خطوات نقل الملكية للرخص والتصاريح من والى المرور والترخيص

[Mina-Magdy]

التصاريح والرخص

اولا الشهر العقارى

فى حالة اذا كانت الرخصة مكتوب عليها تصريح وهذا يكون للسبب الاتي

ملف الرخصة الاصلى (الذى يوجد بة ورق الافراج) تم نقلة من مرور الى مرور اخر ويكون التصريح الى ان يحضر الملف الى المرور الذى سوف يتم الترخيص بة

الاوراق المطلوبة فى حالة نقل الملكية بعقد بيع

1 - شهادة بيانات من مرور الى خارج منة التصريح الى الشهر العقارى

ملحوظة مهمة جدا
شهادة البينات هذة لازم تاخدها من مرور التصريح وتروح المرور الى فية الملف الاصلى وتثبت علية الموديل دة فى حالت انة شطب تاريخ الموديل من على الشهادة لعدم وجود الملف الاصلى
لان على حسب الموديل تقدر الضريبة فدة مهم جدا للشهر العقارى من غيرة مش هيتعمل عقد بيع
لازم تشفوف شهادة البينات لو مشطوب الموديل او كاتب كلام من تحت
او
تروح المرور الاصلى وتطلع شهادات البيانات من هناك علطول بس كدة كدة انت محتاج شهادة المخالفات من مرور التصريح يعنى مفيش مفر هتروح الاتنين يعنى هتروح للاسف

ملحوظة
اذا كانت الرخصة سارية ومش مكتوب عليها تصريح فا الشهر العقارى لا يحتاج شهادة بيانات ويكتفى بالرخصة

2 - شهادة بينات ثانية موجه الى المرور الى انت هتنقل فية وهترخص فية مع العلم انك لازم تقول للموظف انة يكتب اسم المرور الى هتكون موجهه الية

3 - صورة بطاقتك + صورة بطاقة الشخص الاخر + صورة الرخصة + شراء عقد بيع

4 - لازم الشخص يكون معاك نفسة ببطاقتة لاخذ امضائة

المدفوعات

تقدير الضريبة لا يتعدى 150 جنية فى الاربعة سلندر 400 و600 سى سى

20 جنية ثمن 2 شهادة بيانات

5 جنية تصوير + 1 جنية ثمن عقد البيع

مع العلم ان هذة الاسعار بدون اكراميات

ثانيا الترخيص

الاوراق المطلوبة

1 - شهادة البيانات الى احنا جبناها من مرور التصريح الموجهه الى المرور الجديد

2 - شهادة برائة الذمة ( شهادة المخالفات ) من مرور التصريح التكلفة 5 جنية فى حالة عدم وجود مخالفات

3 - اوراق فحص من خزينة المرور بقيمة 30 جنية تقريبا وخد المكنة والورق جرى على مكان الفحص علشان تفحص وترجع على الشباك قبل الزحمة خليها اول حاجة تعملها

4 - صورة عقد البيع او صورة التوكيل او الاثنين لو معاك + صورة البطاقة + صورة الرخصة + شراءدوسية فاضى بقيمة جنية

دفع التامين الاجبارى ودة على حسب عدد السنين المراد الترخيص بها مع العلم لو الرخصة لسة سارية بيخصم الى موجود يعنى مش هيروح عليك حاجة
وسعر السنة حوالى 65 جنية تقريبا

ترتيب الخطوات لسرعة الانتهاء فى المرور

1- روح الخزنة اشترى ورق الفحص وروح بسرعة خد البايك وافحص

2 - ادفع التامين الاجبارى على حسب عدد السنين

3 - اقف على جمب حط فى الدوسية
1- التامين - 2- المخالفات 3- شهادة البيانات 4 - ورق الفحص 5 - صورة عقد البيع او صورة التوكيل او الاثنين لو معاك + صورة البطاقة + صورة الرخصة
واقف باشا قدام شباك المرور وجهز معاك 100 جنية سريعة لدفع الضريبة بالكتير

و10 جنية اكرامية موظف الشباك وبالتوفيق

على فكرة فى حالة ان الرخصة مش تصريح نفس الاجرائات بالنسبة للمرور والترخيص تختلف فقط فى الشهر العقارى

ونفس الاجرائات ايضا للسيارات

ولو فى اى استفسار انا موجود بالتوفيق للجميع

[alfath8]

معلومات مهمة شكرا على المجهود الرائع

[karembob]

تسلم يا مينا والله موضوع حلو جدا كان في واحد هنا كان عاوز يستفسر عن الحاجات دي بس واضح ان اراجل دخل وخرج ولم يعد

[Hesham94]

مش عايز اشترى بايك خلاص هههههههههههههه

الف شكر على المعلومات الهامة دى

[mxz911]

شكرا على المجهود

[Mina-Magdy]

متشكر ليكم
واتمني التوفيق للجميع

[titozizo]

تسلم ايدك يا مينا بجد
الله ينور

[Mina-Magdy]

اللة يسلمك من كل شر يا تيتو يا جميل