استفسار من مبتدى

[mido8]

ممكن استفسار الى الاخوه الكرام ذو الخبره انا لسه جديد وعاوز اشترى بايك ريس وسالت عن سوزوكى 750 موديل 2007 بيعمل ( 40000 ج ) سوزوكى 1000 نفس الموديل بيعمل ( 55000 ج ) هل السوزوكى احسن من الهوندا لان صاحب المعرض قالى ان ده الموديل اللى ماشى دلوقتى وعليه طلب ولو عاوز هوندا 600rrموديل 2008 يعمل كام ولو 1000 rr موديل 2008 يعمل كام ولكم جزيل الشكر

[alfath8]

اهلا بيك طيب نتعرف الاول هههههه
اهم حاجةانتا بتقول مبتدئ يعنى متركبش حاجة اكتر من 400 فى الاول ممكن تجيب 600 بس هاتبقى شديدة عليك
ايه رايك ابتدى ب 400 فاير سعرها الوقتى من 25 الى 27 الف وتلاقى حالات نضيفة او تجيب سوبر فور 400 برده بس ده مش ريس ده استريت قعدتها احسن ونفس الموتور

[karembob]

ابعد عن السزوكي وزي مقلك محمد

[Hesham94]

هو السوزوكى مش ماشى فى البلد انما انتشر شوية مؤخرا

وبعدين كل المكن السوزوكى بيبقى عالى فى الاداء والموتور
وانت مبتدى يعنى ابعد عنه

خليك كدا فى حته 400 هوندا زى ما قالك محمد وتمنها مش حيزيد عن 20 الف لو فاير وحالة نضيفة

[mido8]

الف شكر يارجاله على ردكم على استفسارى ويارب دايما رافعين راسنا على طول بس انا عاوز حاجه موديلها حديث يعنى ممكن الاقى 400 2007 او 2008 وتقريبا يعمل كام

[alfath8]

خلى بالك من نقطة ممكن تجيبي موديل عال فوق 2000 وموتور بعد شوية يفوت وممكن تجيب حالة فى التسعينات وتبقى حالة نادرة مش شرط موديل التصنيع المهم حالة البايك نفسه هى الاهم فهمت قصدى ايه ويعدين اخر 400 فاير 97 مش وحش وممكن تلاقى حاجات افراج كويسة جدا

[Hesham94]

ياراااجل

دا فى ناس بتهرب للموديلات القديمة زى ال 400 عادة

دا انا اعرف ناس جابت 400 عادة رغم انها موديل 1989 وفبرررريكة وهربت من الفاير الل موديلاته من 1990 لحد 1997

يعنى مش شرط موديل السنة وخصوصا فى الموتوسيكلات المهم الحاااالة

[mido8]

فاهم قصدك اخى وبجد الف شكرا ليك انتا وكل اللى ردوا عليا ربنا يخليكوا اخوكم محمد المغازى

[mido8]

متشكر جدا اخى هشام ربتا يخليك

[alfath8]

فاهم قصدك اخى وبجد الف شكرا ليك انتا وكل اللى ردوا عليا ربنا يخليكوا اخوكم محمد المغازى

المهم لما تنوى تشترى لازم تأخد معاك حد فاهم فى البايك وميكانيكى يكون كويس واوعى تشترى كده نصيحة مهمة واوعوعى تكبر دماغك وتقول معرض نضيف وخلاص
معدش فى امانة فى البيع والشراء بالنسبة للبايك خالص

[mido8]

اكيد طبعا يا برنس ان شاء الله