إعـــــــلان

Collapse

.

,
See more
See less

500 كيلو مع هانكو 150

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    500 كيلو مع هانكو 150

    أخيرا عملتها و جبت الموتوسيكل .....
    كان نفسي اجيب الباجاج البوكسر بس لما سالت عليه قاللي ب 6700 و رحت تاني يوم لقيته زاد وبقى ب 7000 و المحل مش شغال قسط ...
    رحت محل تاني بتاع واحد معرفة لقيت عنده الهانكو 150 ب 5600
    دفعت 1500 مقدم و قسط 425 على 12 شهر باجمالي 6600 جنيه ...

    المهم بقى :::
    اتعلمت السواقة عليه و بدئت اتحرك بيه من 8 ايام , الطلعة صعبة وتلخبط و لسه مش قادر اظبطها .. المشي العادي خلاص بقيت معقول فيه و مش قلقان لكن في الزحمة بتلخم و انسى الغيارات ..
    مشواري 50 كيلو رايح و زيهم راجع ... طبعا بوصل مكسر و ظهري واجعني و باخدلي بتاع نص ساعة على ارتاح من المشوار و بكون لابس فوق الهدوم بلوفر و جاكت عشان بطلع الساعة 6 الصبح و انا راجع بكون بالبلوفر بس ... طبعا بلبس نظارة شمس عشان تحمي عينيا ..
    لسه عايز اجيب خوذة و نظارة عادية عشان لما بمشي بالليل حاجات عجيبة بتخبط في وشي وعينيا ...

    مشواري كله على طريق الصعيد الشرقي و الهوا بتاع العربيات النقل تقريبا زي كرابيج المياه في حمام السباحة ... و الرملة و حاجات تانية مش عارف ايه بتخبط فيا طول الوقت بس بجاول اني مركزش ...
    الموتوسيكل وانا ماشي بحس انه بيشخلل و يزن و رحت لميكانيكي ربطلي المكنة و هشوف بكره الفرق ايه ...
    بتاخد لتر زيت موبيل ب 25 جنيه و التانك بياخد 16 ليتر تقريبا مش متاكد ..
    و المانيوال بيقول انها اقصى سرعة ليها 90 لكن الناس بتقول انهم بيمشوا 120 .. انا اقصى حاجة وصلتها 100 في منزل و الهوا كان معايا بس حسيت ان المكنة بتلعب رحت مهدي ...كمان انا اتعلمت السواقة من اسبوع بس ولازم اكون مخلي بالي و هادي في السواقة دي مش عربية فيها كابينة و اكصدام لا دي منك للارض عدل .. و ربنا يستر ..

    سبب الشرا ان العربية مع المدام في القاهرة و انا في المنيا و حتاج اتحرك في اماكن المحاجر و ايجار عربية ربع نقل بالسواق هيكلفني 250 جنيه في اليوم فقلت ان ده حل اوفر و افضل و ارخص كتير ...

    المكنة لونها رمادي عشان الاسود و الاحمر منتشرين جدا في الموقف و شغالين بالاجرة لكن الرمادي ده مش موجود خالص غير المكنة بتاعتي فهتكون مميزة ...

    لسه مراتي و والدتي و اخواتي ميعرفوش اني اشتريتها و سايبها مفاجأة ... والدتي من زمان ايام الكلية قلبت الدنيا لما كنت عايز اجيب مكنة و رفضت و السنة دي برضه مراتي كانت معترضة و شغالة تريقة عليا عشان هسيب الهندسة و اشتغل ديليفري .... لكن ظروف الشغل و الاحوال المالية جبرت الواحد يبيع العربية و مش هينفع اقضيها مواصلات ....

    طبعا دلوقتي لازم اروح ارخص المكنة بس يمكن كمان اسبوع كده و لا حاجة لما الفاتورة تيجي من الشركة و معايا مؤقتا فاتورة من المحل عشان امشي بيها .. لكن الداخلية في مناطق المحاجر بتخاف من الناس و بيقصروا الشر معاهم عشان بعض الناس في الجبل تجار سلاح و مخدرات و هاربين من احكام ...

    سمعت من ناس ان المكنة ممكن تسافر بيها مصر عادي و ان مشوار 250 كيلو مش كتير و ممكن اسافر بيها .... لكن الصراحة مش بفكر في كده خالص حاليا ..لكن هعملها قريب بعد ما ارخص ...

