عايز أعرف أسعار الريس الزيرو (هوندا + كاوازاكي )

[Boory]

السلام عليكم يا شباب
كنت عايز أسأل على أسعار الريس الهوندا و الكاوازاكي في التوكيل بالنسبة ل 250 سي سي و ال 600 سي سي و نظام الضمان و الكلام ده

[Boory]

إيه يا بايكرز كله شغال في المستعمل و ألا إيه :)

[magic_rock]

يا باشا محدش هيقولك الكاوازاكي خالص لان قطع غيار قليلة جدا وحاجات تانية كتير باختصار خليك ف هوندا مواتير قوية يستحمل اى حاجة وبنسبة انك بتقول عايز اسعار و250 نظام ضمان وحركات يبقة هتجيب حاجة زيرو موديل السنة وانت بتقول من توكيل فوق ال30 الف وانا عن نفسى مرضاش اركبها ولو 600 يبقة معاك من 70 الف هههههههههههه فا قول بقة انت ميزانيتك كام واحنا نقولك اى انسب حاجة وانسا كلمة توكيل دى بقة

[shaawa_dj]

ال 250 زيرو موديل السنه
1 سيلندر بتعمل حوالي 38 او 40 الف

[SaSa.FireBlade]

زىما قلولق 250 سلندر 1 ب 38 الف بى ال 38 ال دول ممكن تركب 954 موديل 2003

[SaSa.FireBlade]

قول ميزانيتك كام وبلنسبة ليك كا مبتداء ابتدى ب 400 فاير حلتو كويسة بع موديل 96 او 600 F3 او F4i

[magic_rock]

قول ميزانيتك كام وبلنسبة ليك كا مبتداء ابتدى ب 400 فاير حلتو كويسة بع موديل 96 او 600 f3 او f4i

يا درش لا الراجل بيقول توكيل دا حتى قال يا بايكرز كلو شغال فى المستعمل ولا اى تقوم انت تقولة حاجة استعمال ميصحش حضر انت يا باشا من فوق 40 الف عشان تركب حاجة من توكيل زى منت قولت !!!!!!!!!!!!!!!!!!!!

[SaSa.FireBlade]

خلاص ولا تزعل نفسك يا درش خود دى kawasaki zxr10 موجودة عند عز العرب ب 138 الف جنية honda cbr250r ب 42 الف هوندا 500 RR ب 68 الف جنية حرام لية مهوا ممكن ب 55 الف يشترى مكنة 1000 موديل 2007 مثلن وهتكون حالتها نضيفة

[magic_rock]

هو دا الكلام اخيرا فهمتنى يا وديع هههههههههههههه نايس يا درش

[shaawa_dj]

kawasaki zxr10
هى دى الخلاصة لو عاوز يجيب م الاخر :D

[Boory]

بالراحة عليا :) ده أنا مبتدئ ... أنا بس باسأل... على كل حال أقنعتوني الصراحة...

طيب... يبقى هوندا 600rr مستعمل... الميزانية في حدود 40 ألف بالكتير و الأفضل في حدود 30 ألف

السؤال بقى إزاي أتأكد إنها حالتها مظبوطة؟

[Boory]

أنا آسف و الله يا شباب كل ما أكتب رد مش بينزل مش عارف ليه :)

عموما أنا كنت باسأل ما أعرفش إن الفرق في الأسعار كبير كده أنا مفكر إنه زي العربيات ممكن الزيرو يفرق من المستعمل 10 أو 15 ألف... لكن واضح إن الفرق كبير جدا...

طيب ال 600rr المفروض في حدود كام ... و الواحد يكشف عليها فين و خصوصا إن الحاجات اللي مش معلقة نمر الواحد بيقلق منها

[magic_rock]

طب سوال على السريع دا اول بايك تركبو ولة ركبت قبل كدة موتسيكلات عشان لو 600rr دا بايك مش سهل ولو اول تجربة ليك يبقة بتموت نفسك ولو الميزانية ف حدود 40 يبقة تجيب cbr 600 rr موديل 2005 كان ف واحد افراج عند ميرو ب 38 الف بحالة الزيرو وفى بايك تانى بحالة الزيرو CBR600RR موديل 2007 ب 43 الف بحالة الزيرو برضو فا موضوع انك تجيب حاجة نظيفة مش صعبة اللى صعب بقة انك تبقة اول مرة تركب بايك وتركب 600 لو لسة اول مرة تركب اركب 400 عادة او فاير كبداية حلوة هتعمل معاك رينج 22 ل 26 الف لو عادة هيبقة موديل 89 لو فاير ف التسعينات بقة بس ف مكن افراج بيبقة بحالة الزيرو فكر كدة مع نفسك وشوف اى انسب حاجة حاجة وربنا معاك

[shaawa_dj]

يا درش عادي يركب الستميه ار ار
اهم حاجه تقدر المكنه اللي تحتيك
بس حذاااري البايك والشيطان يغروك
وقعته علي الارافه علي طول بعد الشر

[SaSa.FireBlade]

وحاول على قد متقدر تسمع من هنا وتخرج من هنا لو واحد من صحابك شاف واحد رافع وقلق عمرك متعرف تعمل زيوو والكلام دة فكك انا قعدت متجبس 3 اشهر وعامل تجبيرة وادعى على واد زميلة الله يحرقوا بسببوا وبسبب حوار الرفع دة