اسكوتر Roar

[Eros_mada]

السلام عليكم ورحمة الله وبركاتة

ياجماعة انا كنت ناوى اشترى اسكوتر ونزلت واتفرجت على أكثر من ماركة بس اللى استغربت منة ماركة جديدة موجودة فى السوق اسمهها Roar المعرض بتعها فى مكرم عبيد كلمت المعرض قالى انة كورى تقفيل صينى بس مش عارف حاسة كلة صينى المهم الغريب ان ألأسكوتر دا شكلة تحفة بجد وسعرة معقول فى حدود8000 جنية اتمنى لو تفيدونى فى اى تفاصيل عن الماركة دى انا حرفع ليكم صور من السكوتر دا وقوليى رأيكم فى الشكل والمنتج وياريت لو ألمكانيات انا عايز اجيبة 150سى سى واتمنى اعرف رأيكم فى الماركة دى اية وشكراً

[MohssenRashed]

بص ياباشا عن تجرية اوعى تجيب ماركة مجهولة.

نصيحتي ليك و عن تجاربي و تجارب الجروب كلة خليك في الماركات المشهورة ال sym بموديلاتة و طبعا الياباني (هوندا, سوزوكي .......) او الايطالي

بالنسبة لل sym:

اولا: اداء عالي و بيستحمل جدا
ثانيا: الوكيل حلاوه و كل قطع الغيار متوفره

بس بجد بلاش الانواع المجهولة دي و هتلاقي التاجر هيقولك عندي كل قطع الغيار و الكلام ده

[amribrahim]

متابع

[Eros_mada]

بص ياباشا عن تجرية اوعى تجيب ماركة مجهولة.

نصيحتي ليك و عن تجاربي و تجارب الجروب كلة خليك في الماركات المشهورة ال sym بموديلاتة و طبعا الياباني (هوندا, سوزوكي .......) او الايطالي

بالنسبة لل sym:

اولا: اداء عالي و بيستحمل جدا
ثانيا: الوكيل حلاوه و كل قطع الغيار متوفره

بس بجد بلاش الانواع المجهولة دي و هتلاقي التاجر هيقولك عندي كل قطع الغيار و الكلام ده

الف شكر لردك ولزوقك طيب معلش اخر سؤال انا شوفت فى معرض فى المعادى عاجبنى عندة Benelli SYM 150 CC JET 4 و SYM FIDDLE II 150 CCياترى رايك اية أحسن فيهم ودى صورهم

[MohssenRashed]

ال JET 4 و ال Fiddle 2 زي بعض بس موتور ال Jet 4 انعم شوية و اغلى من ال fiddle 2 بتقريبا 1000 جنية و عداد ال jet 4 ديجيتال

[Eros_mada]

ال JET 4 و ال Fiddle 2 زي بعض بس موتور ال Jet 4 انعم شوية و اغلى من ال fiddle 2 بتقريبا 1000 جنية و عداد ال jet 4 ديجيتال

ألف شكر لردك

[JOKER_KLEN]

وفى نوع تانى كويس جدا وسعره معقول وقطع غياره موجوده

150 Symphony SR SYM

[Eros_mada]

وفى نوع تانى كويس جدا وسعره معقول وقطع غياره موجوده

150 symphony sr sym

هوا فعلاً شكلة كويس بس ياترى عامل كام ولو حبيت اروح اشوفة فين اقرب معرض قريب من وسط البلد مثلاً وشكرا لزوقك واختيارك

[JOKER_KLEN]

الى اعرفه سعره 9400 والى اعرفه فى شارع السودان والعجوزة بس

[Eros_mada]

يا جماعة بخصوص الماركة دى انا روحت المعرض فى مدينة نصر وطلع المنتج دا Roar وطلع صينى وملوش اى قطع غيار خالص ولا حتى موزع معتمد فى مصر وحبيت اقولكم علشان تخالو بالكم

[momou3]

ازيك ياباشا بص انا معايا السكوتر دا بس ابيض هو كويس و شكلة تحفة لكن المشكة اني مش لاقيلو قطع غيار و السير اتقطع و تطلع عيني علشان اصلحو بس دا يمكن علشان انا معرفش حد بيصلح سكوتر لكن في المجمل لو انت تعرف حد بيصلحو و تجيب منو قطع غيار هوجميل و عدادو 140 لكن مش بيجيب اكتر من 115 كم / ساعة و ياريت لو تعرف حد بيصلحو قولي