السكوتر والمقارنه بين بعض الانواع

[farouk mohamed]

السلام عليكم ورحمة الله وبركاتو
انا اول مره اشارك في الجروب وليه الشرف طبعا وابقي جزيل الشكر لو حد ساعدني
انا نويت ان شاء الله اجيب اسكوتر بس محتار بصراحه انا تواصلت لموديل اسمو حوا فيستا شكلو العام حلو جداا وامكانياتو عاليه
وهو عامل في بعض الاماكن 18000 وفي بعض اماكن تانيه عامل 17500 فانا عاوز اعرف هل الموديل ده او شركة حوا عموما حلوه
انا مش عجبني خالص sym وبصيت ولقيت بينلي زينزيرو بس فيه ميكانيكي قالي اني المتور بتعها بيحل بسرعه وفيه ايجوس srz بس بعد كل ده عجبني حوا فيستا فاعاوز اعرف راي الاعضاء المحترمين واسف على الاطاله

[salam100100]

انا معرفش حاجه عن حوا فيستا لكن بصفه عامه الاسكوترز او اى حاجه تانيه لو قطع غيارها متوفره دا بيكون ميزه فصالح الاسكوتر

انصح حضرتك تنزل شارع 26 يوليو, انا نزلته يوم الخميس اللى فات كنت عايز اشترى بلف للعجله , لكن بلف معووج مش عدل عامل زاويه 90 درجه
المهم لفيت كتير ودخلت الحوارى اللى فالمنطقه- بجد عالم من قطع الغيار والورش - حسيت ان المنطقه دى متخصصه فقطع غيار الموتوسيكلات الصينى

لقيت البلف اخيرا عند واحد اسمه عصام زجمار جبته ب10 جنيه وهو دا المحل المتحصص فالهامرز f10

ميزه الsym فاعاده البيع- هو فعلا شكله تحسه هجين (الكرسى مش ماشى مع الفانوس- مش متجانس مع الفيبر- والشكان تحسه متاخد من موتوسيكل تانى)
البينيلى فالمركز التانى وهو صينى بتصميمات ايطاليه لكنه صينى بمكونات صينى
ايجوس منتشرش- كنت هشتريه من 5 سنسن وروحت التوكيل بتاعه فمدينه نصر وكان غالى وقتها لكن منجحش
حوا دا صينى منتجمع فمصر- سمعت انه فى مشاكل فترخيصه لكن يمكن تطلع اشاعات

[farouk mohamed]

انا متشكر لحضرتك جداا لردك هو انا sym بعدت عنو لشكلو حتي لو حلو مانا برده مش اجيب حاجه مش مرتحلها فى السواقه او الشكل وايجوس بتقولي مش منتشرطيب حوا ده بعيدا عن مشاكل الترخيص هل هو منتشر وقوة تحملو حلوه يعني تقفيلو حلو ولو مش حلو ايه الموديلات الي تنصحني بيها متعديش 18 الف
5992_1327hfzbVTUKM3f7.jpg
هو ده سكوتر حوا فيستا

[farouk mohamed]

5992_1327hfzbVTUKM3f7.jpg

[salam100100]

الاسكوترات الصينى كلها متقاربه
لو قطع غيار الحوا موجوده زى السير- البكر- تيل فرامل- فيبر...........الخ هاته
انا معرفش عنه حاجه لكن اللى عرفته من قرب سنه بدور على اسكوتر صينى ان الصينى كله متقارب فالعمر والاداء

فلو قطع الغيار متوفره هاته
وياريت يكون ليه قطع غيار فى اسكندريه
فالقاهره اكيد
هو شكله حلو الصراحه وقريب من الايجوس وبيقلد الهوندا

[farouk mohamed]

يعني كلو واحد فى قوة التحمل والتقفيل بس الفكره فى توافر قطع غيارو بس

[salam100100]

بظبت, لو قطع الغيار موجوده دا يشجعك تجيبه

انا بقول كدا عشان الموتوسيكلات الصينى عمرها قصير وبتحتاج تغيير حاجات اساسيه فيه على فترات قصيره
زى بلى عجل (رمان بلى)- تيل فرامل- مساعدين
فلو الحاجات دى مش متوفره هتدايقق وممكن البايك يتركن فتره لحد متلاقى قطع غيار