ارجو الافادة من اهل الخبرة ؟

[verzatshi]

السلام عليكم
انا نويت اشترى بايك والحمد لله اقنعت اهلى فى البيت وبدات اجمع فى الفلوس بتاعت البايك
كنت نويت انى اشترى cbr 400 rr بس لقيت سعرها يتراوح بين 20 الى 24 بالنسبة للاستعمال فى مصر وبرضة الافراج وفى نفس الوقت لقيت Cbr 600ccF3 ب21 الف برضة
وليا واحد صاحبى قالى انت طالما جسمك كبير ابداء بال600 على طول وفكك من ال400
انا محتار فى حاجة انا لسة اول مرة اركب بايك وطبعا مش ناوى اجرى بيها غير لما ابقى استاذ وبرضة ربنا يستر فهل يوجد فرق بين ال400 وال600 بالنسبة للمبتداء ولا مفيش فرق كبير
السؤال التانى لية بقى فى بايكات مش بتلاقى فيها فرق سعر بين ال400 وال600 الاتنين بتلاقيهم عاملين 21 الف جندى وبيبقى مكتوب عليهم مش حاليين ماتور ؟؟؟؟؟؟؟
اية رايكوا فى البايك دا من حيث مواصفاتة ومدى وفرة قطع غيارة واسعارها غالية ولا لا

لانى لقيت واحد عاوز يبدل البايك دا باى بايك تانى فمش عارف لو حد عندة البايك الفاجر دا ازاى يفكر انة يبادلة

[GMC]

سلام عليكم

اولا كاتب اسم العضويه فيرزاتشي ههههه جامده

اولا سيبك من كلام الناس الي بتقولك ابتدي على صغير ومش صغير انا بديت على 750 وكنت يدوب بعرف انقل

والفرامل سعات برجلي وسعات بفرامل البايك ههههههههههه كلها يومين وبقيت استاذ وغرز وسرعه وعادي جدا

انت لو ركبت 250 كبدايه ودوست بنزين زياده بالغلط بردوا ممكن تطيرك عايز تبتدي خفيف يبقى على ريس

صيني 150 بقى ده الي اسمه بدايه لان دوست البنزين بتاعته لعب عيال لاكن الريس كله واحد نوعا ما

فا ابتدي على كبير افضل طالما السعر هوا هوا وال 400 سعرها غالي عشان مطلوبه وقطع غيارها كتير

واغلب الي بيفضلها الي جسمه صغير وقصير شويه فا بيبقى متحكم فيها لاكن ال 600 كبيره واتقل شويه

يبقى هات ال 600 اف 3 بايك حلو بس حالته تكون ممتازه

الي في الصوره كوازاكي 600 موديل 2003 - 2006 تقريبا وسعرها مش غالي ممكن على 30

الف او اكتر شويه

انا كان قدامي واحده موديل 2004 كانت حتخلص على 24 الف واللهي بس محصلش نصيب واتاخرت على الراجل وبعها

لو قدامك بالسعر ده شيل من غير تفكير

[verzatshi]

الف شكر على ردك الكريم اخى GMC
والله انا لقيت الكاوزاكى عامل 34 الف موديل 2008
وبالنسبة للبايك انا اكيد هاحتاج حد معايا وانا بشترى علشان مش اخد على قفايا
اتمنى انك تبعتلى رقمك لو مفيهاش رخامة وتحويلى 5 جنية كمان تبقى مشكور جدا