استفسار

[ma7moud_elhusa]

بسم الله الرحمن الرحيم
أحب أعرفكم بنفسى انا محمود من المنصورة فى 2 ثانوى وانشاء الله هخلص أمتحانات يوم الحد
أنا حبيت أوى الموقع دة وحبيت أكتر الاعضاء بس أنا عندى مشكلة أنا فاصلى سنة واخلص وعايز بايك وعايز أدور فى السنة الجاية دى على بيك مناسب ليا بس محدش يؤال honda cbr250
أنا عايز حاجة شكلها جامد وكمان تكون بتجرى وسعرها ميعديش 40 ألف لان أنا أنشاء الله هدخل هندسة على فكرة أنا من السنبلاوين ومش عايز أروح جامعة المنصورة أنا عايز أروح القاهرة على فكرة أنا بركب بايك من 6 سنين شكرا

[GMC]

بص طالما حاطط 40 الف وممعكش سياره خاصه بيك لسه يبقى حرام تجيب بايك
اغلب الي جايب بايك معاه سياره وجايب بايك كهوايه او مزاج

على الاقل انت في ثانوي ولسه وراك جامعه يعني حتشيل قطط معاك ههههههههههه صحابي الرزلين لو خارجين

ولا رايحين درس حتشيل فيها كتب ملازم كشاكيل الخ الخ يبقى حرام تجيب بايك خلي الموضوع ده بعدين

عموما الي عجبني في الموضع انك عايز حاجة شكلها جامد وكمان تكون بتجرى هههههههههههه d:

ممكن تجبلك 250 وخلاص ب 15 الف كبدايه ولو اني بحب ابتدي على كبير في الاول بس كله شغال

متنساش ان الشتا جاي ومطره وطينه وزحلقه وانت داخل على ثانوي يعني لا قدر الله لو وقعت

حتتعطل ويمكن تعيد والسما تمطر بتنجان d: فكر كويس كده واستخير ربنا الاول

[karembob]

٤٠ الف تجيب بايك كويس وتمام ممكن لو ريس يبقي ٩١٩ او ٩٥٤ لو كاستم يبقي شادوا ٧٥٠ حلوة اوي

[ma7moud_elhusa]

شكراعلى الكلام الجامد دة الف شكر بس عايز أعرف أسعار honda cbr1000من أول موديل نزل لاخر واحد

[Melego323]

شكراعلى الكلام الجامد دة الف شكر بس عايز أعرف أسعار honda cbr1000من أول موديل نزل لاخر واحد

عندك الحالة الكسر من 40 و إنت طالع بأه لل 70 و ال 80 حسب الحالة و الموديل و التعديلات اللى فيها

[GMC]

مفيش cbr 1000rr ب 40 الف الا لو حالتها زفت 40 الف ممكن يجيبوا 600rr حالتها كويسه وممكن البديل بتعها

cbr 954rr او cbr 929

بعدين زي ما قلتلك هات سياره الاول وبعدين ابقى فكر في البايك