برجاء الأفادة من اصحاب الخبرة

[mmansourmommo]

انا عضو جديد .... عندي بس مشكلة ان البايك فجأة وانا راجع من مشوار السحب ضعف جداااااا ومش عارف اعمل ايه برجاء الأفادة

[mmansourmommo]

فين الردود يااصحاب الخبرة

[ahmednabeeh]

بص يا باشا انا مش عاوز استعجل عليك فالرد.. علشان هيكون تقيل شويه.. الاول البايك دى نوعها ايه
ولو انت فاهم شويه هى كانت شغاله 4 بستم.. ولا 3 ولا اتنين بس
علشان لو شغاله 4 بستم والسحب ضعيف.. بس لما تيجى تزود بنزين الصوت بينزيد بس متأخر شويه تيجى تفك دبرياج المكنه تحس انها مفهاش عزم... ولو فى تخبيط فالماتور ... دى سبيكه يا معلم..بس ان شاء الله مش كدا
شنابر... بس ان شاء الله مش كدا..
دلواتى قولى المكنه كانت شغاله 4 بستم... ولا اقل...... وكان فى تخبيط لما بتزود ولا لاء؟

[sno7y]

ممكن يكون كربراتير ممكن يكون فلتر الهواء مسدود ممكن يكون متلته زى ما استاذ احمد قال ممكن عشر حاجات تانيه لازم تقول معلومات اكتر عشان الشباب تعرف تفيدك

[mmansourmommo]

الموتوسيكل كوازاكي 400 اربعة سلندر مافيش صوت تخبيط في الموتور ولا حاجة

[mmansourmommo]

انا فكيت فلتر الهوا ونضفته بس صوت الموتور بيقطع تقريبا البوجيهات فيها حاجة

[sno7y]

لو بويجيها المكنه مش هدور اصلا هتعمل صوت فرقعه من الشكمان
هى بتقطع ولا بتنتش ؟

[mmansourmommo]

لا الصوت بيقطع واسيب بنزين المكنة تبطل

[bido600]

التقطيعة دي = بوجيهات
اول ما تسيب البيك سلانسية يبطل= بوجيهات(بوجيهات بس لو بتعمل كدة والبيك بارد ولما بتسخن بتشتغل عادي ) او ( بوجيهات وبكات السلانسية لو وهي سقعة وهي سخنة بتقطع لما تقف سلانسية )
السحب ضيف جدا وصوت البيك بيعلي = ورق دبرياج
السحب ضعيف وصوت البيك بيحشرج ويقل = كاربراتير
السحب ضعيف وصوت المكنة ناعم وفي دخان (ابيض) لما تيجي تزود= شمبر

[mmansourmommo]

انا بجد متشكر اوي ليكو علي تعاونكم ودايما منورين المنتدي

[mmansourmommo]

هو فعلا كان ورق دبرياج والحمد لله كله تمام وشكرا لأهتمامكم