للي عنده خبرة كبيرة في موتوسيكلات هوندا .... عندي اسالة كتيرة عايزة اجابة

[Ahmad Ahmad Ma]

السؤال الاول : هل لل cc علاقة بالبنزين ؟؟؟؟ يعني هل بيحرق بنزين اكتر لو cc اعلى ولا لا ؟؟؟

السؤال التاني : هل في موتوسيكلات اعلى من 1500 cc ولا لا والمتاح لو في اكبر هيكون كام cc ؟؟؟؟ يعني اخر cc وصلولو كام ؟؟؟

السؤال التالت : اذا انا حبيت اعمل تعديلات ايه هيا الحاجات اللى اقدر اعدل عليها ؟؟؟؟ هل ينفع ال cc ازوده واخللي الموتوسيكل يقطع مثلا مسافة 1000 كم من غير ما امون ؟؟؟؟

السؤال الرابع : هل ينفع الموتوسيكل اطلب جنطه اعرض .. مربع او دائري بالاضافة للمواصفات السابقة اللى هيا ازود الcc واطول الرينج بتاع الموتوسيكل ؟؟؟

السؤال الخامس : لو نفع يحصل تعديل هيتراوح من كام لكام دولار ؟؟؟؟

ارجو الاجابة وشكرا على سعة صدركم

[salam100100]

1. نعم. كل مالcc يزيد استهلاك البنزين يزيد
2. نعم, على حد عملى vtx1800 دا موتور 1800 cc- اكيد فى مواتير اكبر فى هارلى
3. مينفعش تزود ال cc عشان دا حجم غرفه الاحتراق- المسافه ال1000 كم المطلوب قطعها بنفس التنك اعتقد مستحيله- اقصى استهلاك للموتوسيكلات الكبيره هى 25 كم لكل ليتر - يعنى لو عايز تقطع 1000 كم هتحتاج (1000/25=40 ليتر بنزين) ودا حجم تنك عربيه
4. ينفع تعرض الكاوتئ لكن هتحتاج تعمل تغييرات تانيه كتير
5. معرفش

حضرتك بتفكر فى ايه؟

[Ahmad Ahmad Ma]

1. نعم. كل مالcc يزيد استهلاك البنزين يزيد
2. نعم, على حد عملى vtx1800 دا موتور 1800 cc- اكيد فى مواتير اكبر فى هارلى
3. مينفعش تزود ال cc عشان دا حجم غرفه الاحتراق- المسافه ال1000 كم المطلوب قطعها بنفس التنك اعتقد مستحيله- اقصى استهلاك للموتوسيكلات الكبيره هى 25 كم لكل ليتر - يعنى لو عايز تقطع 1000 كم هتحتاج (1000/25=40 ليتر بنزين) ودا حجم تنك عربيه
4. ينفع تعرض الكاوتئ لكن هتحتاج تعمل تغييرات تانيه كتير
5. معرفش

حضرتك بتفكر فى ايه؟

مش عارف يافندم والله بس اللى انا عايزه موتوسيكل ريس فيه اعلى cc ممكن يعني اجيب اخره لانه زي ماحضرتك قولت دا حجم غرفة الاحتراق وادام فيه احتراق اكتر فده بيعني ان الموتوسيكل بيتسارع اكتر اهو انا نفسي بقي في تسارع كبير للموتوسيكل لانى مش عايز اوصل للسرعة اللى انا عايزها ببطئ ... يا ترى ايه اعلى cc ممكن في موتوسيكلات الريس ؟؟؟؟

وعايز الجتط عريض بس مش عارف ايه الاحسن دائري ولا مربع علسان لو فيه ملفات هل الحديد بتاع الجنط هيحك في الارض والموتسيكل مايل وبيلف ولا لاء ؟؟؟؟

وعايز اعرف انا لو عايز موتوسيكل كده هيكلف كام اذا كان هيكلف اكتر من طاقتي فهل ينفع اطلب من مصنع هوندا انو يصنعلي موتوسيكل بنفس المواصفات دي لكن موديله اقل من 2018 يعني مثلا موديله يكون 2010 او طالع ؟؟؟؟

بس الاكيد طبعا انو لو نفع يكون اقل في الموديل فده هينزل السعر طبعا ولا حضرتك مش معايا في كده ؟؟؟؟

عندي سؤال كمان هل تنصحني انى اتصل بخدمة عملاء شركة هوندا اللي في مصر استفسر ولا ايه ؟؟؟

[salam100100]

انا كلمت هوندا من اسبوعين بظبط- معندهمش موتوسيملات نهائى
سنه 2017 مستورودوش موتوسيكلات

ال سى سى مش كل حاجه

لو حضرتك بتدور على تسارع- اعلى حاجه متاحه فالسوق الامريكى هى كاوازاكلى h2r
1000 سى سى 310 حصان- سرعه قصوى تصل ل400 كم فالساعه
سعره يصل الى 58 الف دولار