مطلوب نصيحه SWM او Benelli

[salam100100]

انا انشاء الله ناوى اجيب موتوسيكل او اسكوتر (زيرو او مستعمل- مانيوال او اوتوماتيك)
هيكون استخدامى ليه بسيط- للمشاوير القصيره فقط
150 او 200 س س كفايه اوى
السرعه مش مهمه- يمكن اخرى 100 كم/س
سعر اعاده البيع مش مهمه عشان مش ناوى ابيع

اهم حاجه عايزه منه انه ميقرفنيش فالصيانه وقطع الغيار- مش عايز وجع دماغ او اعطال كبيره
الصيانه هكون بعملها بنفسى (هوايه)

بردو عشان اقدر اقرب الصوره, انا كان معايا موتوسيكل كوازاكى نينجا 250 ريس وبيعته من زمان
انا عارف ان مفيش مقارنه بين الكوازاكى والموتوسيكلات الصينى لكن الميزانيه هى اللى بتحكم دلوقتى
ومش ناوى اجيب حاجه تانيه غير الصينى دلوقتى
الميزانيه اخرى 18000

تنصحوا بايه SYM او Benelli
وليه؟؟؟؟؟؟؟؟؟؟؟؟؟؟؟؟؟؟؟ الاختيار بين الماركتين دول فقط
انا من سكان المعادى- واستخدامى ليه داخل المعادى فقط- وهحاول اوجدله مكان فالجراج عشان ميتبهدلش
يارب اكون وفرت اغلب المعلومات ليكم عشان تعرفوا تنصحونى
وشكرا ليكم مقدما

[salam100100]

الحمدلله اشتريت اسكوتر

جبت زنين 250 س س
هو هو Hammers F10
الفرق ان الزنن 250 والهامرز 150

بعد البحث الكتير والمجهود والمشاوير الكتير فى مجال الموتوسيكلات الصينى اكتشفت اكتشاف فظيع وهو ان الموتوسيكلات الصينى كلها بجميع ماركاتها واشكالها اخوات
الفروقات بسيطه والاداء متقارب والعمر الافتراضلى متقارب- قطع الغيار متقاربه فالسعر

الموتوسيكلات الصينى فى حته والموتوسيكلات اليبانى فى حته تانيه

لكل اللى عايز يجيب موتوسيكل صينى - نصيحه هات اى حاجه صينى مش هتفرق كتير

ونصيحه تانيه انا كنت بفكر فال150 س س - بعد مجبت ال250 س س - اكتشفت انا كان لازم يكون 250
انا مش راضى عن اداء ال250
فبالتالى 150 كان هيكتفنى

انشاء الله هكتب تقرير عن الموتوسيكل كاداء وقطع غيار وكل اللى هعدى بيها
عشان انقل لحضراتكم الخبره اللى هكتسبها من الاسكوتر

[رامي مصطفى]

الف مبروك وربنا يباركلك فيه

[salam100100]

انشاء الله هكتب تقرير عن الاسكوتر بعد رمضان- h;,k wgpji ,a]dji a]I pg,i
جبت امبارح ورق ترخيص 3 سنين وفحص ب40 جنيه
وسحبت استماره استخراج رخصه قياده موتوسيكل ب17 جنيه

فى قناه على يوتيوب ل"HaiTHam Moto vlog" جديده لشاب اسمه هايثم بيقدم فيديوهات عن الاسكوتر مفيده
لو حد ناوى ياريت يتفرج عليه

سالت على قطع غيار الهامرز اف 10, اشهر واحد وعنده كل حاجه محل اسمه زجمار فى شارع 26 يوليو

[Colin Chapman]

https://www.youtube.com/watch?v=TAd9XwjNVro

[salam100100]

كرسى الفابريكه لونه بنى والموتوسيكل لونه اسود- فرش الكرسى ابتداء يتقطع عشان كدا قررت اعمله كسوه

كنت سمعت عن محل فالمنيل عند ميدان المماليك اسمه Pimp my Ride لاكسسوارات السيارات
رحتله عشان كسوه للكرسى دلنى على الفرع التانى بتاعه فالمنيل
فالشارع اللى قصاد ماكدونالدز اللى على نصيته خير زمان اسمه حوده حبيب

ودتله الكرسى والظهر وطلبت منه يعمله اسود (خامه المانى)
هو اقترح يعمل الخياطه ابيض- قلتله تمام

استلمته تانى يوم ودفعت 300 جنيه
هو غالى الصراحه لكن قصاد كدا شغله طلع حلو جدا والخياطه نطقت الكرسى ومعاملته كويسه جدا

[salam100100]

فى ميكانيكى موتوسيكلات بتاع sym رشحلى اروح لواحد متخصص فالهامرز فالدقى شارع مصدق

فى حد جربه؟ وياريت عنوانه بالتفصيل

[hassan GL]

اولا ألف مبروك ربنا يرزقك خيره وخير ما صًنع له ويُعيذك من شره وشر ما صنع له.

ثانيا أنا ما فهمتش تقصد ايه بموضوع ال 150 وال 250 سي سي ؟ يعني انت كنت عايز حاجة اقوى من ال 250 كمان ولا حسيت ان ال 250 كتير وكان ال 150 كافي؟!!

ثالثا يا ريت تفيدنا بخبرتك لأني مقبل ان شاء الله على التجربة ومحتاج معلومات واقعية عن تجربة. شكرا مقدما.

[khedr30000]

هو قصده انه ال ٢٥٠ طلع ضعيف برده فما بالك بال ١٥٠
يعنى ال ٢٥٠ ماطلعش قوى زى ما كان متوقع

[hassan GL]

وصلت يا باشا شكرا على التوضيح..بس في ناس معاهم ال SYM ( Joy Ride 200 cc ) بيشكروا فيه جدا، وبيقولوا انه مصمم للمسافات الطويلة والسفر..مع انه 200 سي سي بس..!!

[svneleven]

انا شايف sym مشكلته ان اشكاله كلها وحشة تحسها مش راكبه علي بعضها.

[salam100100]

انا شايف sym مشكلته ان اشكاله كلها وحشة تحسها مش راكبه علي بعضها.

انا معاك اشكالها مش متجانسه تحسها كل حته متاخده من موتوسيكل شكل
لكن تظل اكثر الماركات الصينى ماسكه سعر