أستفسار سريع

[m_abdelrahman]

السلام عليكم
أنا أتفقت مع واحد هيشتري الأسكوتر بتاعي بس مش عارف إيه الأجراءات المطلوبة مني.
الرخصة بأسمي و هتنتهي كمان 8 شهور.
ياريت حد يفهمني الأجراءات من أولها لأخرها.
و هل ينفع أعملها لوحدي و لا لازم البائع و المشتري يكونوا موجودين؟؟؟
برجاء سرعة الرد عشان المفروض هنكمل الاجراءات بكرة

[mous6fa]

إتمام البيع هيكون حسب مزاج المشتري بطريقتين :
أول طريقة : توكيل ف الشهر العقاري (( لا يشترط وجود المشتري معاك )).. طالما الرخصة سارية يبقى هتروح الشهر العقاري اللى انتا تابع له ومعاك صورة بطاقتك وصورة بطاقة المشتري وصورة رخصة الاسكوتر وتعمل للمشتري توكيل بالادارة والبيع للنفس والغير والتعامل مع المرور .. هو التوكيل عموما بيكون شامل لكل التعاملات دي .. والتكلفة تقريبا 10 جنيه على ما أعتقد ..
تاني طريقة : عقد بيع مسجل ((يشترط وجود المشتري معاك )) .. بيتحمل تكلفته المشتري وبتتقدر القيمة حسب سنة موديل الاسكوتر .. انا الموتوسيكل بتاعي مو 2012 و 150 سي سي وكان العقد تكلفته 370 جنيه !!! طبعا كتير بالنسبة لموتوسيكل ... بس فايدة عقد البيع ان المشتري بينقل ملكية الاسكوتر لنفسه بحيث ينقل ملفه للمرور التابع له ويرخص بلوحات جديدة وكده ..
فى جميع الحالات إنتا بيكون معاك صورة بطاقتك وصورة الرخصة وبتطلع ع الشهر العقاري والإجراءات كلها هتعرفها هناك ..

[m_abdelrahman]

طيب مفيش أي حاجة بتتعمل في المرور؟؟؟؟؟
يعني هو الشهر العقاري بس؟؟؟

[mous6fa]

طيب مفيش أي حاجة بتتعمل في المرور؟؟؟؟؟
يعني هو الشهر العقاري بس؟؟؟

بالظبط كده .. الموضوع كله هيتم ف مكتب الشهر العقاري اللى حضرتك تابع ليه فقط ومش محتاج المرور ف أي شىء ..

[MohssenRashed]

إتمام البيع هيكون حسب مزاج المشتري بطريقتين :
أول طريقة : توكيل ف الشهر العقاري (( لا يشترط وجود المشتري معاك )).. طالما الرخصة سارية يبقى هتروح الشهر العقاري اللى انتا تابع له ومعاك صورة بطاقتك وصورة بطاقة المشتري وصورة رخصة الاسكوتر وتعمل للمشتري توكيل بالادارة والبيع للنفس والغير والتعامل مع المرور .. هو التوكيل عموما بيكون شامل لكل التعاملات دي .. والتكلفة تقريبا 10 جنيه على ما أعتقد ..
تاني طريقة : عقد بيع مسجل ((يشترط وجود المشتري معاك )) .. بيتحمل تكلفته المشتري وبتتقدر القيمة حسب سنة موديل الاسكوتر .. انا الموتوسيكل بتاعي مو 2012 و 150 سي سي وكان العقد تكلفته 370 جنيه !!! طبعا كتير بالنسبة لموتوسيكل ... بس فايدة عقد البيع ان المشتري بينقل ملكية الاسكوتر لنفسه بحيث ينقل ملفه للمرور التابع له ويرخص بلوحات جديدة وكده ..
فى جميع الحالات إنتا بيكون معاك صورة بطاقتك وصورة الرخصة وبتطلع ع الشهر العقاري والإجراءات كلها هتعرفها هناك ..

+111111111111111

بس لو الرخصة مؤقته (الكرتون) يبقى هتحتاج شهاده بيانات موجهه للشهر العقاري

[mohm82]

شهادة المخلفات !!