البينيللى ولا الفالكون؟

[abusalah]

مساء الخير يا رجالة.
انا معايا سكوتر هوندا ايليت من سنتين، و بفكر اشترى موتوسيكل. وبما انى ما بحبش اتعامل مع المستعمل لقلة الخبرة بالامور التقنية والميكانيكا، وﻷن المستعمل فى حدود ميزانيتى بقاله 20 سنة بيبرم فى الشوارع لحد ما خرب، كانت الموتوسيكلات البينيللى اختيار مناسب.
انا كنت بفكر فى التريللا البينيللى ال 150، صغيرة فهتتحرك كويس فى الزحمة ورخيصة فى حدود 7 أو 8 آلاف، والتريللا مناسبة لطبيعة الشوارع فى القاهرة.

لكن امبارح شفت موتوسيكل صينى اسمه فالكون زنجشن. 200 سى سى، ستريت بس الفيبر شبه التريللا شوية،
سعره 12 ألف، شكله حلو ومناسب لاستخدامى. بس عمرى ما سمعت عنه ولا شفته فى الشارع.
هو فرق السعر بينه وبين البينيللى كبير بس لو كويس ممكن الواحد يقايس وجيبه.

السؤال بعد هذه المقدمة الطويلة، حد سمع عن الفالكون او الزنجشن دة؟ وايه رأيكم فيه؟ وهل فى أى نصايح بالنسبة للتريللا البينيللى؟
عذرا للاطالة وشكرا مقدما.

[ahmed salah90]

انا الصراحه ما ليش في الموتسيكلات بس حبيت ادخل علشان الاسماء الغريبه اللي مكتوبه بس الصراحه 12 الف اركب بيهم عربيه و ابقى بين صاج امان يعني لو حتى فيات 128 ليك و للعيله كمان امان و ربنا يسترها معاك

[abusalah]

انا الصراحه ما ليش في الموتسيكلات بس حبيت ادخل علشان الاسماء الغريبه اللي مكتوبه بس الصراحه 12 الف اركب بيهم عربيه و ابقى بين صاج امان يعني لو حتى فيات 128 ليك و للعيله كمان امان و ربنا يسترها معاك

شكرا لنصيحتك يابو صلاح. بس الشوارع ماعادتش ناقصة عربيات خلاص. "المكن قادم" :)

[ahmed salah90]

ربنا يسترها معاك بس بجد افتكر نفسك كده و انت راكب المكنه بتاعتك و الجو برد و بين انت راكب العربيه و قاعد و قافل الزجاج و جوه العربيه لامطره ولا برد تحمل فيها 4 و معاك شنطه علشان احتياجاتك و كده عموما صلي صلاه استخاره و ربنا معاك انت لو اشتريت عربيه هتتعبك في الاول اعقبال ما تظبطها و بعدين هترتاح سفر صغير مشاوير طويله موش ليك لواحدك لا انت و العيله و عموما فرصه سعيده

[Abdm]

موضوع العربية دة موضوع كبير . وصاحب فكرة العربية بالظروف الللى بيتكلم عليها فى غاية الصعوبة . المستعمل بالسعر دة يغور ولا تشترية لآنة هيتصرف علية مش أقل من 5 أو 6 ألاف جنية علشان تبقى أسمها عربية وتركبها يبقى دخلت فى مبلغ 17 أو 18 ألف جنية غير أستهلاك البنزين الزائد والزحام . والتعامل مع الصنايعية المستمر اللى هيطلعوا عينك ..

الراجل عايز مكنة فى حدود 12 ألف وزيرو كمان يعنى مش هيصرف مليم غير البنزين اللى لا يقارن بأستهلاك العربية . وعايز يشترى دماغة .

اللى عايز عربية يشترى جديد تقسيط أو كاش حسب مقدرتة علشان يريح دماغة .. واللى معاة عربية بيركنها فى الجراج ويركب أما مواصلات أو متوسيكل علشان الزحام والمشاكل والبنزين .

أنا أو غيرى السيارة لينا أستخدام عائلى فقط و طبعا ممكن فردى فى أوقات قليلة قوى ذى يوم برد ثلج أو مطرة وهذا لا يتكرر كثير وممكن أستبدالة بالمواصلات .

لو مشوارك بعيد يعنى أكتر من 40 كيلو والطريق خطر على الموتوسيكل . أشترى عربية زيرو تقسيط . لكن المستعمل بيشترية الآغنياء فقط .

وربنا يستر طريقنا جميعا يا رب

[Abdm]

أنصحك بالبجاج الهندى 180 أو 200

[J A G U A R]

انا الصراحه ما ليش في الموتسيكلات بس حبيت ادخل علشان الاسماء الغريبه اللي مكتوبه بس الصراحه 12 الف اركب بيهم عربيه و ابقى بين صاج امان يعني لو حتى فيات 128 ليك و للعيله كمان امان و ربنا يسترها معاك

+111

[abusalah]

متشكرين يا رجالة على اقتراحاتكم، لكن انا زى ما كتبت ماشى بسكوتر هوندا ايليت بقالى سنتين واتعودت خلاص ومبحبش اركب عربيات اصلا :)
وعموما انا صرفت نظر عن الفالكون ال 200 عشان مشفتهاش فى الشارع ومسمعتش عنها حاجة فمش هخاطر ب 12 الف. اعتقد انى ممكن اجيب التريلا البينيلى بس لسة بحاول اجمع اى معلومات من حد جربها، هى ب 7800 ربنا يستر بس وماتطلعش صغيرة عليا عشان انا طويل حبتين.
البجاج الواحد سمع عنها كلام كويس برضه يا استاذ عبد الحى وربنا يقدم اللى فيه الخير