مساعدة في شراء بايك ريس

[M.Aladawy]

(السلام عليكم ورحمة الله وبركاته)

إن شاء الله يومين كده ورايح اشتري بايك ريس واحترت بين نوعين اول نوع cbr 400rr وثاني نوع kawasaki ninga 250r والسبب اللي مخليني محتار ومخنوق ان cbr400r هي الي انا عايزها بس في ناس كتير اشتكت منها ان مفيش منها جديد وكله استعمال وبيبقي طالع عينها وكل ما اسال واحد يقولي اشتري حاجة زيرو ومتركبتش قبل كده زي الkawasaki ninga 250r فبعد اذن حضراتكم كنت عاوز اعرف هو الريس مفيش منه جديد خالص في مصر ولو في الاسعار بتبقي كام وايه احسن نوع موجود في مصر وبخصوص kawasaki ninga 250r عامل كام وهل كويس ولا لا ويا ريت يا جماعة لوحد يدلني علي معرض يكون موثوق منه ارجو الرد وشكرا

[M.Aladawy]

يا ريت حد يرد

[brown-eyes]

طب ليه مافكرتش تجيب اسكوتر سواقته اسهل وشكله حلو بردو

[M.Aladawy]

شكرا يا باشا علي الرد الصراحة انا نفسي اجيب حاجة ياباني زي بتاعت السباقات الدولية لكن الاسكوتر ده بحس ان شكله مش حلو

[M.Aladawy]

يا ريت يا جماعة حد يقدر يفيدني

[M.Aladawy]

لو سمحتوا محدش يبخل عليا بالنصيحة لاني عارف ان المنتدي مليان خبراء في الريس وانا واثق فيهم ولو مش واثق مكنتش سالت فارجوا الافادة

[M.Aladawy]

معقولة محدش عنده خبره في الموضوع ده

[pepo2011]

ياباشا في ريس جديد بس غااااااالي من 70000 وانت طالع فحرام انت ممكن تلاقي حاجة نضيفة اوي واستيراد مش مشكلة مستعمل يعني وبعدين انت ميزانيتك كام؟؟؟
اصل النوعين اللي انت كاتبهم دول تعبانين اوي -- طالما هاتركب ريس يبقي الشياكة والاداء عامل مهم انا معايا Honda 600 Fire 1998 اقل من كده ماتركبش

[M.Aladawy]

شكرا يا باشا علي ردك طاب ممكن تقولي علي معرض كويس اجيب منة حاجة افراج علشان البلد دلوقت اتملت نصابين وبخصوص 600 ده مناسب ليه انا طولي تقريبا 175سم وسني 18سنة ولا افضل ابتدي ب 400 كمبتدأ والميزانية هتكون انشاء الله 30 الف جنيه

[pepo2011]

اه طبعا مناسب -- والميزانية كويسة هو بيعمل من 26000 الي 32000
الفرق ان 600 اضخم وشياكة والفير بتاعة كبير وشيك جدا والمكنة عفية اوي هاشوفلك معارض وابعتلك

[M.Aladawy]

ان الصراحة مش عارف اقولك ايه علي ذوقك واحترامك وانتا والاخ brown-eyes الوحيدين الي عبرتوني في المنتدي ده بس كان ليه سؤال بسيط عند حضرتك انتا جبت البايك بتاعتك منين ومسمعتش عن نوع اسمه cbr 600rr repsol وهل افضل ولا cbr 600rrالفاير ولو تعرف حاجة عن الريبسول ده ياريت تقولي هل منتشر عندنا هنا في مص وايه عيوبه ومميزات وسعره و شكرا ليك مرة تانية

[pepo2011]

انا اشتريتها من واحد كان جابها وماستخدمهاش ؟؟
الريبسول موجود قليل وضعيفة طالما هاتدفع فلوس يبقي بالمرة تركب حاجة شياكة واسد وفي كمان 919 او 954
بس دي هاتكون اغلي شوية من الميزانية --هو حضرتك في منطقة ايه؟؟

[M.Aladawy]

ان الصراحة مش عارف اقولك ايه علي ذوقك واحترامك وانتا والاخ brown-eyes الوحيدين الي عبرتوني في المنتدي ده بس كان ليه سؤال بسيط عند حضرتك انتا جبت البايك بتاعتك منين ومسمعتش عن نوع اسمه cbr 600rr repsol وهل افضل ولا cbr 600rrالفاير ولو تعرف حاجة عن الريبسول ده ياريت تقولي هل منتشر عندنا هنا في مص وايه عيوبه ومميزات وسعره و شكرا ليك مرة تانية

[M.Aladawy]

انا من الاسماعيلية ممكن حضرتك تقولي الريبسول 400او600 لحد 1000 عاملين كام وانتا بتفضلهم اكتر ولا اجيب المشهور اكتر زي cbr 600rr لاني الصراحة احترت في كل الانواع دي علشان انا حاليا معايا المبلغ ده وممكن يزيد كمان فعايز حاجة تعيش معايا ومزهقش منها واغيرها بعدين

[brown-eyes]

لو انت لسا مبتدئ في السواقة بلاش تجيب اكتر من ٤٠٠ هات واحد نضيف اتعلم عليه وبعد كده ممكن تغير ولو عايز رايي ٢٥٠ فير حلو بردو وسواقته سهلة ومابيسخنش انت لو مش مستعجل انا ناوي ابعت من ايطاليا واحد لخويا بس لسا كمان كام شهر