هوندا 2004

[HiMoz]

ياجماعه ياريت حد يفيدنى
انا معايا فى السعوديه
هوندا
موديل 2005
1000 cc
وعايز انزلها مصر عايز اعرف اذا كانت هتكلفنى ولا لا ؟؟
ياريت لو حد يقدر يساعدنى باى معلومه والتكلفه ممكن تكون كام
وايه المطلوب من اوراق
وشاكر ليكوا

ماشاءالله

ماشاءالله

[joacky]

بص ديييت لو ديت 1000 هاتتكلف 10000 الاف جنية وى شوف مثلاً الشحن 1500 جنية مثلاً وى بتاع 2000 شاى و بطيخ فى الجمارك ..... و مبروك عليك

[alfath8]

ان شاء الله تيجى بالسلامة
الجمرك هتياخد على 100cc 1000جنيه يعنى حوالى 10000 جنيه ده الجمرك المهم تشحنها على جمرك بورسعيد الافضل والاحسن بس انا متوقع الشحن هايعدى مبلغ كبير ولسه شوية حوارت كده شاى وقهوة والذى منه انتا عارف بلدنا واللى بيجرى فيها
ولو انتا عايز المستخلص موجود وابعتلك رقمه تكلمه وتتفق معاه على كل حاجة

[GMC]

اعمل حسابك على 20 الف واصله بالسلامه للقاهره بالجمرك بالشحن بالرشاوي والعياذ بالله d: خلينا نقول شاي

واكيد انت عارف اجرائات التصدير ايه في السعوديه

واياك تجيب ورقه بسعر البايك او لو معاك من الزيرو اوعى تجيب الفاتوره وتصدقها ضمن الاوراق

حيدوك احلى 80 % جمرك d: بس للأمانه حيدوك تخفيض استعمال وتخفيض مش موديل السنه حتوصل 50 %

لو حتحط السعر حط سعر اهبل وخلاص

وانا راي عشان تريح راسك خصوصا لو عندك شغل الصبح

حتلاقي في المينا عندك في السعوديه ومعرفش حيبقى عن طريق منف1 البطحاء ولا اي منفذ عندك في السعوديه

المهم انت حتشحنها بحري طبعا لبورسعيد حتلاقي في المينا في السعوديه المنفذ الي حتشحن منه

شركات تصدير وشحن شوفلك شركة يخلصلك كل الورق بتاعك وهو يتكفل بكل الاجرائات والشحن والورق

ومش حيكلفك كتير بدل ما توجع دماغك وتروح وتيجي شويه مش عارف فين وشويه على المرور وشويه على ايه

ولو عايز راي انت غالبا لو شاريها يوزد حتبقى واقفه عليك من 25 - 35 الف ريال يعني في حدود

50 الف جنيه قول حتدفع في حدود 15 الف جمرك وشحن وتخليص يعني حتعمل في الاخر 65 الف جنيه

يعني نفس تمنها في مصر بس تشتريها وانت مستريح مجتش يعني على 2000 - 4000 الي حتوفرها


------------------------------------------------------------------------


الا صحيح اخبار هشومي ايه لسى موجود ؟؟؟ هههههههههههههههههه

السلام امانه d:

وتحياتي يا راعي الموستنج D:

[HiMoz]

ربنا يخليكوا يا جماعه معلش تعبتكوا معايا
بس انا بفضل اجيبها من السعوديه على الاقل هى بتاعتى وانا واثق فيها بدل ما ابيعها هنا ومتجبش جقها ف مصر ومش اعرف اجيب

[GMC]

لو مصمم خلاص هاتها وجمركها

بس انا بكلمك عن تجربتي للأسف كان الفرق مش كبير بس كان وجع دماغ

ده غير ان الفايبر اتجرح والبايك في الكونتينر لان شركة الشحن استهبلت ومحطتش فلين زي ما انا قلت

وفي الاخر اكتشفت اني لو كنت جبتها في مصر كانت حتفرق بس 2500 جنيه + اني حشتريها وانا زي الباشا

من غير وجع راس ولا اروح بورسعيد واظبط واحد في الجمرك

الكلام ده انصحك بيه لو انت حتشتري اكتر من بايك نقول 5 - 10 حتت ساعتها الفرق حيبقى كبير

ممكن في حدود 50 -60 الف جنيه فرق لاكن لو بايك واحد اشتري من مصر

ولو نزلت بورسعيد حتلاقي اكتر من بايك افراج والحاله ممتازه

واستخير ربنا

وكل سنه وانت طيب

[HiMoz]

لا مش هشترى هى معايا اصلاا فا انا مش واخد الموضوع تجاره فاعادى طالما هى معايا بدل ما ابيع واشترى انزل بيها وخلاص واهو نجرب

[karembob]

بسم الله مشاء الله

[HiMoz]

تحياتى بمناسبه العيد
JETTA <3 <3