانيكى قالى هو اصلا المكنه اول لما تشتغل بتجمع 2 بوجيه والتلت والرابع بيشغلو ورى بعض على طول يكاد يكون مش بتلاحظها ... بس بدل الرابع بيتأخر اوى كدا يبقى فى مشكله
ياريت لو حد عنده خلفيه يفيدنى
شكرا

في الغالب ده بوجيه واخد رطوبة
و في بعض الحالات ممكن يكون سلك البوجيهات هو المشكلة
و في حالات نادرة بتكون البوبينة أللي تحت التانك اللي بتولد الشرارة

أما حكاية أنها بشتغل 2 و بعد كده التالت و الرابع للأسف ده كلام فارغ لا أساس له من الصحة نهائيا و شغل ميكانيكية غاوية فتي عن جهل شديد
الصح هو أنك تشد الشوك (الشفاط) و هي باردة يعني الصبح في أول دوارة فقط و لما تسخن تقوم فاصل الشوك و مش حاتحتاجه تاني طوال اليوم

يا رب أكون ساعدتك

[madakomodo]

بص انا عاوزک تشيل البوچيه ده وتتاکد ان البوچيه مفيهوش زييت من عند الشمعه علشان لو کده المکنه حتحتاچ شنبر وان شائ الله يبقي الموضوع اتفه من کده

[ahmednabeeh]

بص انا عاوزک تشيل البوچيه ده وتتاکد ان البوچيه مفيهوش زييت من عند الشمعه علشان لو کده المکنه حتحتاچ شنبر وان شائ الله يبقي الموضوع اتفه من کده

يعني كده هبقي حل وش الماتور ولا ايه القصد بالظبط شنبر يعني وش سلندر ........


ولا انا فهم غلط

[ahmednabeeh]

وبعدين هشوف حكايه البوجيه فيه زيت ولا لاء و هرد عليكم.....

[tito29]

بص انا عاوزک تشيل البوچيه ده وتتاکد ان البوچيه مفيهوش زييت من عند الشمعه علشان لو کده المکنه حتحتاچ شنبر وان شائ الله يبقي الموضوع اتفه من کده

معتقدش أن ده السبب و ألا كان التقطيعة أستمرت علي طول
في الغالب ده حاجة واخدة رطوبة : يمكن البوجيه أو سلكة البوجيه و مش أكتر من كده

[madakomodo]

انا مش عاوزک تستعچل الامور بص الاول يمکن لا

[madakomodo]

وبعدين المشکله دي علي افتراض انها صح حيبقي الشغل کله فوق مش تحت

[waelkawasaki]

بص ياريس
معني انك لما تحط ايدك علي ضفيره الشكمان وتلاقي واحد من الاربعه بارد
فاده معناه ان العين دي لاتقوم بعمليه الاحتراق
وغالبا هاتلاقيه الشكمان رقم واحد من ناحيه اليمين وانتا راكب علي البيك
الاحتمالات ممكن تكون ايه
بوجيه -ممكن تصنفره او تحرقه او تغيره وانصح بماركه ngk
سلك موبينه تكرير-ممكن يكون السلك تالف او بيهرب الاشاره لاي جسم ارضي
موبينه تكرير-والعيب ده شاذ جدا ونادر
عين كاربوريتور-وهذا العيب شائع جدا ومش اي حد بيعرفه(ممكن تكون الابره او العوامه
او بك السلانسيه)بدليل انك لو اديت سنتين بنزين تلاقي البوجيه لقط
تحـــــــــــــــذيـــــــــــــــــــر
هذا العيب بعيد تماما عن الموتور
الا اذا كان البوجيه بيرشح زيت لاقدرالله