توكيل sym

[الكاشف]

السلام عليكم

انا كنت ناوي بأذن الله اشتري fiddle 2 بس كنت عايز اعرف شوية حاجات كده

اولا فين التوكيل بتاع Sym عشان اروح اتفرج عندهم او حتي المعرض المعتمد ليهم و الصيانة بتتعمل فين ؟ و يا ريت لو حد يقولي ازاي بنطلع رخصة موتسيكل و رخصة قيادة بتاعة موتسيكل لأن دي اول مرة ليا في الموضوع ده ؟
و شكرا :)

[الجنرال]

متابع .. ياريت حد يفيدنا

[الكاشف]

محدش عارف يا جماعة ولا ايه ؟ :d

[الكاشف]

يا رب يا مسهل الاحوال

[الجنرال]

يارب يا هادي ابعتلي رزقي من الناحية دي :d

[الكاشف]

هوا القسم دا نايم خالص كدا ليه ولا بتوع البايكس مستعرين منا :d

[الجنرال]

القسم نايم فعلا

[m7md_hany2]

في معرض قدام الرقابة الإدارية في النزهة اسمه motolife ده أنا جايب منه فيدل 2 في شهر 2 اللي فات ... شوف عنده إيه دلوقتي .. لي أنا عارفه ان مفيش sym كتير في السوق .. وده نمرته - 011155638111 اسمه احمد وعنده صيانة كمان .. قولوا انك من طرف المهندس محمد بتاع المقطم وإن شاء الله يعمل معاكم الواجب .. وشوف في هناك كذا معرض جنبه عنده scooters شوف الاسعار كلها وجيب الأحسن لك

[ahmednashaatsh]

انا النهردة سألت عن الsym scooter عند معرض احمد فهمى فى العجوزة .. قالولى اتوقف استيراده و مبقوش شغالين فية و ممكن فى بداية السنة يستوردوا تانى فى وقف من الحكومة مش منهم وقالولى شوف برده عند ناس غيرنا ولو ملقيتش فيه السكوتر الbenelli عند ابو حوا فى بولاق لسة بلنسبة ليا هاشوف موضوع الbenelli ده

[refaat78]

المشكله في قرار إلغاء الاستيراد بتاع الحكومه.. خلي مفيش بضاعة في السوق.. بس عامة شركة هامرز خدت توكيل sym وهيبتدوا يجيبوا ويبيعوا من شهر 11

[ehabhmansor]

الوكالة اتباعت و الوكيل الجديد هينزل موديلات جديدة 15 /11 ان شاء الله

[الكاشف]

ايوة انا سمعت ان fiddle 2 اتوقف و قريب هاينزل fiddle 3 فيه حاجات كتير جديدة بس المشكلة ان سعره هيغلي جامد اكيد

[refaat78]

فيه بعض التجار هتلاقي عندهم بضاعة قديمه فيدل 2..الجديد لسه هينزل فيدل 3 تجميع محلي.. وهينزل برضه فيدل 2 تجميع محلي.. ونصيحه برضه بص علي البينيللي كافيه نيرو.. افضل واقوي واكبر وموجود