طريقة عمل عمرة للبطارية :d

[SaSa.FireBlade]

بسم الله الرحن الرحيم
1 جميع انواع البطاريات الجافة هتلاقي فيها غطا من فوق ومتبرشم هتجيب مفك عادة صغيـــــــــــــــــــــــر اوى وتحاول تفك البرشام وحاول على قدرا الامكان انك متكسروش ولو عصلجت معاك اياك تقول دة مش بيفتك لا بيتفك متخافش

2 هتلاقى حوالى 6 غطيان صغيرة جلد محطوطين تحت الغطاء هتشيلهم هتلاقى تحتهم 6 فتحات

3 هتحط مكان كل فتحة من تحت الغطاء ماية نار بتاعت البطارية العادية

4 طبعا لما تحط الماية مش هترضى تنزل فى الفتحات ودة بسبب الهوا المكتوم داخل الفتحات دى فهتبداء تجيب سرجة صغيرة جدا جدا وتضخ بيها الماية جوة الفتحات واول ما تتملى تجيب حاجة تفرغ بيها الهوا دة من الفتحة يعنى مثلا مسمار ولا حاجة تدخلة جوة الفتحة علشان يفرغ الهوا وهتلاقيها تاخد ماية تانى لاحد ماتتملى وتفرغ الهوا وتاخد تانى لاحد ما ال6 فتحات كلهم يتملوا

5 هتجيب ال 6 غطيان تخرم كل واحد فيهم خرم صغير علشان مكان الفتحات يقدر يخرج منة هوا ومش يتحبس جوة ويكسر الغطا

6 هتركب الغطيان تانى زى الاول وتقفل الغطاء تانى كويس ولو كسرتة اقفلة بمسدس شمع

ركب البطارية يا معلم ومبروك عليك البطارية الجديدة

بالنسبالى انا المكنة بقت تدور مارش من اول ضغطة ومشغل الانوار العالية ومفيش اى حاجة بتخلص من البطارية يعنى بطارية جديدة لانج فعلا

[Muhamed 2B]

تسلم ايدك يا معلم ع الموضوع , انا لسة بايكر جديد وبتعلم بصراحة من المواضيع زي بتاعتك

[ABO MALEK]

اصلا البطارية دى جافة ولا سائلة(رجاء التوضيح)

[SaSa.FireBlade]

جافة يا باشا

[thebast]

[Abdm]

مكان الآخرام اللى فى الآغطية علشان الزائد من المياة يخرج دة حضرتك عاملة بطريقة بدائية وغير وقائية لآن مع أى حركة للمكنة هتلاقى المياة تنزل وتبهدل المكنة غير المجهزة بتكون بخرطوم واحد من مكان معين بيخرج الزائد بعيدا عن جسم المكنة ... وجميع الآغطية تكون مغلقة بأحكام لعدم التسريب ...

هية فكرة حضرتك كويسة بس أذاى نعمل وقاية من تسريب سائل البطارية على جسم المكنة وفى مكان دة ممكن يبهدل الملابس بتاعت الراكب ويأكل الخراطيم بتاعت المكنة ... يا ريت التوضيح والشرح لعلاج هذة المشكلة .

وجزاكم الله خيرا

[hatemfarouk]

مع إحترامي الكامل لحضرتك بس الكلام غير منطقي بالمره لأن ما كانش حد غلب و ماكانش بتوع البطاريات إشتغلوا أساساً بجانب إن طريقه تفتقر لعامل الأمان بالنسبه للبايك و بالنسبه للسائق.مكتوب عالفتحات بتاعت البطاريه إنها ما تتفتحش أبداً دا من الشركه المصنعه اللي هي بتلتزم بقواعد الأمان فا ماينفعش أننا نعمل عكس كده و نبقي نقفل بمسدس شمع.

[SaSa.FireBlade]

يا جماعة عادى والله بتتعمل دة حتا بتوع البطاريات بيعملوها روح لاى واحد بتاع بطاريات وقولو زودلى المياة بتاعت البطارية بيعملها

[thebast]

بما ان انا اصلا صاحب الموضوع والاستاذ نقلة منى فهجاوب على استفسار حضرتكم
استاذ ادم حضرتك اصلا الاخرام دى بتبقى مقفولة فى البطارية الجافة ولما بنحط ماية جواها بنعمل خرم صغير لان الماية جوة مع التفاعل هتغلى من جوة ولازم تلاقى مخرج هوائى علشان البخار بتاعها يخرج منة وميحصلش حاجة غليان من جوة والخرم بسيط جدا وصغير اوى فقط لدخول الهوا داخل البطارية حتى لا يحدث تفاعل داخلى

اما استاذ حاتم حضرتك البطارية الجافة بيبقى جواها نفس الالواح الى بتبقى جوة البطارية السائلة ولكن ليس بها الماء وعند تجفيف تلك الالواح يبداء انهيار عملها وضعفها فنفتح البطارية وبنحط لها الماية المقطرة علشان تبداء تنعش البطارية من جديد واكيد هى مش بتوصل ل 100% من كفائتها ولكن نقول بحد اقصى نقول توصل ل 70% مثلا وحضرتك لو فعلا مش المفروض تتفتح لية لما نفتحها بنلاقى امامنا امام مكان بطارية سائلة تماما
وحضرتك انا قولت مسدس شمع لان مش هينفع امير علشان يبقى فى سهولة لفكها مرة اخرى لزيادة الماء بعد ذالك

اى استفسار انا تحت امركم

[SaSa.FireBlade]

واضح ان كل مواضيعى ناقلها من سيادت حضرتك صح ولا والله اعلم ؟

[thebast]

واضح ان كل مواضيعى ناقلها من سيادت حضرتك صح ولا والله اعلم ؟

حضرتك الموضوع الى فات انا قولت انك ناقلة من ناس انا عارفها ومش مجهود شخصى لحضرتك
اما الموضوع دة فانا الى عاملة اصلا وبمجهودى الشخصى فى منتدى تانى وحضرتك ناقلة من هناك

[graffittiii]

بصراحة يجماعة أنا لا أفضل نشر مواضيع زي دي .

البطارية بتتعرض لظروف تشغيل مختلفة وحرارة وبتترج بإستمرار ..

وأكيد عمرك ماهتعرف تقفل الأماكن اللي فتحتها زي الأول ولاحتي بمسدس شمع .

أنا مش متخصص يعني بس لو في إحتمال 10 % أن التجربة مش أمنة يبقي بلاش نشرها .

أو علي الأقل لحد مانعرف من متخصص إنها أمان أو لأ .
.

[SaSa.FireBlade]

يا باشا دنتا لو روحت لاى متخصص بطاريات بيعملها ب 10 جنية