ارجو النصيحه ... من الاخوه الاعضاء .

[ماجيكانو]

بسم الله الرحمن الرحيم ------------------------- انا الحقيقه بقالى كام يوم من قبل العيد بفكر اجيب موتوسكل اهو يقضى معايا الغرض اروح بيه الجامعه مثلا اروح بيه مشاوير حاجه كويسه يعنى .. وهقولكم وصلت لايه اولا انا معايا ميزانيه 5 الاف جنيه --------------------------------- - فكرت اجيب الموتوسكل اللى هو النحله مثلا دايون او هوجان كلو قالى بيرعش هو رخيص بس مشاكله كتير وخوفونى منو - فكرت اجيب الريس الصينى على حسب الميزانيه قالولى كويس جدا بس كلو فبر ولو اتكسر ملوش قطع غيار - واحد صحبى عرض عليا فسبه يابانى مستعمله ب 4 الاف جنيه بس انا مش دخله دماغى ابدا الفسبا - المهم روحت اختصرت طريقى وروحت المعرض شوفت الباجاج البوكسر هى شكلها عجبنى بس صاحب المعرض قالى انصحك لو هتشترى ابعد عنها هى شديده جدا بس الماتور بتاعها صغير وهتهلكها - من كتر الكلام قالولى احسن حاجه تعيش بيها الدايون او الحلاوه دي اشد حاجه ف السوق وكل الناس راكبينها طبعا موتوسكل حلاوه اللى اعرفو انو جامد وكان داخل دماغى بس انا شوفت الدايون 6 اتوهمت لانها بجد تصميم خرافى وحاجه شيك يا ريت الافاده من الاعضاء لانى رايح اجيبها بكره او بعدو يعنى عايز اعرف حاجه تكون شيك جدا وفى نفس الوقت كويسه وعايز اعرف الدايون 6 فعلا كويسه ولا الشكل بس اللى برا هو اللى كويس وجوه تعبانه ؟ وبرده عايز اعرف موضوع الريس والبوكسر لان هنا اكيد هلاقى المعلومات المفيده لانى مش بصدق الكلام اللى برا انا سجلت مخصوص ف المنتدى علشان احط التوبيك ده وارجو الرد ف اسرع وقت تحياتى

[ماجيكانو]

ويا ريت لو فى حاجه احسن تقولوهالى وتقولولى سعرها يعمل كام
لانى سمعت ان فى الهامرز الصينى كويس برده

والدايون 6 انا مسالتش على سعرها الحقيقه ف المعرض بس انا شوفتها
يا ريت لو حد ليه خبره فى الاسعار يقولى

[MohssenRashed]

راي هات اسكوتر (فسبا صيني) SYM Fiddle 2 جامده و 150 سي سي و محدش اشتكى منها, و بصراحة اشيك من الكوتسكلات الصيني.

السعر 6500 تقريبا دلوقتي.

[ماجيكانو]

راي هات اسكوتر (فسبا صيني) sym fiddle 2 جامده و 150 سي سي و محدش اشتكى منها, و بصراحة اشيك من الكوتسكلات الصيني.

السعر 6500 تقريبا دلوقتي.

قدامى الفسبا اليابانى وبسعر مغرى جدا بس انا مفضلش الفسبا لانها مش داخله دماغى
احس انى راكب عجله مش موتوسكل

مشكور لمرورك يا حبى

[thebast]

افضل مكنة صينى اخى هى الحلاوة الروكيت
تصميم روعة شبية من الدايون 6 و2 شكمان و200 سى سى
حاجة بجد فوق الخيال وسعرها جديد 5900

[Abdm]

الفسبا sym fiddle 2 نلاقيها فين بالضبط وفين أماكن بيعها

وجزاكم الله خيرا

[MohssenRashed]

ده موقع الوكيل و في كل المعلومات

luxury-motors.net