الكاوتش التيوبلس والآخرام

[Abdm]

دلوقتى يا رجالة فى سؤال يطرح نفسة ويا ريت المشاركة من الجميع بالنسبة للكاوتش التيوبلس عند حدوث ثقب بة أثناء السير أو أكتشافة أثناء الركن أو الصبح .. المهم هل يتم أصلاحة على السريع عن طريق عمل خوابير فى الكوتش وهل هذة الطريقة ليس بها خطورة على الكاوتش أو أثناء السرعة على الطريق ؟؟ ..

فى حالة عمل لحام داخلى هل سيكون أفضل ولا مش هتفرق كتير .... المشكلة اللى أنا بسأل عليها بالذات هى كيف سيفك بتاع الكاوتش العجلة الخلفية مثلا وهل ستفك من الجنزير وهل قوة ربط الجنزير هتختلف ولا هيقدر يرجعها ذى ما كانت بالضبط وهل هيقدر يظبط مقدار توسط العجلة بين الكادر أو المقصين بتوعها فى النصف بالضبط ولا ممكن ما ترجعش مضبوطة ...

فأنا عايز أجابة واضحة ما هو الآفضل فى طريقة اللحام من خلال هذا الطرح للموضوع وبالتفصيل لو سمحتم علشان أفهم ..

وجزاكم الله خيرا

[sno7y]

بص يا ا/عبد الحى هو طبعا اللحام الداخلى احسن بكتير من الخوابير وبعدين الراجل وهو بيركب الخبور اصلا بيعمل خرم اوسع من الاول وغير كده انا الفرده الى اتركب فيها اكتر من 3 خوابير المفروض تترمى طبعا اللحام الداخلى بالماكوه بيبقى اضمن واحسن بكتير بس المشكله فى فك وتركيب العجله خصوصا فى الموتسيكل وعلى فكره انتا لو روحت لبتاع الكوتش مش هيرضا يفك العجله هيقولك فكها وهتهالى اللحمهالك عشان مش عنى العده وطبعا تقوم حضرتك تستهل وتخليه يعملك خابور
وعلى فكره الخابور ده مش بيكلف الراجل بتاع الكوتش اكتر من 2 جنيه وبياخد فى تركيبه 15 جنيه اقل حاجه او تخد الموتوسيكل عند المكانيكى عشان تفك العجله وبعدين توديها عند بتاع الكوتش وبعدين ترجع تانى عند المكانيكى يركبهالك .

[Abdm]

جزاك الله خيرا يا سنوحى لكن عايزين باقى الآخوة يشاركونا برأيهم بردوة ويأكدوا الآغلبية بتعمل أية وينصحونا

وجزاكم الله خيرا

[DXT]

انا بستخدم المادة الى بتتحط جوا الكاوتش .. بمجرد ما يدخل مسمار وتسحبه وكان مفيش اى حاجة حصلت

[naser_56]

بخصوص الفك والتركيب ايه نوع الموتسيكل ؟؟؟

لو الموتسيكل صيني مقرف في الفك والتركيب واكيد لازم تعيد معايره شد الجنزير من الاول

لو الموتسيكل ريس ياباني يبقي ما فيش اسهل من كده ولا بتحتاج معايره ولا اي حاجه هي مجرد صاموله بتاعت الاكس بتفكها وخلاص

[youtube]http://www.youtube.com/watch?v=Kyhs947moss&feature[/youtube]

[Abdm]

انا بستخدم المادة الى بتتحط جوا الكاوتش .. بمجرد ما يدخل مسمار وتسحبه وكان مفيش اى حاجة حصلت

أية حكاية المادة دية وبتجاب منين وبكام ومين اللى بيركبها فى الكاوتش

وجزاك الله خيرا

بخصوص الفك والتركيب ايه نوع الموتسيكل ؟؟؟

لو الموتسيكل صيني مقرف في الفك والتركيب واكيد لازم تعيد معايره شد الجنزير من الاول

لو الموتسيكل ريس ياباني يبقي ما فيش اسهل من كده ولا بتحتاج معايره ولا اي حاجه هي مجرد صاموله بتاعت الاكس بتفكها وخلاص

[youtube]http://www.youtube.com/watch?v=Kyhs947moss&feature[/youtube]

هى مكنة هندى tvs ذى بالضبط المكنة البجاج ال 180 ... هل نظام البجاج ذى الريس اليابانى ولا مختلف .

وجزاكم الله خيرا

[shady_mohmoud]

طبعا اللحام الداخلى احسن الف مرة من الخابور

[DXT]

المادة عملية جدا وفيدتها انها متعطلكش وتخليك تفك الفردة كل شوية عشان خاطر اللحام
وكمان لو انت مسافر بالبايك والطريق مفهوش اى حد قريب بتاع كاوتش
والعلبة بتعتها انا اشترتها ب 40 جنيه من محل كاوتش وهوا الى حل الكاوتش وحط المادة

فيه ناس بتقول ان المادة بتتلف الكاوتش وتخليه ناشف .. لكن انا محصلش عندى الكلام دا
والحاجة الوحيدة الى لاحظتها صوت المادة جوا الكاوتش وانت ماشى فقط لا غير

[hatemfarouk]

طيب ممكن حضرتك تقولنا اسم الماده إيه! أو لو هانتعبك شويه ممكن ترفعلنا صوره العلبه بتاعتها! و شكراً

[Abdm]

طيب ممكن حضرتك تقولنا اسم الماده إيه! أو لو هانتعبك شويه ممكن ترفعلنا صوره العلبه بتاعتها! و شكراً

وأنا معاة فى نفس السؤال بلآضافة الى أين المكان بالتفصيل ورقم التليفون بتاع المكان لو تكرمت ..

وممكن تبعت رسالة على الخاص بتاعنا لو فى مشكلة كناحية أعلانية

وهل دة حل أفضل من شركة تاير منيا اللى عاملة عرض هنا فى المنتدى لمادة أخرى .. هو أكيد هيكون فى فرق فى السعر كبير بينهم ...

لكن الجودة هتكون مع مين أفضل من الآخر والعمر الآفتراضى و مدى التأثير على الكاوتش . ومن ستكون التكلفة معة أكثر عملية وأمان و أقل تكلفة من شراء كاوتش جديد ..

وجزاكم الله خيرا

[DXT]

بخصوص الصورة انا ححاول اجمع العلبة واصورها ..
وانا مش من القاهرة وعايش فى الصعيد واشتريتها من عندنا هنا

وانا كنت بدورلك على موضوع الشركة دا وكان فيه شركة تانى غيرها برضه هنا فى المنتدى
وطريقتها تختلف عن المادة السايلة ..وهوا شغال بمادة جل بتعمل طبقة على الكاوتش وتقريبا حتكون اغلى شوية

[Abdm]

ما تنسناش فى باقى التفاصيل يا كبير ..... واللى عندة معلومات أضافية بخصوص الموضوع بتاعنا يا ريت ما يبخلش علينا بالنصيحة .. والله الموفق والمستعان

وجزاكم الله خيرا

[فكرى الفساخ]

شكرا على استضافتى وقبولى فى منتداكم الكريم .

[Abdm]

شكرا على استضافتى وقبولى فى منتداكم الكريم .

منور يا أخى ونتمنى لك التوفيق والسلام عليكم

[islamabady1980]

متابع