ارجو ان تنصحوني اي نوع من هذه الانواع افضل

[thecareep]

السلام عليكم ورحمة الله وبركاته

انا جديد ومبتدأ واريد ان اشتري دراجة نارية لكن محتار بين هذه الانواع :

Harley Davidson

Honda VTX

Suzuki Intruder

ارجو ان تنصحوني اي نوع من هذه الانواع افضل مع الاخذ بعين الاعتبار
( امنة بالطريق - قلة الصيانة - راحة الركوب - القوة والصبر )

[MohssenRashed]

اكيد Harley Davidson

[tito29]

أنا معايا vtx 1800 و أقدر أفيدك فيه كويس

الهوندا قليل الأعطال جدا و بالذات لو أنت شاريه بحالة ممتازة
الموتوسيكل ثابت جدا علي الطريق و الفرامل أكتر من رائعة لأنها cbs يعني لما تدوس فرامل أمامي يقوم الموتوسيكل مشغل 60% من قوة الفرملة أمام و 40% خلفي و كذلك العكس صحيح.
طبعا الموتوسيكل أنجكشن يعني ممتاز في أستهلاك البنزين و مش محتاج أي ضبط مجرد أنك تنظف فلتر الهواء و تغيير البوجيهات و شكرا
أما العيوب الغلسة هي الوزن و صعوبة المناورة في الشوارع الزحمة و طبعا يعتبر الأداء ضعيف علي 1800 سي سي . بس تأخد صوت شكمان خرافي (أنا مركب شكمان كوبرا و فلتر هواء كي أند أن).
الهارلي علي العكس تماما يعني كثير الأعطال و طبعا كربيراتير و كمان تبريد هواء (من غير ريدياتير) بس فيه الأميركان ستايل و الجماعة بتوع التوكيل بيدلعوك أخر دلع يعني رحلات و حفلات و أجتماعات و كل ده لتشجيع المبيعات بتاعة موتوسيكلهم بالرغم من تواضع تكنولوجيته و كثرة عيوبه و مشاكله.
لذا لا أنصحك نهائيا بالهارلي الا لو أنت مليونير و مستعد تدفع فوق ال100 ألف في موتوسيكل يطلع روحك و هو زيرو و بعد كده تبيعه بأقل من نصف سعره.
السوزوكي عموما كويس بس مش منتشر في مصر ماعدا موديل البوليفار و ده برضه ليه عيوبه و مميزاته.

قصدي في النهاية أن كل موتوسيكل له عيوبه و مميزاته.
أعمل بحث علي جوجل عن كل موتوسيكل منهم و أقرأ جيدا قبل الشراء و أعرف العيوب و شوف هل حاتقدر تعيش بيها و لا لأ.

[thecareep]

اشكركم على ردودكم

لكن ياعم تيتو انت بتقول ان فيه شوية غلاسة :
"العيوب الغلسة هي الوزن و صعوبة المناورة في الشوارع الزحمة و طبعا يعتبر الأداء ضعيف علي 1800 سي سي "

انا اعرف مثلا ان البوليفارد 1800 سي سي لديه عزم قوي جدا يمكنه من سرعة المناورة في الشوارع الزحمة

[alfath8]

انا شايف ان الاقامة السعودية
انت سعودى ام مصرى مقيم فى السعودية

[thecareep]

انا سعودي وعايش بالسعودية

[alfath8]

انا سعودي وعايش بالسعودية

اهلا بيك معانا
عايش فين فى السعودية
والطرق عندكم غير عندنا خالص
بلاش هارلى خليك فى سوزوزكى او هوندا
والسوزوكى فى السعودية ليه انتشار اكبر
هل ليه وكيل هناك زى هوندا كدا ؟

[tito29]

اشكركم على ردودكم

لكن ياعم تيتو انت بتقول ان فيه شوية غلاسة :
"العيوب الغلسة هي الوزن و صعوبة المناورة في الشوارع الزحمة و طبعا يعتبر الأداء ضعيف علي 1800 سي سي "

انا اعرف مثلا ان البوليفارد 1800 سي سي لديه عزم قوي جدا يمكنه من سرعة المناورة في الشوارع الزحمة

شوارع مصر ليس لها مثيل أبدا يعني العربيات لا تترك مساحة بينهم حتي أنك تخش بالموتوسيكل فيبقي الحل أنك تقف و تفضل ساند الموتوسيكل برجلك و مع الوزن الثقيل أكيد رجلك حتعمل عضلات 100%.

