استفسار عن احسن بايك لمبتديء

[Hasan_EGT]

السلام عليكم . انا عارف اني متقل على رجالة المنتدى بعد ما خلاص كنت هاجيب عربية صغيرة بمبلغ 15000 لغيت الفكرة بعد ما الفلوس بقت معايا عشان انا من السويس والسويس بقت زحمة وحاجة تقرف والصراحة انا باحب المتوسيكلات مع اني ماسقتش قبل كدة. المهم انا على طول رايح جاي جوا البلد وبسافر برده كل شوية راس سدر في سينا حوالي 80 كيلو من البيت بالكتير والقاهرة حوالي 130 كيلو فانا محتار بين هوندا ستيد و هوندا cb400 وعايز حاجة بحدود 15000 ترشحولي ايه؟؟؟؟؟؟؟؟؟ ومعلش سؤال واحد صاحبي قالي بلاش الاستيد عشان شبه الصيني مع اني مش حاسس انه شبهه بس هو فعلا في ناس بتحسبه صيني ؟؟؟؟؟؟؟؟؟؟؟؟معلش انا بارخم كتير عليكم بس ماليش حد اساله غيركو

[abdulkhaleq]

شوف ياسيدي:
1- المبلغ للأسف مش هيكفي الاستيد او ال cb4
2- ده كاستم وده الى حد ما ريس شوف انت عايز ايه الأول :)
3-موضوع السفر ده لو كل يوم هيتعبك قوي لو كل اسبوع مثلا عادي مافيش مشاكل ان شاء الله
4- الاستيد شكله مميز مش صيني ولا حاجه الصيني بيتعرف من صوت ماتوره اصلا
5- انا شخصيا ميال للاستيد قريب ومش كل شويه عايز صيانه (العادي بس)
6- خدلك بصه كده عالاسعار لأنك هتزود على ال 15 دول

[checo4lamor]

ولله يا باشا ان سمعت ان فيه cbr تقريبا ب 15700 فى احد الاخوة كان كاتب رد فى موضوع بيكلم على الموضوع ده فا لو كده اكيد cbr 250 زيرو هيكون جميل اوى يعنى لان فعلا الاستيد اغلى من ال 1500 بكتير يعنى عاوزلك تقريبا بتاع 25 على الاقل على ما اظن و يارب حد يديك افادة اكتر

[Hasan_EGT]

الف شكر على الرد يا استاذ عبد الخالق بص حضرتك هو السفر مش كل يوم ممكن مرة او مرتين في الاسبوع. لو انا هازود على ال 15 الف دول المفروض ازود كام ؟؟؟؟
بص يا استاذ شيكو مافيش cbr250 جديد ب 15700 الجديد منه عامل حوالي 35000 ممكن يكون قصدك على الاستيراد. عامة انا حاسس ان الريس مشاكله ككتير وقعدته متعبة ولو فعلا مشاكله مش كتير يبقا ال400 افضل ومشاكله اقل على ما سمعت فا ياريت بردو حد يجاوبني على الريس ايه رايكو فيه وفعلا مشاكله كتير والا لا.. والف شكر على الرد يا رجالة

[abdulkhaleq]

العفو ياباشا
بص انت عايز مبلغ (حوالي) 23 ممكن يزيد او ينقص حبه
طبعا ده على افتراض ان الحاله كويسه
بالنسبه للسفر ان شاء الله مافيش مشاكل بس ماتنساش الصيانه :)

وعلى فكره ال cb4 يعتبر ريس هو naked bike وهو حلو على فكره بس مش زي الكاستم (اللي هو هنا الاستيد)
فانت براحتك عايز تجري هات ال cb4 مش عايز تجري وكده يبقى الاستيد

[Hasan_EGT]

المبلغ ده مش معايا حاليا انا عامة باتكلم على حاجة معلقة نمر مش استيراد.. طيب في حدود 15 او 16 الف ايه احسن حاجة ممكن اجيبها ؟؟؟؟؟؟؟؟؟؟

[samkmok]

الاستيد يعمل من 15 لي 20 ده 400 و ال 600 من 20 ل 28 علي حسب خبرتي بس ممين تجيب ستيد ب 17 وتكون حالته ممتازه

[Hasan_EGT]

الف شكر يا رجاله على الردود بجد

[Hasan_EGT]

معلش يا رجالة انا الحمد لله قدرت ازود المبلغ ل 19 الف في حاجة غير الاستيد وال cb4 ؟ في الرينج ده والا هم دول بس ؟؟؟؟؟؟؟؟؟؟؟؟؟؟