أسعار وأنظمة الموتيسيكلات

[MohammedAladel]

السلام عليكم كل سنة وإنتم طيبين
أنا سقت البايك قبل العربية واتعلمته قوام سقت الموتيسيكل الصينى واتعلمت عليه وأنا بفكر أشترى بايك بس يكون نوع كويس عايز أعرف الأسعار وإيه المناسب ليا فى السعة اللترية عايز حاجة يكون شكلها شيك وجميلة وشكلها زى بتاع السباق كدا وبسعر كويس يعنى هقولكم مثلا على الأنواع دى وتقولولى سعرها جديد كام ومستعمل كام وأجيبها منين مستعملة
هوندا سى بى آر 250 ثمنه جديد ومستعمل وبياكل بنزين قد إيه
هوندا سى بى آر 400 آر آر جديد ومستعمل واستهلاك البنزين
هوندا سى بى آر 1000 سى سى جديد ومستعمل واستهلاك البنزين
من ال 3 دول إيه المناسب ليا وعايز أعرف سعر الموتيسيكل الياماها الأبيض بتاع الشرطة أنا شفته كدا حاجة ضخمة وأنا بطلع رخصة القيادة الخاصة بعد الثورة شفت منه 3 محروقين من بواقى الثورة كنت حزين قوى عليهم زى الفحم والله عايز أعرف الموتيسيكل دا كام سى سى وسعره زيرو كام ومستعمل كام
بالنسبة لقطع الغيار عايز أعرف مدى توفر قطع الغيار لكل الانواع دى وغالية ولا رخيصة
بالنسبة لراحة الركوب برضه والثبات كلمونى عنهم والمستعمل لو حد هيقولى أسعار يقولى موديل سنة كام وشكرا جزيلا لكل واحد هيساعدنى

[alfath8]

وعليكم السلام ورحمة الله وبركاته
اهلا بيك معانا الاول
انتا ن شاء هاتبتدى ركوب البايك لازم تحد الاول انتا عايز تركب ايه
بايك ريس
او بايك استريت زى بتاع المرور كده
لو عايز ريس كبداية هاتجيب ان شاء 400 او 600 cc
لو عايز حاجة استريت ممن تجيب برده 400 او 600 cc
انما 1000 cc انساه خالص الوقتى
نخش على الموديلات
الريس cbr 400 rr او فاير طبعا مفيش جديد اخر انتاج ليه على انا ما فاكر 1997 مستعمل ما بين 23و 27 الف جنيه واستهلاكه للوقود معقول ويعتبر بايك متوسط الحجم والسرعة وكبداية ممتاز جدا
cbr 600 منها موديلات والسعر هيتراوح بين الموديلات قبل سنة 2000 من 25 الى 30 الف
والموديلات اللى بعد سنة 2000 هتعدى من 30 الى 40 الف وممكن اكتر الموديلات الحديثة وده الشركة بتنتج مه لحد النهاردة 600rr بس تمنه جيد حركة 80الف

ستريت اللى هو شيه بتاع المرور شوية
ممكن تجيب cb 400 موديلات من انتاج 1994 مثلا الى 1997 هاتعمل من حوالى 15 الى 21 مستعمل ومفيش جديد
الموديلات اللى بعد كده من 1998 وانتا طالع لحد اخر انتاج سنة 2008 ده هاتعدى زى 400 فاير من 25 الى 27 بس هيا نادرة شوية
ممكن تجيب هورنت 600 وهيا نفس الفئة بس موديلات حديثة ودى برده فى رنج 30 وممكن اعلى شوية
وده كله فئات معقولة للركوب المبدئ لآن التحكم فى البايك العالى عايز ممارسة وتعود شوية
ولو فيه اى غلط فى كلامى حد يصححلى

[MohammedAladel]

بالنسبة للمستعمل بقى سوقه فين ولو تعرف مواقع مصرية ع النت قولى وقطع الغيار برضه والضريبة والترخيص معلش هتعبك معايا

[alfath8]

http://www.nilemotors.net/Nile/210872-a.html

اتفضل تابع الموضوع ده
والترخيص والحاجت ده حاجت بسيطة مش هاتصرف معاك فى حدو مثلا 500 جنيه بالكتير اوى