إيه هو الموتورسيكل المفضل ليك ؟ وليه ؟

[t4h3r]

السلام عليكم ورحمة الله وبركاتة

عاملين ايه يا شباب ؟ ان شاء الله بخير


يا ترى ايه هو اكتر موتورسيكل بتحبه ؟ ؟ ؟ ؟

وبتحبه ليه ؟ ؟ ؟

وإيه امكانياته ؟ ؟

وكام سعره ؟


وورينا الصورة الخاصه بيه

[Cruiser]

بشكل عام أنا بحب الكساتم أكتر من الريس..

شكلها أجمل قعدتها مريحة تقدر تسوقه لمسافات كبيرة من غير ما يتعبك زي الريس

طبعا فيه منه أشكال كتيرة وطبعا عمهم هو الهارلي بس الهارلي غالي أوي غلو غير مبرر بالمقارنة بالهوندا

وأشهر نوعين في مصر هو الهوندا steed والهوندا shadow

الاستيد الـ400 جميل كبداية وبعد كده الواحد يعمل upgrade لهوندا شادو لإنه أضخم بكتير وأقوى وفي الخليج بيسموه الدبابة وعايزله واحد ضخم

ممكن تلاقي الاستيد بعشريناية وطبعا على حسب حالته وممكن أكتر أو أقل + -

وانا اخترتلكم الموديل ده انهارده

هوندا ستيد VLS موديل 98



وشكراً

Cruiser

[t4h3r]

شكراً يا Cruiser على ردك

ومستنيين الناس التانيه

[Mina-Magdy]

انا برضو رايى من راى cruiser الكساتم كانك راكب عربية مرسيدس يعنى اعدة وقوة ثبات واحب اضيف حاجة انة ممكن تروح بية شغلك يعنى لو بتلبس كلاسك وبدلة وممكن كمان تبقى جلد وبوت وحركات وكمان ممكن تركبة لغاية سن كبير بعكس الريس والتريلا

[star_is_mesho]

انا بحب الريسات عموما بعد 2000
الشكل الشارك بتاع الهوندا ال 1000 هو ده منايا
اما حاليا معايا 250 سي بي ار فاير بليد
ممتاز شكل واداء بس نعمل ايه بقى فى الطمع
لو حته 1000 فاير موديل 2001
يبقى تمام قوي هههه

[hedra]

ده موضوع جامد جدا
وانا على نفسى بحب الريس والياماها بالذات وخصوصا r1 وده لانها مكنه حلوه كتير قويه وبتجمع بسرعه وشكلها حلو وبحس انها صغيره انا نفسى اغمض وافتح واكون راكب واحده
ومن ناحيه السعر موديل 2004 او 2005 بيعمل حوالى 50 الف
عيوبه
انه موتوره سخن شويه
وعلى حد علمى قطع غياره قليله جدا وده بسبب سوقه اللى مش ماشى عندنا مع انها بره سوقها زى الحلاوه
ويا ريت لو حد جرب المكنه دى يقولى مميزاتها وعيوبها
متنسونيش

[attiaahmed]

انا بقى حلم حياتى فى الريس الهوندا 1100 ده عبارة عن صاروخ بيمشى على الارض .

[momo99]

يا جماعه انا كنت عايز اعرف موتوسكل ريس هيبوصه سوزوكى عامل كام مستعمل حالته نضيفه مش ماشى كتير موديل 2006 مرشيش زى الجديد يعمله فى حدود كام مستعمل وعامل كام جديد

[mahgary]

الهوندا steed ما لوش حل مكنه جميله جدا

[mohamed_samy]

ان عن نفسى بحب الريس جدا جدا واحسن موديل بحبة الهوندا cbr900rr 919cc 1999 لانة قوى جدا واعطالة قليلة جدا سرعتة 300كم 130حصان وشكلة تحفة وحجمة كبير ودى صفحتى http://www.nilemotors.net/Nile/11336...cc-1999-a.html

[KHALED2010]

انا كنت نفسي فى حاجة فوق ال 400

انا كنت نفسي فى اى موتوسكل فوق ال 400 سواء ريس او هارلى بانواعه المهم كان نفسي فى حاجة عزمها يكون شديد على الطريق لان كان فى طرق بمشي فيها زى طريق العين السخنة الطريق ده طالع طبعا كنت بحس ان الموتوسكل الصينى مش ماشي اصلا فاستخدمت حاجة زعلت منها بعد كده من نفسي ببساطة خليت اخويا خلص ليا موتوسكل ياماها من بتوع الحكومة وخرجه على انه لوط وبكده بمبلغ صغير قدرت اجيب موتوسكل فوق ال 400 زى ماكنت عايز وجبت مكنة 750 بدل ال 400 ودى الصورة

[KHALED2010]

طبعا المكنة اتشدت بعد كده وبقت مالهاش حل

[Merit]

طيب زعلت من نفسك ليه لما هيا حققت هدفك لموتوسيكل فوق ال400 ؟

وياريت الصور بعد التعديل كمان يبقي تمام قوي

[KHALED2010]

مهو المكنة مش لوط ولا حاجة بس خلصناها من تحت الترايزة يعنى من الاخر كده سرقة عرفت بقى انا زعلان ليه وببقى خايف جدا وانا ماشي بيها لانها مش من حقى

[Merit]

نصيحة صلح الموضوع ده بالطريقة الي إنت شايفها مناسبة علشان ده موتوسيكل مش هزار ، الواحد مش بيسلم منه وهو في السليم مابالك لو فيه قلق كمان، إخلص منه في أسرع وقت