عايز اشترى خوذه

[can_be]

السلام عليكم ورحمه الله وبركاته

باختصار شديد يا شباب انا عايز اشترى خوذه ايه هيا الاماكن وايه المركات النضيفه وايه رنج الاسعار وجزاكم الله خير

[bido600]

وعليكم السلام ورحمة الله وبركاتة

اولا معاليك فيه انواع نضيفة كتير
ls2
icon
وانواع كتير جدا
الحاجة النضيفة بتبتدي من 500 وانت طالع
وخلي بالك متجبش اي ماركة هات ماركة معروفة واتاكد ان عليها DOT
اما بخصوص منين فدا فيه اماكن كتير جدا جدا

وكان فيه معرض جديد فاتح للسيفتي فقط لا غير مش فاكر فين بالظبط بس هشوفو لمعاليك واقولك
علي ما اتذكر كان عندهم انواع كويسة واسعار معقولة شوية

[can_be]

الله يحفظلى جنابك بس كنت عايز اسال يعنى ايه dot :)

[can_be]

محدش يعرف يا رجاله

[bido600]

معالي الباشا اعذرني اتاخرت عليك في الرد لسة شايف دلوقتي

شوف معاليك dot اختصار drpartment of transportation


ودي زي متقول علامة الجودة
واي خوذة موجود عليها dot يعني حائزة علي موافقة وزارة النقل ومعتمدة وطبعا بمواصفات قياسية مش مصنوعة عند مصنع ام جلامبو :D
وطبعا من انضف الانواع حتي في الجواكيت السيفتي Icon لكن يعيبها ان فيه منها مضروب واخدين اسم ولازقين
اي خوذة عليهاdot خدها وانت مطمن اي حاجة تانية لا

[bido600]

بالنسبة للمحل انا بحاول ادورلك عليه لاني فاكر اني شوفتة وعجبني لانو كله سيفتي بس بحاول اجمع والله مكانة فين او حتي اسمة

لو انت من محيط الهرم والجيزة في عند ميرو بيكس خوذ حلوة وبسعر كويس بردة
وهشوفلك بردو التاني

[bido600]

لقيتو بعد عذاب :D:D:D:D
Pro gear
في المعادي شوف يا سيدي انزل زهراء المعادي واسئل فين شارع مكه اول متوصل شارع مكه اسئل فين pro gear وادعيلي :P:P