استفسار لخبراء الهوندا اللى هنا

[m.gladiator]

السلام عليكم ورحمه الله وبركاته

اولا انا اول مرة اركب موتسيكلات اخرى كان عجلة :d وانا 28 سنة مش صغير ياريت تعاملونى انى جاهل تماما ف الموتوسيكلات

جبت سي بي فور لونو نبيتي استيراد صاحبه قاعد معاه عشرين يوم حب يجيب حاجه اعلى وقال يبيعه قبل ما يرخصه

عندى بعض الاستفسارات

هو لاحظنا بعض نقرات الصدا فى تانك البنزين .. نعمل ايه؟ وايه مدى خطورتها

اما طلعنا على الطريق الصحراوى الموتوسيكل اخرو على العداد كان 110 مش بيزيد عن كده ده عيب ايه ؟ وياريت تفاصيل فى النقطة دى ضرورى وهل كده فيه حاجه فى الموتور ولا لا

الموتوسيكل انا هكون اول ترخيص ليه يعتبر اول مالك ايه رايكم فيه عموما وبكام سعرو على حاله الاستيراد كده ؟

وشويه نصايح بقا منكم عامة على نصايح للزيت وكده وكتر خيركم والله مشترك مخصوص عشان انا معجب باهتمامكم من قبل ماشترى حاجه ودى اول مشاركة ليا..

وشكرا مقدما ليكم واحد واحد

[m.gladiator]

فين الردود يا رجاله ؟

[sdeek]

الحقيقه ، الى اقدر افيدك فيه روح لواحد بتاع سمكره ودوكوا كويس هيقدر يظبطلك موضوع النقرات دا بدهان كمبيوتر محترم ولا كأن حصل فيه اى حاجه ، ودا مفهوش اى حاجه

انما موضوع السرعه اتمنى حد يفيدك فيه .

[Astro BoY]

كربراتير او فلتر هوا مسدود او بوجيهات وحشة دة بلنسبة لموضوع السحب
جرب تحرق الاءولانى يعنى تجيب اخرة ونتا راكب لوحدك المفروض يجيب معاك 60 لو كل حاجة سليمة
جرب تدى كام ريف ليمتر كدة يعنى تفصل الموتور مرتين فى 3 ثوانى مثلا لو وجرب بعد كدة جايز المكنة كانت مركونة كتير او واخدة بنزين مش نضيف قبل كدة فا مخنوقة والزيت الى انتا حاطة نوعة اية ودرجتة اية ؟