المساعدة فى شراء سكوتر بالشكل دا

[محمد غنيم]

السلام عليكم ورحمة الله وبركاته
تحية لكل اعضاء المنتدى الكرام
ياجماعة بعد اذنكم اللى ليه خبرة فى موضوع الاسكوتر دا يساعدنى ربنا يكرمه
انا زهقت من ركوب المواصلات وانا رايح شغلى فاشتريت موتوسيكل صينى كويسكى
المهم انه كان مستعمل فطلع عين اللى خلفونى فى الاعطال وصوته المزعج دا غير
شكله اللى مش لطيف المهم انى قررت اشترى سكوتر على دخول 2015 علشان
الموديلات الجديدة تكون نزلت وكدا وقلت فى الفترة دى اكون بحثت فى النت وشوفت
ايه الفرق بين الموديلات وكدا وبعد بحث وتمحيص عجبنى جدا ثلاثة اشكال الشكل الاول
هو ايجوس صنى ودا شكله


والشكل التانى هو ايجوس جوج ودا شكله


والشكل الثالث هو نوع اسمه فارلى ودى اشكاله


بس بصراحة معرفتش اوصل للفروق اللى بينهم او المزايا والعيوب والاختلافات الفنية
فياريت حد محترم كدا وابن حلال يكون عارف ويدلنى على الصح وعلى خلاصة
الموضوع كله فى الاسكوترات وافضل اماكن ومعارض لبيعهم فى القاهرة او القليوبية
لانى ساكن فى القليوبية والف شكر مقدما لجميع الاعضاء اه حاجة اخيرة هل موتور الايجوس يابانى فعلاً ؟؟؟

[pioneerahmed]

اخر واحد دة معرفوش
بس الايجوس مشاكلة كتير جدا مع واحد صاحبي و قارفة جدا جدا و التوكيل بتاعة كل شوية يقولة محتاج قطعة غيار هبعت تجيبهالك
التوكيل دة في التجمع

[محمد غنيم]

الف شكر يا استاذ احمد طيب انا سمعت ان السكوتر cf jet max دا كويس ولا ايه اخباره فى ناس كتير بتشكر فيه بصراحة انا نفسى اشترى سكوتر بالشكل الرهيب دا ولا ايه رأى الخبراء وشكرا مقدماً

[pioneerahmed]

كان في عضو هنا اشتراة اول لما نزل و عمل موضوع عنة
حاول تتواصل معاة و تسالة لاني معرفش عنة كتير

[refaat78]

الجيت ماكس مويس طبعا.. ابعد عن الايجوس وعن الفاريلي.. ولو عايز نصيحه تمام ادخل علي الفيس جروب cairo scooters club