كل حاجة عن موتوسيكل benelli

[shams2222]

مساء الفل .. البايبر دي انا كاتبها عن موتوسيكل بينيللي او Benelli




بعد ما اتسحلت معاه و عرفت معظم تفاصيله تقريبا

انا ما اخترتش المكنة دي عشان حاجة لكن كان اول موتوسيكل اركبه وكنت خايف اجيب حاجة بفلوس كيتر و أدشملها

فوقع في سكتى النوع ده و الحمد لله ما ادشتملتش



اولا : بنيللي هي شركة إيطالية في اﻻول كانت بتصنع أسلحة ودخلت في تكنولوجى المواتير مش فاكر امتي تحديدا وبتعمل موتوسيكلات ايطالي محترمة .. جت شركة اسيوية اسمها Keeway

خدت توكيل من بنيللي اﻻصلية إنها تصنع الموتوسيكلات دي في الصين

ابو حوا في مصر هو اللى بينزل الموتوسيكلات دي مصر بتجيله متفككة وهو بيربطها ويركبها ويقفلها في مصر ويطلعها للتاجر

فمتخليش حد يضحك عليك ويقولك دي إيطالي اصلي عشان لو إيطالى اصلي مش هتبقي بالأسعار دى .. وتقدر تطلب منه مثلا اى قطع غير محطوطة في كيس هتلاقى اسم المصنع الصيني اللى ابو حوا بياخد منه



ثانيا : الموتوسيكل محترم جدا عن باقى الموتوسيكلات الصيني اللى مالية الشوارع سواء في اداء المكنة او المنظر .. وسمعتها هتوصل لسمعة البجاج الهندي



ثالثا : قطع غيارها متوفرة بالكامل من أصغر مسمار للمواتير .. بس مش هتقدر تجيب حاجة فيهم مستعملة لأن المكن كله جديد .. ومافيش حاجة منها نزلت مضروبة لانها لسه ما انتشرتش بالشكل اللى تخلي حد يسرق رسمة اى قطع غيار ليها

بالإضافة لأن قطع غيارها اسعارها في الحنين جدا ومش اغلي من الصيني بكتير

مثلا : مقبض الفرامل هتلاقى سعر 25ج

فلتر زيت ب 12 جنيه وهتلاقى ناس بتبيعه ب 15 حسب التاجر

سلك دبرياش كامل داخلي وخارجي ب 20جنيه

فردة مساعدين امامي ب350 جنيه



رابعا : الموتوسيكلات دي مش نازلة كده .. يعني التصميم بتعها مش من افتكاسة حد هي نازلة تقليد لموتوسيكلات تانية

هقول دلوقتى الموديل و الموديل اﻻصلي

VLM > Honda Hornet

VLR > Kawasaki ER

VLX > Yamaha WR

طبعا مافيش مقارنة بين البراندز العالمية دي وشغل بينيللي هما مش اكتر من إنهم بيقلدوا و طبعا تقليد قبيح بالنسبة للتحف الفنية دي .. بس في اﻻخر علي قد فلوسك بردوا



خامسا : ماتشتريش الموتوسيكل بفرامل تيل

مهندس الصيانة سألته عن مشاكل البنيللي قالي فرامل التيل اللى ورا فيها مشاكل

وقدام عيني دخل 3 موتوسيكلات علي نفس المشكلة .. فرامل تيل

خليك مع فرامل الباكم هتبقى اغلي الف جنيه من التيل لكن أحسن بكتير و أأمن



سادسا : ودي أهم نقطة عجبتني في البنيللي وهي الصيانة المجانية

ايوة صيانة مجانية

حصلت معايا مشلكة في الموتوسيكل .. فجأة النور ضعف و الموتوسيكل مابيقومش Start

كنت بشغله زق .. زق الموتوسيكل و ارمي التاني و الشغل ده

خدته ورحتلهم مركز الصيانة

اللى عرفته إن الموتوسيكل ليه 3 مرات صيانة خلال اول 6 شهور

بتجيب اسم التاجر وتاريخ الشراء وانت رايح

بس لما روحت ما طلبوش مني الكلام ده

كل اللى عملته إني روحت وقفت بالموتوسيكل علي باب المصنع قولتله جي صيانة

ندالي مهندس الصيانة من جوا

خرجلي بكل احترام سألنى عن المشاكل اللى بتواجهني مع الموتوسيكل

بعدها دخل جاب دفترة وصولات كتب فيه رقم الشايه ورقم الماتور ونوع المكنة وخد اسمي

و أبتدينا نعد مع بعض المشاكل اللى في الموتوسيكل

1
2
3
4

ادانى الوصل وقلي تعالي بعد ساعتين عشان موتوسيكلين قبلك جوا

خرجت قعدت علي قهوة بتاعت سواقين نقل عشان ده طريق سريع

ساعة ونص و رجعت علي المصنع لقيته بيقولي دى خلصت و مركونة جوا راح مطلعهالي بره واستلم الوصل وخلانى ارجب و اراجع علي الحجات اللى اشتكيت منها

ومادفعتش جنيه



بالمناسبة .. انا روحتلهم علي وقت الراحة بتاعهم .. و العمال داخلين المصنع بعد الراحة أكتشفت إن في مهندسين من الصين تبع شركة keeway

موجودين في المصنع و 2 منهم لقونى راكن مستنى المهندس راحو مدورين الموتوسيكل وفضلوا يسمعوا في صوت الماتور

و ده عنوان المصنع او الصيانة بتعهم في قليوب

Google Map Maker



مشوارع بعيد بس الموضوع يستاهل

المصدر : هنــا

[Abdm]

طيب ما فيش متوسيكلات جديدة نزلت مصر بفرامل abs ويكون سعرها معقول يعنى مش عالى

وجزاكم الله خيرا

[shams2222]

لو في موتوسيكلات صيني نازلة بفرامل abs
ياريت تقولي عليها !!