العزم أو Torque حاجة و السرعة حاجة تانية خالص يعني تبقي راكب 1800 و واحد تاني راكب 900 (ولا حتي 600) و يطلع منك علي أي سرعة و يختفي من أمامك تماما. عموما ال1800 عزمه قوي جدا يعني تأخذ منه تسارع لطيف علي أر بي أم منخفض مع موتور طويل العمر لكن سرعة عالية أشك في ذلك.
أما البوليفارد فالسرعة أفضل شوية من الهوندا لكن معروف عنه مشاكل ورق الدبرياج و عموما أنا مش بحب السوزوكي من أصله.
ميزة الهوندا الحقيقية هي قلة الأعطال مع أداء معقول و تكنولوجيا متقدمة. أما الهارلي فأنسي موضوع التكنولوجيا ده خالص (بأستثناء موديل واحد بس هو الفي رود).

[Hobgoblin]

Honda CB1100 if available in KSA

Honda Worldwide | CB1100

[thecareep]

اهلا بيك معانا
عايش فين فى السعودية
والطرق عندكم غير عندنا خالص
بلاش هارلى خليك فى سوزوزكى او هوندا
والسوزوكى فى السعودية ليه انتشار اكبر
هل ليه وكيل هناك زى هوندا كدا ؟

اشكرك اخ alfath8
انا موجود بالعاصمة الرياض وهي زحمة والطرق لابأس بها المشكلة الخقيقية بصغار السن قيادتهم للسيارات متهورة جدا.

انا صراحة من محبين الصناعة الياباني لجمالها وعندنا اتوقع 4 وكلاء لها :
- شركة عبدالله هاشم المحدودة (HONDA)
- شركة صالح باريان المحدودة (SUZUKI)
- شركة الرسـام (Yamaha)
- الوكـالة العربية للسيارات (Kawasaki)

[thecareep]

Honda CB1100 if available in KSA

Honda Worldwide | CB1100

I do not know if its here or no
but the shape not good

Thanks

[thecareep]

شوارع مصر ليس لها مثيل أبدا يعني العربيات لا تترك مساحة بينهم حتي أنك تخش بالموتوسيكل فيبقي الحل أنك تقف و تفضل ساند الموتوسيكل برجلك و مع الوزن الثقيل أكيد رجلك حتعمل عضلات 100%.

العزم أو torque حاجة و السرعة حاجة تانية خالص يعني تبقي راكب 1800 و واحد تاني راكب 900 (ولا حتي 600) و يطلع منك علي أي سرعة و يختفي من أمامك تماما. عموما ال1800 عزمه قوي جدا يعني تأخذ منه تسارع لطيف علي أر بي أم منخفض مع موتور طويل العمر لكن سرعة عالية أشك في ذلك.
أما البوليفارد فالسرعة أفضل شوية من الهوندا لكن معروف عنه مشاكل ورق الدبرياج و عموما أنا مش بحب السوزوكي من أصله.
ميزة الهوندا الحقيقية هي قلة الأعطال مع أداء معقول و تكنولوجيا متقدمة. أما الهارلي فأنسي موضوع التكنولوجيا ده خالص (بأستثناء موديل واحد بس هو الفي رود).

اشكرك على التوضيح لكن ماهو "" ورق الدبرياج "" ومتى يغير؟ وكم اسعاره ؟

[aliabdo]

من وجهة نظري انسب حاجه فى مصر الاستريت فيتر زى الهورنت كده و اى بيك نيكد

[mahgary]

بما انك لسه بتداء فى البيك طيب ما تخليك فى vtx 1300 c وبعد كده ممكن تغير لى vtx 1800