أستفسار للشراء أرجو الأفادة

[Eros_mada]

السلام عليكم ورحمة الله وبركاتة

أتمنى تفيدونى ... انا شوفت البجاج 200Ns وعجبنى جداً بس فى ناس قالتلى هات أسكوتر أحسن انا يهمنى الشكل علشان لبسى كلة بدل وعايز اخلص من قرف الزحمة وابجاج عامل تقريباً 15000
وروحت شوفت السكوتر البيجو فى مول العرب شكلة مش وحش بس بصراحة مش عارف اجيب اية أحسن ياريت تفيدونى لو عايز اجيب حاجة فى الرنج دا وتكون جديدة وايهما احسن ولو حاجيب اسكوتر ياترى ترشحوا اية ليا اجيبة لو اسكوتر حيبقى 125 سى سى او 150 سى سى مش حتفرق معايا بس اى نوع افضل واروح اسأل فين وياريت لو يبقى فى صور للأنواع اللى ترشحوها ليا اتمنى الرد السريع للحاجة للشراء اليومين دول والف شكر لمساعدتكم ليا

[Hobgoblin]

(Scooter LML (Vespa

[shaawa_dj]

اللى يمشى مع استايل البدل
اسكوتر البيجو

[Eros_mada]

(scooter lml (vespa

شكراً لردك بس طبعاً مش حينفع خالص مع البدل هيا صحيح رخيصة وموفرة جداً بس شكلها برضوا مايكلش خالص

[Eros_mada]

اللى يمشى مع استايل البدل
اسكوتر البيجو

أنا معاك برضوا بس عايز اعرف اية افضل نوع اسكوتر ممكن أجيبة انا ممكن ادفع من 10000 لحد 13000 بس عايز اعرف اية افضل نوع ممكن اجيبة ويكون شكلة شيك مع العلم انى طويل طولى 182 سم اتمنى ألفادة السريعة ولو فى معرض كويس ممكن انزل اتفرج فية انا شوفت البيجو وشكلها كويس بس حاسسها صغيرة عليا اتمنى لو ممكن تفيدونى بالصور وشكراً

[shaawa_dj]

في عضو هنا ف المنتدي يعرف كل حاجه عن الاسكووتر وهو اكتر واحد ممكن يفيدك
اول ما هيدخل هيرد عليك هنا

[Hobgoblin]

بص يا ريس

مش كل حاجة الشكل...دور على الإعتمادية وتكاليف التشغيل والصيانة.

الفيسبا قريبة قوي في الشكل من بعد السكوترز بس أرخص وأقوى وحاجتها بملاليم وتتصلح عند أي ميكانيكي.

ميزة السكوتر إنه أخف وكمان فيتيس cvt للي مش إيعرف يسوق مانيوال.

الأفضل من دة كله الباجاج بس مش هينفع مع لبس البدل.


عموماً ربنا يوفقك للإختيار المناسب.

[JOKER_KLEN]

TGB Bellavita بسى سعره عالى بسى حاجة تحفة بسم الله ماشاء الله عليه ممتاز

[Eros_mada]

في عضو هنا ف المنتدي يعرف كل حاجه عن الاسكووتر وهو اكتر واحد ممكن يفيدك
اول ما هيدخل هيرد عليك هنا

الف شكر لزوقك

[Eros_mada]

بص يا ريس

مش كل حاجة الشكل...دور على الإعتمادية وتكاليف التشغيل والصيانة.

الفيسبا قريبة قوي في الشكل من بعد السكوترز بس أرخص وأقوى وحاجتها بملاليم وتتصلح عند أي ميكانيكي.

ميزة السكوتر إنه أخف وكمان فيتيس cvt للي مش إيعرف يسوق مانيوال.

الأفضل من دة كله الباجاج بس مش هينفع مع لبس البدل.


عموماً ربنا يوفقك للإختيار المناسب.

أنا معاك ان البجاج أحسن بس شكلة صعب برضو مع البدل بس بس انا عاجبنى السكوتر اكثر علشان انا مش بعرف اسوق موتوسيكلات اصلاً انا بسوف عربيات كويس بقالى سنين بس بصراحة انا شوفت قطع غيار السكوتر بجد رخيصة جداً ياريت لوتفيدونى فى اى نوع اسكوتر اقدر اجيبة ومينكش غالى انا نزلت اتفرجت بس الأنواع كتير اوى

[Hobgoblin]

أنا معاك ان البجاج أحسن بس شكلة صعب برضو مع البدل بس بس انا عاجبنى السكوتر اكثر علشان انا مش بعرف اسوق موتوسيكلات اصلاً انا بسوف عربيات كويس بقالى سنين بس بصراحة انا شوفت قطع غيار السكوتر بجد رخيصة جداً ياريت لوتفيدونى فى اى نوع اسكوتر اقدر اجيبة ومينكش غالى انا نزلت اتفرجت بس الأنواع كتير اوى

sym

[SaSa.FireBlade]

من وجهة نظرى حرام تدفع15 الف فى اسكوتر وعلى فكرة البيجو علشان تركب حاجة 200 سى سى مثلن ب 20 او 22 الف انتا ممكن ب ال 15 الف تركب250 فاير حالة كويسة او 400 عادة حالة كويسة ولو مبتحبش قاعدة الريس هات cb400s4 موتور ريس 400 وشكلها كلاسيكى وجميلة جدن واسمها هوندا يعنى راكب يا بانى حاجة محترمة وى 4 سلندر وشديد جدن عمرك ما هتلاقى اسكوتر هيبقا فقوتو وعلى فكرة من وجهة نظرى عايز حاجة جامدة مع البدل ريس