موضوع مهم.. البطاريات

[ahmednabeeh]

السلام عليكم ورحمه الله وبركاته
احب ياجماعه نتكلم عن موضوع البطاريات شويه... اهو منها اعرف حل المشكله الى عندى ومنها اعرف حاجات مش اعرفها
دلواتى كان عندى مشكله فالبطاريه ... غيرتها وجبت واحده من عند تامركو بى 430 جنيه
جى معاها ميه.. قالى تفتح البطاريه تحط فيها الميه دى وتسبها 6 ساعات لحد مالميه تنشف خالص وبعدين تقفلها وتركب...
لما ركبت البطاريه اول مره كاتت تمام ... بس دلواتى حاسس انها مش بتشحن
اعرف منين انها بتشحن ولا لاء... والعيب يكون منين
اتأكد ازاى ان بلاتط الشحن شغاله سليمه.. وراليه المارش ليه علاقه بالحوار دا...
وشكرا
المكنه هوندا 400 عادى ..الف شكر

[abduo882000]

هية بقالها معاك قد اية يا باشا
هية بتتقاس شحنتها بحاجة اسنها الأفوميتر بيحدد لك شحتنها قد اية وبردو بيتقاس بية الكهرباء اللى جاية من البايك
والاحسن توديها لواحد بتاع بطاريات يشيكلك عليها وعلى المية بتاعتها

[bido600]

ازاي تسيب الميه لحد ما تنشف ؟

هو فيه نوعين من البطاريات جافة وسائلة
الجافه مش محتاجة اي حاجة يدوب بتركبها وخلاص

السائلة بقي بتحط فيها ميه نار مخففة وتشحنها علي جهاز كدا عند الكهربائي او تطله بيها مشوار تمام
لو مش تمام بتغيير الميه دا لو مكنش فيها اي حاجة بايظة

[karembob]

بص يا باشا انا هقلك علي حاجة
عشان تكشف علي بلاطة الشحن بس اهم شيئ شكون انتا جربت تشحن البطارية قبل كدة وضفيت
اول حاجة تعملها هدور المكنة علي السلنسية وتسبها دايرة وتشغل النور العالي وتسيبو شغال بعد كدة تيجي علي بلاطة الشحن وتشد الفيشة تبعتها بمعني ان تفصلها النتيجة
ان لو لقيت النور بتاع الكشاف بيرعش يبقي البطرية سليمة والبلاطة مش شغالة ولو لقيت النور ما رعش وبدء يضعف يبقي البطرية تعبانة
شكرا

[ahmednabeeh]

ياباشا انا لسه جايب البطاريه بقالى اربع ايام اسمها ytx9-bs
وجربت البطاريه على مكنه تانيه شغاله........ وروحت لبتاع البطاريات قسهالى قالى انها شاحنه تمام
انا مش عارف اعمل ايه بجد
ياريت حد يفيدنى........ حتى اتصلت بالراجل بتاع تامركو سألته قالى البطاريه مش بتتزود ميه
,شكرا على المتابعه معاى واسف على تعبكم

[karembob]

يا باشا انا مش بقول تشوف الطارية بس انا تكشف علي الكهربة تمام ام لا والبلاطة دي اهم حاجة عشان بتغزي البطارية يبقي البلاطة

[ahmednabeeh]

يا باشا انا مش بقول تشوف الطارية بس انا تكشف علي الكهربة تمام ام لا والبلاطة دي اهم حاجة عشان بتغزي البطارية يبقي البلاطة

ألمشكله انى معنديش هنا كهربائى بيفهم فيهم.. ولا حتى ميكانيكى يابانى,,,, انا بعمل كل شئ بأيدى.. تقدر تقولى هى بتكون فين البلاطه الى فى جمب ديل المكنه على الشمال دى واعمل فيها ايه واتأكد ازاى ..
وشكرا بجد على المتابعه

[karembob]

طيب بص دي اسهل طريقة نشوف بيها البلاطة سليمة ام لا
عشان تعرف إن كانت بلاطة الشحن دى شغالة ولا بايظة تعمل ايه ... هتدور الماكنة عادى جداً ، وبعدين تفتح النور بتاع الماكنة العالى أو الواطى المهم انه يكون النور الكبير وبعدين تزود بنزين لو كان النور مبيزيدش مع تزويد البنزين يبقى فى عيب فى بلاطة الشحن أما لو كان بيزيد فبيكون فى عيوب أخرى هنبقى نحلها مع بعض وحدا وحدا ماتقلقش الموضوع بسيط واحنا عماك

[titozizo]

السلام عليكم ورحمه الله وبركاته
المشكله فين أخى الكريم ؟؟؟
وأحساسك مش دليل على وجود مشكله
لو حضرتك عايز تتأكد من وجود عطب بالبطاريه اتبع الاتى
اولا تدور البايك وتفتح النور كله وبعدين تشيل الفيوز الخارج من طرف الموجب بالبطاريه
وتزود بنزين وتلاحظ هل النور بيزيد معاك والا لا؟
لو بيزيد يبقى تراجع على ميه البطاريه
ولو ما فيش اى شئ ملحوظ يبقى حضرتك هاتغير الريكتيفير
اللى هو بلاطه الشحن