استفسار بخصوص الجزء الأمامى فى الموتسيكل

[KAREEMKEKO]

السلام عليكم ورحمة الله وبركاته

انا كان عندى استفسار و هو ايه هو الحاجه الشبه علبه المياه البتكون فوق الدركسيون
و تقريباً بتبقى فيها مياه

و هنا فى الصورة ديه العلبة لونها ابيض

http://www.gophoto.it/view.php?i=http://www.adsinusa.com/p/3845/3845j35231b.jpg#.UKkUSYaiSxo

[GMC]

قصدك علبة زيت الباكم d: ديه للفرامل او للدبرياج على حسب نوع البايك بس غالبا الي قدام البايك للدبرياج

والي بتكون على الجنب كده من ورا ديه للفرامل

انا من كتر ما عدا عليا كذا بايك با بتخلبط لان ساعات بتكون للفرامل قدام بس

90 % هيا دايما للدبرياج وممكن تشوف الهوز رايح فين حتلاقيه رايح للدبرياج

[shaddy1010]

دى علبة زيت الباكم للفرامل الامامية

[GMC]

سوري يا جماعه قصدي 90 % هيا لللفرامل , والسلك رايح للفرامل الي قدام

وفي الريس بيبقى فيه زيها ورا على الجنب اليمين بردوا للفرامل الدبرياج مجرد سلك والسلام

المعلومات عندي بقت تدخل في بعضها ههههههههههههههههه

ده حتى من كام يوم كان واحد بيسالني على السائل الي بيتحط في تانك البايك عشان

ينضفه اديته اسم غلط ههههههههههههههههههههههه

[bido600]

البيك في اتنين ماستر فرامل
واحد قدام هتلاقية لازق في المقبض ودا علبة زيت الباكم بتاعة
والفرامل الخلفية الماستر بتاعها لازق في الدواسة وعلبة زيت الباكم بتاعها تحت الفيبر بتاع الديل