ايه رأيكم فى البايك ده

[asaadgad]

السلام عليكم و رحمة الله و بركاته

انا متابع المنتدى بقالى اسبوعين تقريبا و قريت حاجات كتير جدا و استفدت بحاجات كتير جدا فيه من اعضاءه الرائعين و دخلت عالم البايكرز و اندمجت جدا و بقيت موهوم و نفسى ف بايك

و انا من زمان اصلا كنت موهوم بالحاجات دى بس طبعا اهلى هنا مش رضيوا و قالوا خطر و و و...إلخ و اشترولى عربيه و سهيت فيها بس الدم بيحن تانى طبعا :D

دلوقتى انا قدامى كام بايك من موقع دوبيزل و ياريت تساعدونى فى اختيار واحدة منهم لانى برضو مش عندى الخبره الكافية لسه و انا والله كان لسه واحد صاحبى امبارح بيقولى فيه بايك نضيف جدا ب 2000 جنيه بس مسروق طبعا و حد الله ما بينى و بين الحرام عشان ربنا يباركلى

موتوسيكل هوندا ريس, موديل 95 .400سى سى - دراجات نارية | dubizzle مصر


ريس للبيع 250 cc - دراجات نارية | dubizzle مصر


CBR 600 For Sale model 1999 - دراجات نارية | dubizzle مصر

[asaadgad]

ايه يا جماعه معقول كل ده محدش رد طيب انا مش عندى حد تانى اسأله حتى :(

[ahmedelarabi]

رقم واحد مش بيتفتح

رقم اتنين موتوسيكل صينى اسمه فونيكس وتعبان جدااااا وعن تجربه ابعد عنه خالص

رقم 3 الموتوسيكل ده انا روحت شوفته موجود فى حدئق الفبة ولا يسوى 5 الف جنية عايز شغل فى المتور وعايز فيبر وعايز فرده وراء

[aliabdo]

بص عايز تشترى فكك من ال 250 و ال 400 و الكلام الفاضى الى عدى عليه اكتر من 20 سنه ده و اتكسر فى شوارع مصر
اقل ميزانيه تحطها عشان تركب بايك كويس 25 الف

[KHALED2010]

انت لو عايز حاجة على اد الايد وتبقى كويسه cb 400 افضل بايك صغير فى نظرى عملى جا يوقع مرة واتنين ولا تخاف على فيبر ولا حاجة فى الموتوسكل تخاف على نفسك بس

[asaadgad]

الف شكر لحضراتكم طيب دلوقتى انا قدامى هوندا 919 موديل 97 ماشيه 20 الف كيلو و حالتها زيرو و ب 34 الف دى تمام ولا غاليه و انا لسه مش فاصلت فيها ياريت افادتكم

[ahmedelarabi]

كويسها وسعارها كويس لونزلت 31 تبقى زى الفل

[asaadgad]

الف شكر لمتابعة حضرتك معايا و معلش لو فيها رخامه لانى جديد فى مجال البايكس ده تماماااااااا

دلوقتى انا قدامى موتوسيكل ريس 250 فاير ب 10 بس عامل عمرة للموتور و فيه اتنين تانيين 250 عادة حالتهم كويسه ب 11 الف

[alfath8]

اهم حاجة
نتا لو لسه جديد فى مجال السواقة بلاش تركب 919 نهائى
واوعى تجيب حاجة فى مشكلة فى موتور اقصد معمولها عمرة

[asaadgad]

طيب يا رجاله دول البايكس ال 250 عادة ياريت تشوفوهم و تقولولى رايكم
مع العلم ان اللينك رقم اتنين انا كلمت الراجل امبارح و لسه ببدأ معاه كلام قالى آخرها 11 يعنى ممكن اشد عليه شوية و احاول ارخصها اكتر ياريت آرائكم يا رجاله و اكون ممتن ليكم جدا

هوندا 250 عادة CBR للبيع - دراجات نارية | dubizzle مصر


Race 250 CBRللبيع - دراجات نارية | dubizzle مصر

http://egypt.dubizzle.com/ar/items-for-sale/motorcycles/listing/7-listings-34da87d67a7e54aa8c9b841e009c81d9/show/?back=L2FyL2l0ZW1zLWZvci1zYWxlL21vdG9yY3ljbGVzL3NlYXJjaC8_aXNfc2VhcmNoPUZhbHNlJnBhZ2U9Mg==

[asaadgad]

يارب ما اتعبكم معايا بس بجد موضوع البايكس ده واكل دماغى انا حتى بطلت اركب العربيه :d