استشاره عايز اجيب موتوسيكل يخدمنى فى المشاوير الصغيره

[hossam_elwani]

عايز اجيب موتوسيكل صينى يكون عملى للمشاوير والطلبات الصغيره

ياترى تنصحو بايه وبكام؟

[svneleven]

فكرة حلوه لكن أظن الترخيص في المرور بيكون بهدلة و زحمة أضعاف زحمة رخص العربيات.

[alfath8]

رخيص فى حدود كام

[عصام غنايم]

هات هاوجيانج 150 -5

او مقاس 5

ده ممتاز وجديد فى حدود 5 آلاف جنيه

[MohssenRashed]

بلاش موتوسيكل خليك في الاسكوتر.

شكل احسن . اسهل في السواقة (اوتوماتيك) , اماكن تخزين

[Eng_hatemfathy]

بلاش موتوسيكل خليك في الاسكوتر.

شكل احسن . اسهل في السواقة (اوتوماتيك) , اماكن تخزين

جميله قوى الصورة -هوا ده اسمه اسكوتر ولا فيزبا
بكام ده زيرو وايه مواصفاته وبلد الصنع وكام سى سى وهل سواقته سهله ولا صعبه ولو واحد مش واخد على سواقة الموتوسيكل بس كان محترف دراجات هيعرف يسوقه بسهوله ولا هيقع بيه
اصل انا فعلا امبارح كنت بقول لزاميلى انى عايز موتوسيكل بدل العربية لانى كرهت نفسى بسببها
واخر سؤال هل استخراج الرخصة ليه صعب ولا سهل والامتحان بيكون ازاى

[hossam_elwani]

رخيص فى حدود كام

فى حدود 5000 فأقل

هات هاوجيانج 150 -5

او مقاس 5

ده ممتاز وجديد فى حدود 5 آلاف جنيه

شكله ايه ؟؟

وهل اعتمادى لانى شايف السوق غرقان ماركة حلاوه

بلاش موتوسيكل خليك في الاسكوتر.

شكل احسن . اسهل في السواقة (اوتوماتيك) , اماكن تخزين

السعر ؟؟

جميله قوى الصورة -هوا ده اسمه اسكوتر ولا فيزبا
بكام ده زيرو وايه مواصفاته وبلد الصنع وكام سى سى وهل سواقته سهله ولا صعبه ولو واحد مش واخد على سواقة الموتوسيكل بس كان محترف دراجات هيعرف يسوقه بسهوله ولا هيقع بيه
اصل انا فعلا امبارح كنت بقول لزاميلى انى عايز موتوسيكل بدل العربية لانى كرهت نفسى بسببها
واخر سؤال هل استخراج الرخصة ليه صعب ولا سهل والامتحان بيكون ازاى

الزحمه فعلا بقت تقرف

ولازم حاجه للمشاوير الصغيره مش عيب


متضامن فى الاسئله

[MohssenRashed]

جميله قوى الصورة -هوا ده اسمه اسكوتر ولا فيزبا
بكام ده زيرو وايه مواصفاته وبلد الصنع وكام سى سى وهل سواقته سهله ولا صعبه ولو واحد مش واخد على سواقة الموتوسيكل بس كان محترف دراجات هيعرف يسوقه بسهوله ولا هيقع بيه
اصل انا فعلا امبارح كنت بقول لزاميلى انى عايز موتوسيكل بدل العربية لانى كرهت نفسى بسببها
واخر سؤال هل استخراج الرخصة ليه صعب ولا سهل والامتحان بيكون ازاى

الفيزبا نوع من الاسكوترات لكن الصح اسكوتر

زيرو بيبدأ من 7600 جنية لحد 90 الف

السعر ؟؟

طالما من اسكندرية يبقى اسكوتر

السعر يبدأ من 7600 بس حاجة محترمة SYM Fiddle 2 روح عند الحضري في الازريطة ورا معرض كوتة و هو هيوريك كل الانواع و الاشكال

[Eng_hatemfathy]

الفيزبا نوع من الاسكوترات لكن الصح اسكوتر

زيرو بيبدأ من 7600 جنية لحد 90 الف




طالما من اسكندرية يبقى اسكوتر

السعر يبدأ من 7600 بس حاجة محترمة sym fiddle 2 روح عند الحضري في الازريطة ورا معرض كوتة و هو هيوريك كل الانواع و الاشكال

طب معلش ازاى اقدر افهم الرينج ده ده كأن حضرتك بتقولى العربيات بيبدأ سعرها من 50 الف جنيه ل 500 الف جنيه
انا صفر فى الموتيسيكلات ومعنديش معلومات غير عن البيادجو والباجاج والريس بسيط كواساكى وهوندا
فيا ريت تتعب معانا وتقولنا الرينج الواسع ده يتصنف ازاى وايه يناسب مسافات متوسطة زى 7 كيلو رايح و10 راجع لانى بفكر اروح بيه شغلى علشان اوفر شوية واقلل نسب الحوادث وطبعا الغى التأمين

