مشكلة ياريت حد يساعدنا فيها ضررررررررررروي واكون شاكر ليكم

[اسامة 2014]

يا جماعة أنا عندي توك توك بأكل بيه عيش

انا عارف ان المنتدي ده مفيهوش حاجة تخص التوك توك
و عارف كمان ان الناس هنا مبتحبش تسمع اسم التوك توك اصلا و بيعتبروا اصحاب التكاتك
بلطجية و شمامين , بس مش كل سواقين التكاتك زي بعض
بس زي ما قولتلكم انا بأكل بيه عيش

وانا قولت يمكن حد يساعدني هنا في المنتدي

المشكلة هي اني فكيت الطنبورة بتاعة العجل كنت بغسل تيل الفرامل
و مش واخد بالي جه ابن اخويا الصغير ضغط علي دواسة الفرامل
و الطنبورة متشالة فالتيل فتح زيادة عن اللزوم و مش عايز يرجع تاني
مع العلم ان الفرامل زيت باكم زي العربية بالظبط
فبتالي الطنبورة مش عايزة تركب وحاولت احرك ترس الرجلاش علشان التيل يرجع مكانه
مش عايز يتحرك خالص بقالي يومين مش قادر اشتغل وبدور علي حد بيفهم في الفرامل
مش لاقي فقولت اكتب المشكلة هنا يمكن حد يساعدني
و لو محتاجين صورة للطنبورة او التيل احاول ارفعلكم صورة ليها

اسف علي الاطالة وياريت حد يساعدني علشان بجد بقالي يومين مش شغال
و انا بصرف علي اسرة منه

[اسامة 2014]

انا عارف ان محدش هيساعدني ما انا لو عندي مشكلة في الالينترا ولا الكروز
كنت لقيت ناس كتير ردت بس عمتاً هي المشكلة اتحلت و الحمد لله
وملعون من يتكل علي زراع البشر

[mahmoudysf]

يا اخ اسامة متزعلش
المشكلة ان ممكن محدش عارف الرد على مشكلتك

[alfath8]

من قال لا اعرف فقد افتى

[shaddy1010]

المقروض انك تلاقى نبل عشان تاخد هوا من الفرامل فك النبل دة ( غالبا مسمار 10 ) و اضغط بايدك على الفرامل هتلاقى بستم الفرامل ريح معاك

[KHALED2010]

لا مشكله ولا حاجة ميل التوك توك على جنب هتلاقى علبه زيت باكم جمبها في مسمار هوية شويه ورجع التيل هيرجع معاك عادي واقفله تاني ودوس على الفرامل كام مره علشان تحضر زيت تاني وخلصت الشغلانه تحياتي khaled2010 to من كل