    الصور لما ارجع القاهرة هرفعها و هحط الكتالوج بتاعها ...
    مقدرش اقول انها اختيار ممتاز او انها افضل اختيار لاني مركبتش غيرها ... لكن انا شايف انه قرار ممتاز و اقتصادي ....
    [mshosh2]http://www.4shared.com/photo/lCkSz74F/morsee.html[/mshosh2]
    الكلمات الدلالية (Tags): 150, 500, كيلو, مع, هانكو
  • #2
    اللي مضايقني .......... مفيش مؤشر للبنزين و حاطين مؤشر للبطاريه .... هل البطارية مهمة في المكن للدرجة دي ؟
    [mshosh2]http://www.4shared.com/photo/lCkSz74F/morsee.html[/mshosh2]

    Comment

    • #3
      الف مبروك ربنا يديك خيره ويكفيك شره...
      [SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]

      Comment

      • #4
        ألف مبروك وربنا يستر طريقك وطريقنا و خلى بالك لا تضغط فرامل على مياة أو زيت أو جاز أو رمال وأنت على الآسفلت ولا تدخل فى رمال غزيرة وعدل بروفايلك و ركز قوى وأنت سايق ولا تتهور و أهدى وربنا يصلح حالنا وحالك

        Comment

        • #5
          المشاركة الأصلية كتبت بواسطة windofchange مشاهدة المشاركة
          الف مبروك ربنا يديك خيره ويكفيك شره...
          الله يبارك فيك

          المشاركة الأصلية كتبت بواسطة abdm مشاهدة المشاركة
          ألف مبروك وربنا يستر طريقك وطريقنا و خلى بالك لا تضغط فرامل على مياة أو زيت أو جاز أو رمال وأنت على الآسفلت ولا تدخل فى رمال غزيرة وعدل بروفايلك و ركز قوى وأنت سايق ولا تتهور و أهدى وربنا يصلح حالنا وحالك
          الله يخليك ... انا بمشي و انا مركز جدا و هادي مع اني من هواة السرعة بس فرق كبير بين العربيات و المكن ... و اللي مريحني ان الطريق كله طريق سفر ماعدا 3 كيلو تقريبا داخل سمالوط و مطاي همه اللي زحمة و بكون مرعوب فيهم لكن بعد اسبوع تقريبا من السواقة بقيت احسن كتير
          [mshosh2]http://www.4shared.com/photo/lCkSz74F/morsee.html[/mshosh2]

          Comment

          • #6
            stunt khaled2010 - YouTube

            طب اى رايك بعد 3 سنين سواقة
            بس فى الاول كنت سواقة الموتوسكل بالنسبة ليا حاجة مستحيلة

            http://www.youtube.com/watch?v=bW6xRSQbNeE
            [shr71=http://im67.gulfup.com/kmfq5O.jpg]cbr 600rr 2013 this is my bick[/shr71]
            لا تعتمد كثيرا على أحد فى هذه الدنيا فحتى ظلك يتخلى عنك فى الظلام

            Comment

            • #7
              انا قصدى انك تكون متفائل وماتقلقش ان شاء الله هتبقى كويس
              [shr71=http://im67.gulfup.com/kmfq5O.jpg]cbr 600rr 2013 this is my bick[/shr71]
              لا تعتمد كثيرا على أحد فى هذه الدنيا فحتى ظلك يتخلى عنك فى الظلام

              Comment

              • #8
                ربنا يباركلك فيه ويسترها معاك .. انا ضد ركوب الموتسيكلات بخاف منهم
                [SIGPIC][/SIGPIC]
                [COLOR="Magenta"][/COLOR]

                Comment

                • #9
                  المشاركة الأصلية كتبت بواسطة j a g u a r مشاهدة المشاركة
                  ربنا يباركلك فيه ويسترها معاك .. انا ضد ركوب الموتسيكلات بخاف منهم
                  مع احترامى لراكبى السيارات لو جربت ركوب الدراجات صدقنى هتغيير رايك تحياتى
                  [shr71=http://im67.gulfup.com/kmfq5O.jpg]cbr 600rr 2013 this is my bick[/shr71]
                  لا تعتمد كثيرا على أحد فى هذه الدنيا فحتى ظلك يتخلى عنك فى الظلام

                  Comment

                  • #10
                    ياعنى انت لسه بتتعلم وبتلخبط فى الطلعه والغيارات وبتجرب بيها اقثى سرعه !!!!!
                    اعقل كده وخليك حذر
                    واواعى تسافر بيها مسافات طويله
                    ميزة الموتوسيكلات الانجاز وتوفير الوقت والمال فى المشاوير الصغيرة

                    Sent from my GT-S6500D using Forum Runner
                    [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                    [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                    Comment

                    السابق template التالي
                    Working...
                    X