اسئلة من مبتديء

[Mohamed_3asem]

السلام عليكم

انا مبتديء في موضوع ااموتوسيكلات ده و عندي شوية اسئلة كده

انا محتاج الموتوسيكل مش عشان اسابق بيه حد ولا اجيب عربيات بيه ,
انا محتاجه عشان امشي بيه بسرعة 100 - 120 كده , يعني للاستخدام العادي مش سباقات ,
عايز اعرف ايه مناسب لي من حبث :

• اول حاجه انا عاوزه يكون زيرو
• هل 200 سي سي كفاية ولا محتاج اكثر, 400 و 600 و كده ؟
• بالنسبة للماركات, الي اعرفه ان هوندا احسن حاجة, ايه المنافسين ليه, و ايه غير الهوندا ماركات كويسه ؟
• هل الموتوسيكل الريس القعده عليه متعبة للدهر, و ايه الفرق بين الريس و العادي اصلا ؟
  
• يهمني ان يكون كرسيه مريح للدهريعني.
  
• عايز اعرف الاسعار كام بقه بالنسبه للزيرو؟
• بالنسبة لاستهلاك البنزين , انا شفت كذا حاجة التانك فيها 13-18 لتر, عاوز اعرف بيعمل كام كيلو في التفويله تقريبا
• و اكيد عايز حاجة متينة, مش تتفك و تبقى خرده بعد سنتين.
  

معلش هي اسئلة غريبه شوية بس مبتديء بقي

اخر حاجه معلش, الناس بتعمل ايه في الركنه, هل امان بتسيبه كده ولا بتربط بجنزير في عمود, و هل حد يقدر يخرب ولا يلعب في عداد ؟

شكرااااا

[CBR]

بصراحه اسئله تغيظ جدا

بس عشان من مبتدأ مش مشكله

اول حاجه محتاج موتوسيكل عشان متسبقش يعني اخرك 100 او 120
لو ميفرقش معاك موضوع انه صيني يبقى الريس الصيني مناسب ليك جدا
في نوعين واحد ب 6.500 وواحد ب 5000
الي شبه الياماها كويس بس مع الوقت بيتعب وحتغير له حجات وتهتم فيه

الهوندا كويسه في مصر عشا سوقها ماشي اكتر من التانين وطبعا العكس برا
المنافسين بعد الهوندا سوزوكي كوازاكي وياماها وفي ماركات كتير
بس دول المعروفين في مصر
بسالنسبه لسعة المحرك الياباني

في 250cc ومفيش منه زيرو ولا ال 400
ال 600 وال 1000 في منهم زيرو عايز تعرف سعرهم كلم الفطيم بيبدؤا من 70 الف
فا اكيد ده صعب عليك كا مبتدأ

وبالنسبه لقعدة الريس طبعا متعبه جدا للضهر والرجل خصوصا لو مسافه طويله
او رزعت في مطب بسرعة 100 ممكن تتقلب على قدام

والفرق بين الريس والعادي الي اسمه كاستم الي شبه الهارلي
القعده وشكل الموتوسيكل والصوت والباور احيانا

وطبعا الكاستم قعدته مريحه وكويس للزحمه اكتر
وبالنسبه للتفويله على حسب 90 ولا 92 ولا 95
وطريقة السواقه وحالة الموتوسيكل وال سي سي بتاعه

وبالنسبه للركنه عادي اركنه في مكان كويس وسيبه ولو غالي وخايف عليه ركب انزار ولوك من ورا
وطبعا بيجي معاه لوك من قدام
لاكن لو موتوسيكل قديم عادي محدش حيلعب فيه او و انت وحظك

سلام

[د.محمود صلاح]

Cbr ياباشا انت منور قسم الموتوسيكلات وايه الحلاوة دى فى الشرح ... الف شكر ليك وللناس اللى بتساعد الاعضاء هنا فى المنتدى
... بس ممكن شوية صور صغيرة الحجم للأنواع اللى ذكرتها ولو حتى تعمله فى موضوع شامل .. اصلى انا بحب الموتوسيكلات جدا وكان حلم حياتى انى امتلك موتوسيكل هوندا سباق بس ما أقدرش اركب واحد دلوقتى خايف الناس تتريق عليا !!