استفسار عن طريقة القياده

[Adel.Nasr]

لو سمحتوا يا رجاله كنت عايز اعرف انا معايا بجاج 220 و اوقات ببقى ماشي على سرعه 120 و بيبقى في مطب او ملف بعد كيلو مثلا السؤال لو عايز اهدي السرعه اعمل ايه؟ انا بسيب البنزين مره واحده و في نفس الوقت بمسك الدبرياج بس ساعات المكنه بتفصل و افضل ادوس مارش عشان تشتغل تاني . ايه افضل طريقه لتهدية السرعه من غير تأثير علي المكنه

[Adel.Nasr]

معقول سؤالي صعب كده؟

[J A G U A R]

خف شويه من البنزين تدريجى ولما المطب يقرب دوس دبرياج ومور

[Abdm]

لو سمحتوا يا رجاله كنت عايز اعرف انا معايا بجاج 220 و اوقات ببقى ماشي على سرعه 120 و بيبقى في مطب او ملف بعد كيلو مثلا السؤال لو عايز اهدي السرعه اعمل ايه؟ انا بسيب البنزين مره واحده و في نفس الوقت بمسك الدبرياج بس ساعات المكنه بتفصل و افضل ادوس مارش عشان تشتغل تاني . ايه افضل طريقه لتهدية السرعه من غير تأثير علي المكنه

فصل المكنة بعد ما تضغط دبرياج دة فى حد ذاتة مش عيب قيادة . دة عيب فى ضبط نسبة الهواء والبنزين . فى مشكلة فى نسبة خلط البنزين مع الهواء . دية مشكلة قبلتنى كتير وهو دة السبب .. روح للميكانيكى وقول لة يضبط نسبة خليط الهواء مع البنزين علشان المكنة بتفصل لما أضغط دبرياج كتير .. وربنا يوفقك ويسترها معانا جميعا

[Adel.Nasr]

شكرا للرد يا رجاله معلش هتعبكوا معايا . هل ممكن اضبط نسبة الخلط دي بنفسي عشان انا في الصعيد و كل الميكانيكيه عندنا بيشتغلوا في الصيني تاني حاجه الكاربيراتير اللي عندي مختلف عن الموجود في الصيني

[Abdm]

نسبة الخلط ممكن الميكانيكى اللى بيشتغل فى الصينى يعملها لك وهى مش هتختلف عن الهندى كتظبيط ميكانيكا .أنت لواحدك مش هتعرف وممكن تخليها بدل ما توفر بنزين بالعكس تخليها تستهلك بنزين وتحرق زيت زيادة كمان .

أعطى العيش لخبازة حتى لو هيأكل نصة .. وربنا يوفقك الجميع

[Music DJ]

نضف فلتر الهوا وغير البوجية وحط بنزين 92 او 90 قبل ما تظبط الهوا وانتا ماشى لو حاجة طلعت قدامك وعاوز تقف بسرعة سيب البنزين وسيب الدبرياج هتلاقى العجلة الى ورا تقيلة معاك ومتعملش خمسات بس الله واعلم الطريقة دة مش حلوة للمكنة انتا بس فى حالة لو بتجرى وطلع قدامك حاجة وعاوز تقف بسرعة علشان لو مسكت دبرياج العجلة الى ورا بتبقى حرة وخفيفة ومع افرامل هتلاقيها خمست معاك

[Adel.Nasr]

نضف فلتر الهوا وغير البوجية وحط بنزين 92 او 90 قبل ما تظبط الهوا وانتا ماشى لو حاجة طلعت قدامك وعاوز تقف بسرعة سيب البنزين وسيب الدبرياج هتلاقى العجلة الى ورا تقيلة معاك ومتعملش خمسات بس الله واعلم الطريقة دة مش حلوة للمكنة انتا بس فى حالة لو بتجرى وطلع قدامك حاجة وعاوز تقف بسرعة علشان لو مسكت دبرياج العجلة الى ورا بتبقى حرة وخفيفة ومع افرامل هتلاقيها خمست معاك

انا دايما مهتم بيها بنضف فلتر الهواء تقريبا كل اسبوع و مش بحط غير بنزين 92 و بالنسبه لموضوع اسيب البنزين مره وحده على سرعه عاليه هو دا اللي مقلقني بحس اني ممكن تتكسر حاجه جوه المكنه والله اعلم

[Music DJ]

طيب سلك الدبرياج مرخى ولا معقول وحاول تعلى السلانسية سنة بسيطة لقيت الكلام دة كلة منجحش معاك حاول تروح التوكيل او لميكانيكى بيفهم شوية يظبطلك الكربراتير موضوع السواقة دة انا مش شايف ان فية اى ضرر ومفيش حاجة ممكن تتكسر جوة الماتور ولا حاجة دة من وجة نظرى وممارسة فى السواقة بس مش انا الى بصنع الماتور علشان اقدر اقولك هيبقا فية ضرر على المدى البعيد ولا لا هيا فايدتها ان لو بتحب الجرى وكدة بتخلى المكنة ثابتة معاك وانتا بتهدى ولو فى ملف برضو بس مش مستحبة علشان بتحرق الزيت بسرعة وتخلى الموتسيكل سخن جامد وانتا لو بتعرف تستعمل الفرامل الى قدام هتقوم معاك بالواجب هتوقفك بسرعة بس خلى بالك ان هيا بتوقع بسرعة برضة

[Adel.Nasr]

طيب سلك الدبرياج مرخى ولا معقول وحاول تعلى السلانسية سنة بسيطة لقيت الكلام دة كلة منجحش معاك حاول تروح التوكيل او لميكانيكى بيفهم شوية يظبطلك الكربراتير موضوع السواقة دة انا مش شايف ان فية اى ضرر ومفيش حاجة ممكن تتكسر جوة الماتور ولا حاجة دة من وجة نظرى وممارسة فى السواقة بس مش انا الى بصنع الماتور علشان اقدر اقولك هيبقا فية ضرر على المدى البعيد ولا لا هيا فايدتها ان لو بتحب الجرى وكدة بتخلى المكنة ثابتة معاك وانتا بتهدى ولو فى ملف برضو بس مش مستحبة علشان بتحرق الزيت بسرعة وتخلى الموتسيكل سخن جامد وانتا لو بتعرف تستعمل الفرامل الى قدام هتقوم معاك بالواجب هتوقفك بسرعة بس خلى بالك ان هيا بتوقع بسرعة برضة

تمام حضرتك لما عليت السلانسيه مش بتفصل شكرا للمساعده