جديد و محتاج شوية اجابات

[kareem_eg]

السلام عليكم ..
انا ان شاء الله ناوي اجيب موتوسيكل عشان استعمله 5 ايام في الاسبوع (ان شاء الله ) .. تقريبا كل يوم 40 كيلو .. عندي كذه استفسار و اتمني انكم تفيدوني

1- ايه نوع الموتوسيكل اللي ينفع للاستخدام بتاعي ؟ و في حدود 10 الاف
انا قرات في المنتدي كذه نوع بس كلها مواضيع قديمة و اتمني لو تبقي حاجة زيرو

2-هو فيه توكيل اشتري منه الموتوسيكل .. و هل بيبقي ليه صيانة في التوكيل و لا انا بشوف ميكانيكي ؟ و اي ميكانيكي عادي ولا فيه ناس للموتوسيكلات ؟

3- موضوع الركنة حيجنني ؟ ايه رايكم ؟
انا قرات ان الناس بتفصل غطا و يركنو جنب العربية .. بس برضه هل كده امان ؟

4- و ده سؤال مهم .. انا عايز اعرف مركز لتعليم السواقة في مدينة نصر ؟ انا ماظنش اني اعرف اعلم نفسي و ماعرفش حد معاه موتوسيكل
انا شفت كذه فيديو في المنتدي .. بس لما كنت بتعلم سواقة العربية .. كان الفيديوهات مهمة كحاجة اولية .. انما العملي كان اهم

5- و هو سؤال غبي شوية "باعتذر علي اللفظ " .. الموتوسيكل ممكن اطلع بيه كبري(اكتوبر مثلا ).. و انفاق و الطريق الدائري ؟؟

6- انا عارف اني لازم اجيب خوذه و البدلة (مش عارف اسمها بس اللي هي للامان ) في حاجة تاني ؟

7- ايه نظام اللجان .. اقصد يبقي ايه معايا غير الرخصة و الخوذة ؟ (مثلا في العربية حزام الامان - ممنوع الزينون كده يعني )

شكرا جدا .. و اكيد اي معلومة صغيرة حاكون شاكر جدا لو تقولوهالي حتي لو انا مسالتش عليها .

و السلام مسك الختام

[alfath8]

10 الاف يبقى بينيلى او حاجة بجاج على اد الميزاينة

[kareem_eg]

10 الاف يبقى بينيلى او حاجة بجاج على اد الميزاينة

اولا شكرا علي رد حضرتك .
و النوعين كويسين و يستحملو المشاوير ?.. انا من مدينة نصر للجيزة 5 ايام في الاسبوع .. و ياريت لو فيه حاجة احسن و بفرق بسيط تقلي عليها . ( و اتمني لو حضرتك تقلي الاسم بالكامل عشان اعرف اشوف شكله او لما اروح المعرض اسال عليه )

و اشكرك لتعبك