[Abdm]

بلاش كلمة صينى هنا فى القسم علشان الناس بيجيلها أرتكاريا من الصينى وأنا معاهم هههههههه... لكن لا مانع من لو حد عارف أى معلومة عن الفرامل abs فى المتوسيكلات الصينى أو الكورى أو التايوانى أو الهندى يا ريت يقول لنا ......

أنا معايا هندى وبحب الهندى وأتمنى ينزل فرامل abs فى متوسيكل هندى لآن اليابانى أكيد هيكون غالى قوى ..

المكنة اللى معايا tvs apache 180 cc فرامل باكم وراء وقدام هندى وبثمن البجاج ال 180 وكفرامل ذى ال 220 بجاج مع وجود فرق السى سى فقط ... وللأسف نازل منها فى الهند بفرامل abs لكن لسة ما نزلش مصر ... أنا أتمنى ينزل من البجاج فرامل abs .....

لو فى حد يا جماعة يعرف أى أخبار عن الفرامل abs فى المكن الهندى عموما لآن دة هو اللى مضمون ومنتشر وسعرة معقول يا ريت يبالغنا .

وجزاكم الله خيرا

[AlsHaRkaWeY]

بلاش كلمة صينى هنا فى القسم علشان الناس بيجيلها أرتكاريا من الصينى وأنا معاهم هههههههه... لكن لا مانع من لو حد عارف أى معلومة عن الفرامل abs فى المتوسيكلات الصينى أو الكورى أو التايوانى أو الهندى يا ريت يقول لنا ......

أنا معايا هندى وبحب الهندى وأتمنى ينزل فرامل abs فى متوسيكل هندى لآن اليابانى أكيد هيكون غالى قوى ..

المكنة اللى معايا tvs apache 180 cc فرامل باكم وراء وقدام هندى وبثمن البجاج ال 180 وكفرامل ذى ال 220 بجاج مع وجود فرق السى سى فقط ... وللأسف نازل منها فى الهند بفرامل abs لكن لسة ما نزلش مصر ... أنا أتمنى ينزل من البجاج فرامل abs .....

لو فى حد يا جماعة يعرف أى أخبار عن الفرامل abs فى المكن الهندى عموما لآن دة هو اللى مضمون ومنتشر وسعرة معقول يا ريت يبالغنا .

وجزاكم الله خيرا

لو سمحت كنت عايز اعرف tvs apache 180 cc المعاك متوفرة فى مصر ( الاسكندرية ) ولا صعب الاقيها ولا مش موجودة خالص و كنت عايز اعرف سعرها كام لو سمحت و شكرا ....

[Abdm]

لو سمحت كنت عايز اعرف tvs apache 180 cc المعاك متوفرة فى مصر ( الاسكندرية ) ولا صعب الاقيها ولا مش موجودة خالص و كنت عايز اعرف سعرها كام لو سمحت و شكرا ....

أنا مش عارف هيا موجودة فى أسكندرية ولا مش موجودة لكن هى ذى البجاج الهندى بالضبط لآنها هندى بردوة وأحسن شوية .. اللى يفرق أن البجاج منتشر أكتر هنا فى القاهرة ... لو ملقتهاش أتكل على الله وهات البجاج ال 220 cc أفضل بكتير وثمنة فى حدود 12000 جنية .... و ال TVS 180 عاملة حوالى 10000 :10500جنية ..

والله الموفق والمستعان

[MaZaGAngeE]

اسعاره ايه ؟

[venomixus]

موضوع ممتاز

[AlsHaRkaWeY]

أنا مش عارف هيا موجودة فى أسكندرية ولا مش موجودة لكن هى ذى البجاج الهندى بالضبط لآنها هندى بردوة وأحسن شوية .. اللى يفرق أن البجاج منتشر أكتر هنا فى القاهرة ... لو ملقتهاش أتكل على الله وهات البجاج ال 220 cc أفضل بكتير وثمنة فى حدود 12000 جنية .... و ال TVS 180 عاملة حوالى 10000 :10500جنية ..

والله الموفق والمستعان

:
الف شكر يا كبير بس ان شاء الله الtvs عجبنى شكلها اوى عشان شبه الريس و الف شكر مرة تانية :tumb

[el2asly]

ممكن من فضلك عنوان التوكيل و رقم التليفون وأيام العمل

[احمد صلاح الدي]

بفضل اللة واعوذ باللة من كلمة انا معاى ورشة بتاعتى وشغال فى المكن الصيينى والهندى ومع خبرتى فى الشغل بقابل صناعات كويسة وصناعات مش كويسة على سبيل المثال انى الموتوسيكل البنليى اسوء موتوسيكل نزل مصر بجد مش كلام

[احمد صلاح الدي]

بجد اى حد عايز استفسار فى اى نوع ماكنة يكلمنى ودة لوجة الله ودة رقم موبيلى 01288227516