عايز اجيب سكوتر جديد بس مش عارف ايه الدنيا

[ahmed_acmilan]

[overline]انا عاوز باذن الله اجيب سكوتر زيرو وعايا فى حدود 7500 او 8000 عايز سكوتر جديد قوى وشيك و قطع غياره و صيانته سهله دى اهم حاجة و معلش والله على انى بتقل بس مش فاهم بجد وخايف ادبس وشكرااا[/overline]

[MohssenRashed]

روح للحضري في الازرية و في السعر ده عندك SYM Fiddle 2 و SYM Jet 4 و دول متجربين و صيانة سهلة

اعمل حسابك بس ان شاء في فلوس للخوذة و الجوانتي عشان اهم حاجة السفتي قبل الاسكوتر نفسة و ربنا يوفثك ان شاء الله.

[ahmed_acmilan]

شكرا يا باشا بس هو فين فى الازريطة

[ahmed_acmilan]

و الخوذة و الجونتى بكام و الرخصة يا ريت معلش بتقل عليك

[MohssenRashed]

شكرا يا باشا بس هو فين فى الازريطة

في الازريطة ورا معرض كوتة روح هناك و اسأل و 1000 مين يدلك علية

الحاج عبد الله الخضري محترم و جدع جدااااااا و هو ارخص سعر لل SYM في اسكندرية.

و الخوذة و الجونتى بكام و الرخصة يا ريت معلش بتقل عليك

الخوذه: تبدأ من 550 جنية Half Face محترمة ماركة LS2 و لازم تكون DOT

الجونتي: في حاجات يبدأ من 150 بس حاجات نضيفة في اكيد ارخص بس قماش و اي كلام

الرخص:

رخصة القياده: من مرور محرم بيك امتحان كمبيوتر و سواقة (لو معاك واسطة هيبقى اريح اكيد) و زي العربية محتاج شهاده بطنة و نظر و اصل شهاده المءهل للأطلاع و هياخدوا صوره

رخصة الاسكوتر: من مرور العجمي و بتكلف تقريبا 270 جنية سنة واحدة و تقريبا 500 ثلاث سنين و ده طبعا بعد ما تستلم الورق (الافراج الجمركي و المبايعة).

انصحك اول ما تشتري ان شاء الله ترخص الاسكوتر و تطلع رخصة قياده عشان تبقى ماشي براحتك لأن المرور دلوقتي بيغلس اوي.

اي معلومات تانية انا تحت أمرك.

[ahmed_acmilan]

الف شكر على تعبك ده والله :)

[ahmed_acmilan]

معلش بس هو اسعار الجيت ماكس وسيمفونى كام يا ريت بجد حد يعرفلى وشكرااا

[ahmed_acmilan]

معلش قصدى SYM Jet 4 او SYM Symphony سعرهم يا ريت