[MohssenRashed]

طب معلش ازاى اقدر افهم الرينج ده ده كأن حضرتك بتقولى العربيات بيبدأ سعرها من 50 الف جنيه ل 500 الف جنيه
انا صفر فى الموتيسيكلات ومعنديش معلومات غير عن البيادجو والباجاج والريس بسيط كواساكى وهوندا
فيا ريت تتعب معانا وتقولنا الرينج الواسع ده يتصنف ازاى وايه يناسب مسافات متوسطة زى 7 كيلو رايح و10 راجع لانى بفكر اروح بيه شغلى علشان اوفر شوية واقلل نسب الحوادث وطبعا الغى التأمين

اقولك ياباشا :)

مبدئيا كل الاسكوترات اوتوماتيك

تبدأ من 50 سي سي لحد 800 سي سي

الاسعار في مصر و احسن ماركة لحد دلوقتي و متجربة و مفيش مشاكل هي SYM و دي ماركة تايواني و ليها مصنع في الصين و التوكيل في مصر حلاوة.

150 سي سي و ده المنتشر بيبدأ من 7600 جنية لحد 9200 جنية

200 سي سي 20 الف
300 سي سي 30 الف
400 سي سي 37 الف

في طبعا ماركات تانية كتير يباني و ايطالي و طبعا اسعار اغلى من كده كتير

سعر ال 90 الف جنية ده لل BMW

ياريت تأخد لفة في القسم هتلاقي مواضيع للأسكوترات بالأسعار و المواصفات


مسافة 7 كيلو ... تجيب حاجة 150 سي سي

SYM Fiddle 2 سعر 7600 جنية
SYM Jet 4 سعر 8500 جنية
SYM Symphony سعر 9200 جنية

ال 5 لتر تمشيك تقريبا 100 كم

[MohssenRashed]

رجاء ي شباب اللي ناوي يجيب اسكوتر او موتوسيكل يهتم شوية بالسيفتي على الاقل الخوذة و الجوانتي يكونو نوع محترم و الخوذد DOT Certified

الموضوع مهم جدااااااااااااا و السيفتي بيشيل كتير بعد ستر ربنا طبعا.

[hossam_elwani]

الفيزبا نوع من الاسكوترات لكن الصح اسكوتر

زيرو بيبدأ من 7600 جنية لحد 90 الف




طالما من اسكندرية يبقى اسكوتر

السعر يبدأ من 7600 بس حاجة محترمة sym fiddle 2 روح عند الحضري في الازريطة ورا معرض كوتة و هو هيوريك كل الانواع و الاشكال

شكرا جزيلا على المعلومه

بس ده صينى صح ؟؟

قطع غياره متوفره؟؟

كام بستم كام حصان اللتر بيمشيك قد ايه ؟؟ مواصفاته من باب العلم المبدئى

[MohssenRashed]

شكرا جزيلا على المعلومه

بس ده صينى صح ؟؟

قطع غياره متوفره؟؟

كام بستم كام حصان اللتر بيمشيك قد ايه ؟؟ مواصفاته من باب العلم المبدئى

تايواني تقفيل صيني و انا شفت بنفسي الموتور و الجير بوكس مكتوب عليهم Made in Taiwan

قطع الغيار متوفرة من اصغر جزء لأكبر جزء و اسعار رخيصة جدااااا

بستم واحد و ال 5 لتر يعملو 100 كم

SYM：Engine of Life

[aw2100]

رجاء ي شباب اللي ناوي يجيب اسكوتر او موتوسيكل يهتم شوية بالسيفتي على الاقل الخوذة و الجوانتي يكونو نوع محترم و الخوذد DOT Certified

الموضوع مهم جدااااااااااااا و السيفتي بيشيل كتير بعد ستر ربنا طبعا.

علشان موضوع الأمان ده انا شايف انك تشترى توكتوك افضل او فية عربية ب3 عجلات شوفتها فى معرض شبة الصورة دى انا شايف انها أمان اكتر من الموتوسيكل اقله انت راكب داخل شاسية مش فى الشارع وتحميك من ميه الشتاء وبراحتك !!

[MohssenRashed]

علشان موضوع الأمان ده انا شايف انك تشترى توكتوك افضل او فية عربية ب3 عجلات شوفتها فى معرض شبة الصورة دى انا شايف انها أمان اكتر من الموتوسيكل اقله انت راكب داخل شاسية مش فى الشارع وتحميك من ميه الشتاء وبراحتك !!

لأ طبعا لانك كده مستفدتش بميزة الاسكوتر انة صغير و مفيد في الزحمة.