كنت هاموت رسمى

[Diablo]

طريق مصر السويس الصحراوى طريق حسبى الله ونعم الوكيل
كنت هاموت رسمى 6 مرات اذا كان ترلة ولا مينى باص ولا ميكروباص
لانى كنت ماشى على 70 كيلو متر فى الساعة طبعا هتقولولى ليه لان لما مشيت على 120 لقيت الموتوسيكل بيترج جامد وابتدى يحدف يمين وشمال متهيالى ده من الكاوتش
والنبى ياولاد الحلال عايز اعرف اجيب كاوتش للريس بتاعى منين وبكام عشان سمعت اسعار خيالية
واذا كان فى مشلكة تانية تخلى الريس مش متوازن على الطريق انصحونى افادكم الله

[Rembrandt]

ترحم على العضو cbr هو اللى كان هيفيدك بس تم وقفة لطولة لسانة مع انة والله دمو خفيف

[haitham2006]

لية ياعم

فى crx بوب القسم ..

-
والف الف سلامة عليك وماتشوف شر باذن الله ..

[fakoussa]

حمد الله على السلامة يا باشا
و امشى بالراحة علشان انتا فى مصر .
دا انا فكرت اجيب موتوسيكل صينى مش هوندا ريس علشان سرعة بطيئة و احنا عايشين فى مصر .
مطبات - نقر - بلاليع - زيت و جاز على الارض - سواقين اغبياء .... الخ

[Rembrandt]

فعلا crx دماغ برضو

[CRX]

ألف ألف سلامة يا Diablo

وخد بالك لحسن الناس بحس كده انهم بيتغاظوا من اللي راكبين موتوسيكلات أو بيكرهوهم مش عارف ليه بصراحة

فاكرين كل اللي راكبين موتوسيكلات بتوع ديليفري

وألف شكر يا رجالة انا لسه والله بتعلم وبستفيد جدا منكم جميعا

وعلى فكرة CBR فعلا خبرته ما تتعوضش .. هوا بس قفش مع الإدارة ،، ومش عارف نعمل ايه علشان نرجعه تاني .. حد يكلمه لو يعرفه..

على فكرة .. ممكن حاجات كتير تسبب اهتزاز الموتوسيكل وانتا ماشي على سرعة مش شرط يكون الكاوتش فلازم تفحص الاول عند ميكانيكي (الا لو انتا متأكد من انه كاوتش). ممكن يكون الاهتزاز من الموتور نفسه، مش راكب كويس في القواعد لو كنت حالل قبل كده، يعني..

أما بأه تشتري كاوتش منين ففيه ميكانيكية بيبيعوه مستعمل زي ما بيبيعوا المواتير وقطع الغيار..
ولو عايز جديد عندك بورسعيد أو روح لتامركو هاتلاقي عنده ممكن..

وألف سلامة مرة تانية

[ZXR]

روح عند اي ميكانيكي
وخليه يظبطت لك الجادون والمساعدين الي قدام

ولو

لو فردة الكاوتش الي قدام مقسها اصغر من الي وراه سعتها لازم تتبدل
لان كل الحمل وانت ماشي بسرعه بالريس
بيكون على الجزء

الي قدام فا لازم يكون متظبط

واحمد ربنا انك محصلكش حركه خطيره

الي هيا لما تعدي الميه الموتوسيكل يبدء يتهزء من قدام كأنه بيرقص

ولو دوست فرامل الله يرحمك

فا حتتلخبط ومش حتعرف تعمل حاجه لانك مبتدأ

فا نصيحه روح خليه يظبطتلك اتزان الموتوسيكل من قدام

[kapo123]

لو سمحتو يا شباب انا عاوز cbr 400f موديل 1995 او 98 يعمل كام
ياريت الر د شكرا

[kapo123]

نسيت انا عوزه honda

[well12m]

اياكم والسرعه الجنونيه انتوا عارفين مصيرها ايه والعمر مش بعزئه

[werwerfwe]

؟؟؟؟؟؟؟؟؟؟؟؟؟؟؟؟

الف سلامة ياعم ديابلو

انا اسلام كويت :>> :k4:

[Diablo]

الله يسلمكم جميعا بس نفسى اعرف سعر الكاوتش بكام عشان سمعت ارقام غريبة زى 1350 ورا و 850 ادام وكمان تايوانى مش يابانى
فى ناس قلولى عليك وعلى الحرفيين باس خايف اضرب مشوار زى ده على الفاضى

[werwerfwe]

انا سامع الكاوتش الصيني ب 550 جنيه والله اعلم

[CRX]

يا ديابلو... هيا دي فعلا الاسعار

وفيه أغلى كمان وبتوصل ساعات 1800 حسب الموديل اللي راكبه (ريس ولا كاستم) والكاستم طبعا أغلى
ورا ولا قدام،، واللي ورا طبعا أغلى

صيني ولا ياباني والياباني طبعا أغلى

ونصيحة.. ما تستهترش بالكاوتش لانه مهم

[Etihad]

يا ديابلو... هيا دي فعلا الاسعار

وفيه أغلى كمان وبتوصل ساعات 1800 حسب الموديل اللي راكبه (ريس ولا كاستم) والكاستم طبعا أغلى
ورا ولا قدام،، واللي ورا طبعا أغلى

صيني ولا ياباني والياباني طبعا أغلى

ونصيحة.. ما تستهترش بالكاوتش لانه مهم

الله يرحم اشترتها من 5 سنين ب 250 جنيه